Gálatas 2:9 - Nuevo Testamento Toba Sur

⁹ Qaq ÿoqo'oyi so Santiago, Pedro, qataq so Juan mayi l'auaxanqa da nataxala'te, soomayi ÿauattoote' da nachiñi ñi Dios ñi aÿim ÿanem de'eda i'onataxanaxac. Qaq ÿoqo'oyi soomayi nachi aÿim nashileto qataq so Bernabé. Qaq de'eda qanashilaxac naigui da maichi qomi' nÿa't, qataq da qaÿaÿamaxadeeta da qomi' so'onataxanaxaigui nam saq judiopi, qaq soomayi qalaxayi do'onataxaadoigui nam judiopi.

Nuevo Testamento Toba Sombrero Negro

⁹ Santiago, Pedro nataq'aen Juan jo'ne nach'egaua qoyenapegalo lajel yema gaa'me p'etaqadaiquipi, yayate'n queda'me dojo' mach'e Dios jayem yeyala'ac. Chane'eja da'me yaloĝo'n da'me 'lamaqatenataĝanaĝa'j, qama'le jayem nataq'aen Bernabé qo'mi uajelegueta jogaa'me, qaedi ja'aqataĝanaĝama gaa'me ja judiopi da'me onaĝaic 'naqataĝanaĝac, qama'le jogaa'me qamqa'me t'aqataĝanema gaa'me judiopi.

La'aqtaqa Ñim Lo'onatac 'Enauacna 2013

⁹ Qaq ỹoqo'oye so Santiago, Pedro, qataq so Juan maye nataxala'ate qataq 'amaqtaqaiqa, soomaye ỹauattoote' da nacheñi Ñim Lo'onatac 'Enauacna Ñim aỹem tatelec naqa'en de'era no'onataxanaxac. Qaq ỹoqo'oye ñaỹamaxannaqchigui da so Bernabé qataq aỹem sa'aqtaxanaxam da no'on na'axaỹaxac nam saishet da judiopi, qaq soomaye da'aqtaxanem nam maiche lalamaxat lauo' le'ecpi. Ime, nache ñequinaxato, qaq de'era qanquinaxac naigui da soomaye ỹataqta ỹaỹamaxareete' de'era.

Gálatas 2:9 Iomraidhean Croise

Mateo 16:18

Qaq aÿim 'am shinapega da 'am Pedro mayi 'am coma', qaq da ne'ena coma' aÿim so'oxootelec qome aca i'onaxanaxaqui. Qaq ivida'a qome da l'añaxac da nleuaxa ÿataqta sa ishit da nlaxajñi acamayi.

Lucas 22:8

Nachi so Jesús ÿamaq so Pedro qataq so Juan, nachi 'enapegalo', 'eeta': –Qoquii qome, qauqataxañiÿai' cam qonoq qom qaiuennate so na'a'q mayi qanayica'ai yi Egipto.

Juan 1:42

Ime, nachi so Andrés ÿauec so Simón da ÿauega ca netaña so Jesús. Qaq so Jesús co'ollaq ila'aguet somayi, nachi 'enapega, 'eeta': –'Am Simón mayi 'am llalec so Jonás, nagui 'am qaÿamata'ac da 'ad'enaxat Cefas –de'eda n'enaxat naigui da Pedro, coma'.

Hechos 12:17

Qalaxayi somayi ÿauota'a na lhuaq da nhuogaxa somayipi da de'enaxaatai'. Ime, nachi i'axat da 'eetec ñi qadataxala' da nqateeguesop somayi añi ncoñitaxanaxaqui. Ime, nachi 'enapego' somayipi, 'eeta': –Qau'axachiim qome 'enauac de'eda ca Santiago qataq 'enauac na qadqaÿañicpi. Ime, nachi somayi jec da taÿa ca lÿa 'alhua.

Hechos 15:13

Qaq co'ollaq ima't da l'aqtaxanaxa'c, nachi so Santiago detaqa, 'eeta': –Qami' ÿaqaÿa't, ñaq qan'axaÿaxañiÿa da i'aqtac, 'eeta':

Hechos 15:7

Qaq co'ollaq mashi qaÿoqtegue da ntaxaÿaxac, nachi so Pedro nachajñi, nachi 'enapeco': –Qami' ÿaqaÿa't, qami' qauaÿajñi da ñi Dios aÿim ÿaconeu'a co'ollaxa, aÿim ÿachigoxottoigui da qoñiita, da yaqto' aÿim sa'axatem da no'on qad'axaÿaxac na sa ishit da judiopi, da yaqto' da'amqajnataxan.

Hechos 4:36

Qaq huo'o so ÿalectauo l'enaxat José, somayi lañoqo' aca ÿaqa'ata 'alhua l'enaxat da Chipre. Somayi chigaqaigui nam ltauapi na ntaxaÿaxanaxanecpi mayi llalaqpi so Leví. Qaq soua namaxa'shi ÿauo'o da dalaxaic l'enaxat Bernabé. Qaq de'eda n'enaxat naigui da 'añaqtaxanaxaic.

Romanos 1:5

Qaq nachi chigoqchigui so Jesucristo da ñi Dios qomi' nqouagueque da qomi' ÿanaguilo da qomi' lamaxa'shi, da yaqto' so'onataxanqot somayi, yaqto' 'enauac na ÿotta'a't shiÿaxauapi ishit da huo'o ca da'amqajnataxan qataq ÿalaq.

Romanos 12:3

Cha'ayi ñi Dios aÿim nqouaguec da aÿim ÿanem de'eda i'onataxanaxac. Ÿoqo'oyi qami' shinapegalo da 'enauac da qoñiita sa ishit qome da huo'o ca ñi'oxonnapec da lhuennataxa da nlotapeguela't. Chaqdata qome da ñi 'oonolec ÿataqta nloteec da deuennataxaatac, qataq iloteguet cam nalotau'a da lpi'iÿaxac mayi ÿanem ñi Dios.

Romanos 15:15

Qalaxayi ñaqaiyita sa ishit da shi'iÿalec ana'ana ÿide da qami' samaxalo da sa'axatta 'enauac namayipi, yaqto' sa ishit qome da qaucouai'ai. Cha'ayi maichi chigoqchigui naq'en da lqouagaxanaqtaic ñi Dios da aÿim ÿanagui da i'onataxanaxac,

1 Corintios 15:10

Qalaxayi da lqouagaxanaqtaic ñi Dios nachida da huo'o mshi aÿim nagui, qaq de'eda ñoqouagaxa sa ishit da saqca ca naigui. Cha'ayi aÿim ÿacteec da i'onataxanaxac, ñapacalec 'enauac na laÿipi namaxashicpi. Qalaxayi sa ishit da nachaÿim, nachida da lqouagaxanaqtaic ñi Dios mayi aÿim ÿanem.

2 Corintios 11:5

Cha'ayi aÿim sela'a da sa ishit da aÿim napacalec nam qoquiitague'pi mayi 'eetega da nataÿaña nam Jesús lamaxashicpi.

2 Corintios 12:11

Aÿim 'ico' huo'o da ñi'onataxac souaxat da maichi ñi'amaqten, qalaxayi qami' mayi qauayiñiÿa'a aÿim. Qamaq qamí'ctaxa mayi qavi'oxoyiñiitac aÿim, cha'ayi sela'a da sa ishit da aÿim napacalec nam qoquiitague'pi mayi 'eetega da nataÿaña nam Jesús lamaxashicpi, nai'ctaxa da aÿim qaica ca shinec.

2 Corintios 8:4

Qataq ÿataqta qomi' nachoxodeetapoiguilo da sauaxasoqta'a da nhuanau'a de'eda ntaunaxanaxac da qaitauan ca qadqaÿañicpi.

Gálatas 1:16

nachi huaña, qaq aÿim ÿauattonaxanaxanguet so llalec, da yaqto' aÿim sa'axatem nam saq judiopi da l'aqtac mayi chigaqaigui da nca'alaxa. Qaq co'ollaq mashi ime de'eda, nachi aÿim sa ishit da huo'o ca ñinate'.

Gálatas 1:18

Qaq co'ollaq mashi inoxoodeec soua tres vi'iyi, nachi aÿim saigue da Jerusalén. Huaña, nachi aÿim sauatton so Pedro, nachi soota'asop somayi, ivi' naua quince na'axa'te.

Gálatas 2:1

Qaq co'ollaq mashi inoxoodeec soua catorce vi'iyi, nachi qaltaq saigue da Jerusalén, ñinaictague' so Bernabé, qataq sauec so Tito.

Gálatas 2:2

Qaq saigue damayi, cha'ayi ñi Dios ÿauo'o co'ollaxa da ÿauanaqchic, da yaqto' aÿim saigue damayi. Qaq co'ollaq huaña yi Jerusalén co'ollaq huaigui so ÿaqauga ltaxaÿaxac som nachi 'eetai'salo da nataxala'te, nachi sa'aqtaxaatapeguema da 'eetec dam n'aqtac mayi sa'axattapeguem nam saq judiopi. Qaq so'ot de'eda, cha'ayi sa saÿamaxaden da qaica ca naigui dam mashi semat qataq ñaq shicto'ot da so'ottac nagui.

Gálatas 6:3

Cha'ayi ca ipi'itaxaatega da 'amaqtaqaic, qamaq qaica ca naigui, qaq camayi 'eeta'am da maichi natenachittapeguela't.

Efesios 2:20

Qataq qami' qoñiita'am ca noÿic mayi qan'oxootapiguishiguem, n'oxootelec qanqoÿin som lapaxañi co'olloxochiyi na lamaxashicpi so Jesús qataq na l'aqtaxanaxanecpi ñi Dios. Qaq nachiso so Jesucristo som 'ico' coma' mayi nllañi ca noÿic.

Efesios 3:8

Cha'ayi aÿim ÿataqta qaica ca i'amaqchic, sa ishit da shin'am ca ÿapacteec qaica ca l'amaqchic na lalamaxatpi ñi Dios. Qalaxayi ñimayi aÿim ÿanagui de'eda ñi'achiquiaxac da yaqto' sa'axatem nam sa ishit da judío l'ecpi da no'on qad'axaÿaxac mayi i'axat dam sa ishit da qanaloqten lsallaxa so Cristo.

Colosenses 1:29

Qaq nachida da huo'o mshi aÿim ÿataqta imauec ñaq'en da ñi'añaxataxac mayi aÿim ÿami' so Cristo da so'onataxaatac.

1 Timoteo 3:15

yaqto' da aÿim lcopata'aguet, qalaxayi mashi lhuotta da 'auaÿaten ca no'on n'onataxac ca 'oonolec na llalaqpi ñi Dios, mayi qoÿinac, nachina na 'amqajnataxanaxaicpi nam i'amaqten ñi Dios mayi ÿataqta nca'altauec. Namayipi nachina na nllitañi da 'eesa lataxac, qataq 'ico' lcopaqtaxat.

1 Juan 1:3

Qaq qami' sa'axataxama dam sauanaqchigui qataq sa'axasoqchigui, yaqto' qami' ishit da qomi' qan'ayiitau'alo, 'eeta'am da 'eetec da qomi' ñi'idaqtau'a ñi qadta'a Dios qataq so llalec Jesucristo.

Apocalipsis 3:12

Qaq cam dauegaxan qome, nachi aÿim sanagui da 'ico' aca nhuoqte mayi nllañi aca l'onaxanaxaqui ñi ita'a Dios, nachi camayipi sa ishit da nauane' da pa'auec. Qaq camayipi sedelec da l'enaxat ñi ita'a Dios qataq ca l'enaxat cam lma' ñimayi, cam dalaxaic Jerusalén mayi chigoqo'ot na piguem, chigoqtot ñi ita'a Dios. Nataq'en sedelec camayipi ca dalaxaic i'enaxat.