Gálatas 1:8 - Nuevo Testamento Toba Sur

⁸ Qalaxayi da huo'o ca qami' i'axatema ca lÿa n'aqtaguec da nca'alaxa da huo'otaq sa ishit da natenguet dam mashi qami' sa'axatema, qalaq camayi qaÿauo'o qome ca lta'adaic nhuaxanaguec, nai'ctaxa da huo'otaq nachaÿim, huo'otaq chigaqshiguem Dios lamaxashic.

Nuevo Testamento Toba Sombrero Negro

⁸ Qalaĝaja qom 'uo ga'me ami 'yaĝatema ga'me 'naqataĝanaĝac laqaya jo'ne ja ena'am ga'me joote ami ja'aqataĝanaĝama, qama'le ñachoĝodenot ñe'me Dios qaedi ya'uo ne'uaĝanaguec joga'me, mate mane'e chiyoĝogue di'me piyem uotaĝa qo'mi chiyaqauelo.

La'aqtaqa Ñim Lo'onatac 'Enauacna 2013

⁸ Qaq ỹoqo'oye da huo'o ca nvi' da qami' da'aqtaxanema ca lỹa na'aqtaxanaxac maye 'eetega no'on na'axaỹaxac qalaxaye saishet da nateeteguet dam qami' sa'aqtaxanaqteguema, qaq aỹem seỹaxanot Ñim Lo'onatac 'Enauacna da ỹauo'o ca nhuaxanaguec camaye, na'aictaxa da huo'otaq namaxashec chegoqo'ot na piguem huo'otaq da maiche qarỹa.

Gálatas 1:8 Iomraidhean Croise

Mateo 25:41

Nachi ne'ena nta'a 'enapega qome nam hueta'ague na n'emaq, 'eeta': “Aÿim qoquiÿa'ai qome, qami' mayi qaÿauo'o da qanhuaxanaguiiqui. Qaÿingui yim chochaq tateec nodec mayi qaÿaqataxaatai' da yaqto' qaÿasaxangui so shiÿaxaua lma'na qataq nam lamaxashicpi.

Marcos 14:71

Nachi so Pedro ÿataqta 'eesa naq'en da l'aqtac qataq 'eetega da qaÿalauat da huo'otaq ÿauatton somayi, 'eeta': –Aque', sa sauatton de'eda shiÿaxaua mayi aÿim qau'axachiitapeguem.

Hechos 23:14

Nachi somayipi nqo'oneu'a som lataxala' na ntaxaÿaxanaxanecpi, qataq nam lquedoxonecpi nam judiopi, nachi 'enapeco': –Qomi' sanaq da qad'aqtac, da yaqto' sepagaqchigui da sa ishit da sequi'aq, da huo'otaq saxanaxa da salauataq so Pablo.

Romanos 16:17

Qami' ÿaqaÿa't, qami' ñachoxodeetoiguilo da ÿataqta qauloiteguet qome nam huesogui naq'en na shiÿaxauapi, qataq 'ico' qui'aqañi naq'en. Cha'ayi namayipi ÿataqta npa'aguene' nam napaxaguenataxanaxacpi mayi mashi qauaÿajñi. Ÿoqo'oyi qoquiÿa'ai qome namayipi.

Romanos 9:3

Cha'ayi aÿim mashi sovida'a da ñishitaique da aÿim ÿamaqauec ñi Dios da yaqto' aÿim qaÿoqta naq'en so Cristo, souaxat na ÿaqaÿañicpi mayi maichi ÿalamaxat iuo' l'ecpi, da huo'otaq damayi ishit da naigui ca no'on laÿamqa' namayipi.

1 Corintios 12:3

Ÿoqo'oyi ñishitaique nagui da qauaÿajñiita da ca itaxaÿaxanaxan so Espíritu mayi chigoqo'ot ñi Dios, sa ishit da 'enapec da l'aqtac: “¡Yi sa qaÿalauato' so Jesús!” Qataq qaica ca ishit da 'enapec: “¡Nachiso so Jesús mayi ÿataxala'!” da huo'otaq sa ishit da nachiso so Espíritu Santo da i'aqtaxanaxan.

1 Corintios 16:22

Da huo'o ca sa ishit da ÿauotec so qadataxala' Jesucristo, camayi huetalec da lta'adaic nhuaxanaguec. ¡'Am qadataxala', saqaÿaloq qome da 'ayi'iguelaq!

Gálatas 1:9

Damayi sogote co'ollaxa da i'aqtac, qalaxayi nagui qaltaq shi'iguelaxalec da shinapec: Da huo'otaq huo'o ca qami' i'axatema ca lÿa n'aqtaxanaxac mayi 'eetega chigaqaigui da nca'alaxa, da huo'otaq sa natenguet dam mashi qauacoñiiguet, qalaq camayi qaÿauo'o qome ca lta'adaic nhuaxanaguec.

Gálatas 3:10

Qaq ÿoqo'oyi nam ÿachito'ot da lpi'iÿaxac nam nqataxacpi mayi chigoqo'ot so Moisés, namayipi huetalec da lta'adaic nhuaxanaguec. Cha'ayi naua ñiyigui'shi n'aqtaqa 'eeta': “'Enauac nam sa ishit da ipaguelec nam 'enapecpi nam 'enauac nanettalec anam nanedaxalate na nqataxacpi, nachi namayipi huetalec da lta'adaic nhuaxanaguec.”

Gálatas 3:13

Qaq so Cristo qomi' nca'alaxateeguesopa dam lta'adaic qanhuaxanaguec mayi chigoqchigui na nqataxacpi, cha'ayi somayi nañanguet da lta'adaic nhuaxanaguec souaxat qomi'. Cha'ayi naua ñiyigui'shi l'aqtaqa ñi Dios 'eeta': “Ÿataqta sa qaichoxonnai' qome da qaÿauo'o da nhuaxanaguec ca qaicoñida'aguet cam qo'ipaq.”

Tito 3:10

Da huo'o ca sa nhuojna't naq'en na 'amqajnataxanaxaicpi, camayi ÿataqta 'autaxaÿot. Qaq da 'am sa ÿalaxaguet da mashi dos 'avi'iguelaxalec da qonapega, camayi nal'en da 'auÿotauga.

2 Pedro 2:14

Namayipi nataq'en qaca aca 'alo da sa nqopitta'a da huo'otaq ilota'a. Ÿataqta sa ishit da nasamiisop da i'ottac da lli'itaxaloxo. Qataq chochi ÿayin da ÿashaxaneec ca shiÿaxaua mayi qaica ca l'añaxac, qataq ÿataqta sa ishit da nqalaate' da chochi nqat aca alom ca lÿa. Namayipi huetalec da lta'adaic nhuaxanaguec.