Gálatas 1:13 - Nuevo Testamento Toba Sur

¹³ Qataq sogote da qau'aqaitapeguelec co'ollaxa da 'eetec da ÿataxac can ñaq shictaigui dam 'eetec da l'amqajnataxanaxac na judiopi. Qataq sogote da qauaÿajñi da shiitec da ÿayiloxo co'ollaq secanaxaatapigui nam lalamaxatpi ñi Dios da ñishitaique da ñilaxajñi.

Nuevo Testamento Toba Sombrero Negro

¹³ Ami joote auayachiñe da'me eeta da'me 'yoyaĝac, ca'li maliaĝa jouetaue da'me lepe'e' jogaa'me judiopi. Nataq'aen auayachiñe ca'li jecaa'tape jogaa'me Dios lec'oqo'tepi, ja'uo lachoĝode'j qa'a jetaque japalaĝa't jogaa'me.

La'aqtaqa Ñim Lo'onatac 'Enauacna 2013

¹³ Qami' mashe qauaỹaañi da ỹataxac co'ollaq shectaigui da la'amqaanataxanaxac na judiopi. Nataqa'en qauaỹachiñiita da sheetec co'ollaq da sauo'o da lta'araic nque'eenaxac nam ỹa'amaqteetac Ñim Lo'onatac 'Enauacna qataq da sheetec da sauotaique da ỹataqta selaxachigui.

Gálatas 1:13 Iomraidhean Croise

Hechos 8:1

Qaq so Saulo ÿataqta ÿaÿamaxadeeta da nalaataguec so Esteban. Qaq nachi huetoigui se'eso na'a'q da qaicanaxangui na 'amqajnataxanaxaicpi yi Jerusalén, nachi huo'o na taÿa yi 'alhua Judea qataq yi Samaria. Qaq chaqsouate' soua Jesús lamaxa'shi n'oidañi.

Hechos 8:3

Qaq so Saulo nachi ÿataqta ÿoqopitaxanapec da icaatac na 'amqajnataxanaxaicpi, inoxotta'pe naua noiqa. Cam ilalec ÿale, huo'otaq 'alo, nachi ÿauogonnauec, nachi ÿauegueuo, da yaqto' qaicoñi'.

Hechos 9:21

Nachi 'enauac nam n'axaÿaxaatega somayi ÿataqta huo'o da l'aalaxa. Nachi 'eeta': –¿Sa ishito' peta'a da saq nachida dam shiÿaxaua mayi icaatac nam nqouagaxaueetega so Jesús mayi netaña yi Jerusalén? qataq ¿sa ishito' peta'a da saq nachida dam naÿa'a ne'ena souaqta'a da ÿaconeu'a da icoñi' na 'amqajnataxanaxaicpi, nachi ÿaneu'a nam lataxala'pi na ntaxaÿaxanaxanecpi?

Hechos 9:26

Qaq so Saulo co'ollaq iviteu'a yi Jerusalén, nachi ÿauotaique da ÿalegoigui na 'amqajnataxanaxaicpi. Qalaxayi 'enauac namayipi ñi'ita'aguet somayi, cha'ayi sa ishit da i'amaqten da somayi mashi da'amqajnataxan.

1 Corintios 10:32

Sa ishit da huo'o ca huañi qanqashiñi na judío l'ecpi, huo'otaq na saq judío l'ecpi, huo'otaq na i'amaqteetacpi ñi Dios.

1 Corintios 15:9

Cha'ayi aÿim qaica ca i'amaqchic, saq shin'am na laÿipi lamaxashicpi so Jesús, qataq sa yalou'a da aÿim qoÿanagui da aÿim lamaxashic somayi, cha'ayi secaatac na i'amaqteetacpi ñi Dios co'olloxochiyi.

Filipenses 3:6

Qaq da lataxac da qanayicteguelo naua 'ena'pe naua nqataxaco, qalaq ÿataqta sa ishit da huo'o ca aÿim qaÿasaxalec ÿasouaxashit.

1 Timoteo 1:13

Qaq ñimayi aÿim i'otec de'eda, nai'ctaxa da so lÿa na'a'q ÿataqta sasaxalguete na itaxaÿaxaco qauema da sa seyacnapec, qataq secaatac, qataq seshiueetac. Qalaxayi ñi Dios ÿataqta aÿim ichoxoden, cha'ayi saxanaxa da sa'amaqten so Jesús, qataq ÿataqta sa saÿaten da so'ottac.

1 Timoteo 1:14

Ÿoqo'oyi aÿim ÿanem da lqouagaxanaqtaic ÿataqta saq llalcolec, nataq'en da npi'iÿaxac, nataq'en da nsoxoyic mayi 'enauac qomi' qoÿanema souaxat da ñi'adaqtau'a so Cristo Jesús.