Gálatas 1:10 - Nuevo Testamento Toba Sur

¹⁰ Qaq da aÿim shinapec de'eda, qaq ¿peta'a chochi ñishitaique da aÿim ÿaÿamaxadeeta na shiÿaxauapi, huo'otaq ñi Dios? Loqo' chaq ¿chochi ñishitaique da saqca ca da ñaq'en na shiÿaxauapi? Cha'ayi da huo'otaq ña ñishitaique da chochi aÿim ÿaÿamaxadeeta na shiÿaxauapi, qaq sa ishit da aÿim l-latac so Cristo.

Nuevo Testamento Toba Sombrero Negro

¹⁰ Ja jelotaque ta'le jiyaĝadipi 'yamaqate'n ga'me ñenaĝategue, uotaĝa ta'le jelotaque da'me qaedi gamachaqaega jayem yiyamaĝaden. Ta'le naq'aeta da'me ja'uo qama'le ena'am ta'le ja jayem 'te Cristo lalemaĝajet. Qalaĝaja da'me mach'e jayem, ¡ga'me jo'ne jen p'ajaye ta'le nach'eñe ñe'me Dios jayem yiyamaĝaden!

La'aqtaqa Ñim Lo'onatac 'Enauacna 2013

¹⁰ Saishet da shectaigui da choche ñimitta'a da na shiỹaxauapi ỹaỹamaxareeta ca shenapec. Qataq saishet da ñimitta'a da aỹem qaỹamateguet. Cha'aye da nache sheetec de'era, nache saishet da aỹem lamaxashec So Cristo. ¡Cha'aye da ỹoqta ỹaỹamaqchiguiñi ñaqa'en da Ñim Lo'onatac 'Enauacna aỹem ỹaỹamaxareeta!

Gálatas 1:10 Iomraidhean Croise

Mateo 22:16

Huaña, nachi huo'o na qanamaq nam lapaxaguenatacpi namayipi qataq nam ÿalectaigui na quetague' so nta'a Herodes, da yaqto' 'enapega so Jesús, 'eeta': –'Am mayi 'auapaxaguenataxaatac, qomi' saÿajnaq da 'am ÿataqta 'eesoda naua 'ad'aqtaqa, qataq 'auapaxaguenataxaatapeguec da llic da no'on nataxac mayi ÿaÿamaxadeeta ñi Dios, qataq sa ishit da 'auqochitega cam 'enapec na shiÿaxauapi, cha'ayi 'am sa ishit da 'aulotapigui da yi'oqchigui lataxac na shiÿaxauapi.

Mateo 28:14

Qaq ñi nta'a da huo'otaq ivido'ot da ÿaÿaten de'eda, qalaxayi huo'oi qomi' qami' ñipaxataqleguete, da yaqto' sa ishit da huo'o ca qanhuaxanaguiiqui.

Mateo 6:24

Qaica ca ishit da dos naq'en caua n'aco'yi. Cha'ayi ishit da ÿaÿimec ca lÿa, qataq ÿauotec ca lÿa, huo'otaq da ÿataqta ÿalaxaguet ca 'oonolec, qaq ca lÿa qalaq ÿataqta i'otan. Qaq nachi 'eetec da sa ishit da qai'onataxanot ñi Dios qataq acam yi'oqchigui plata.

Hechos 12:20

Qaq so Herodes ÿataqta dalemataÿa nam shiÿaxauapi mayi netaña yi Tiro qataq yi Sidón. Qalaxayi somayipi co'ollaxa huaxaÿa't da qaÿauotaique qanqo'oneu'a somayi da qaitaxaÿapegue'. Qalaxayi qai'auaxaañi da qaitaxaÿapegue' so Blasto som nta'a lta'adaic mayi ltaua so Herodes, da yaqto' somayi detaxaÿapegue' so nta'a, da yaqto' ÿanem da l-lagaxayic somayipi. Cha'ayi somayipi da lqui'axac nachi ÿachigoxottapiguiña yim n'alhua so nta'a.

Hechos 5:29

Nachi so Pedro qataq soua lÿa't namaxa'shi 'ena'po': –Qomi' iuen da hua'auñi da ÿataqta salaxasoxoguet ñi Dios, ime, qataq jec na yi'oqchigui shiÿaxauapi.

Romanos 1:1

Aÿim Pablo, aÿim l-latac so Jesucristo. Ñi Dios aÿim iÿaxana, qataq aÿim iÿotauga da ÿauo'o aÿim lamaxashic, da yaqto' sa'axat da l'aqtac mayi chigaqaigui da nca'alaxa.

Romanos 2:29

Cha'ayi ca ÿoqta 'eesa da judío l'ec, qalaxayi nachida dam saq cha'a lavilÿaxac. Qataq cam ÿoqta 'eesa da qaÿauo'o ca n'anaxat, qalaxayi nachañi añi lquiyaqte qai'an. Qaq de'eda sa ishit da chigoqchigui naua ñiyigui'shi nqataxaco, cha'ayi damayi chigoqchigui dam saq cha'a nvilÿaxac. Qaq cam nachi 'eetec de'eda, nachi camayi ÿataqta qaÿaÿamaxadeeta, qalaxayi sa ishit da chochi shiÿaxaua ca ÿaÿamaxadeeta, cha'ayi nachiñi ñi Dios.

Romanos 2:8

Qalaxayi idolec qome da layiloxo qom ÿauo'o ca nhuaxanaguec nam i'ottac ca maichi 'eetapeguec qataq sa ishit da ÿalaxalec da 'eesa lataxac, chaqnata nam sa ÿaÿamaxañisat.

1 Corintios 10:33

Qaq aÿim ÿataqta ñipogoxoueetague' da 'enauac qaÿaÿamaxadeeta ca so'ot. Qaq sa ishit da maichi ñimittaique ca ÿaÿamaxa. Chaqdata da ñishitaique da saÿamaxajñi ca iÿa, yaqto' ishit da qanca'alaxateec.

2 Corintios 12:19

Qalqo' ¿qami' qaupi'itaxañiÿa peta'a da qomi' shinaqpec de'eda, da chochi qami' ñoqolguetaqtagueto? 'A'i, sa ishit. Chaqdata da qomi' ÿaÿateete' ñi Dios nagui da qomi' itaxaÿaxanaxa'n so Cristo. Qaq 'enauac de'eda so'otaq, qami' ÿaqaÿadolqa, damayi naigui da yaqto' ishit da qanquiquiitashiguem.

Efesios 6:6

Da qau'onataxañiitac, qalaq sa ishit da chaqdata da qami' ilotaguilo namayipi da chochi qauauoitaique da qami' ÿaÿamaxadeete'. Chaqdata da 'eeta'am da qami' l-lataqa so Cristo da ÿataqta imauec da qadquiyaqteÿaxaqui da qau'ochi 'enauac na 'eetapeguecpi ñi Dios.

Filipenses 1:1

Aÿim Pablo qataq ñi Timoteo, qomi' l-lataqa so Jesucristo. Qomi' samaxasaxa ana qodede 'enauac na 'amqajnataxanaxaicpi mayi netaña yi la ciudad Filipos, nam lalamaxatpi ñi Dios qataq n'attau'a so Cristo Jesús. Ana qodede nataq'en taÿa'a na lataxala'pi namayipi qataq na ltauapi.

Colosenses 3:22

Qataq qami' nlatacpi, ÿataqta qaualaqaiguet qome ca yi'oqchigui qan'aco'oi. Sa ishit da chaqdata da qami' ilotaguilo da yaqto' qami' ÿaÿamaxadeete', chaqdata da ÿataqta huosotta da qadquiyaqteÿaxaqui, souaxat da qayi'iitega ñi Dios.

1 Ts 2:4

Chaqdata da ñi Dios qomi' ÿi'igue'n. Qaq co'olla qomi' ÿaÿamaxadeete' nachi qomi' ipataxalguete da sa'axataq da l'aqtac mayi chigaqaigui da nca'alaxa. Qa nachida da huo'o mshi sa'aqtaxanaqtac. Sa ishit da ñimitaqtaique da chochi qomi' ÿaÿamaxadeeta'pe naua qadquiyaqte.

Santiago 4:4

¡Qami' mayi qai'axañiiuec da qauauochiic ñi Dios! ¿Qami' sa qauaÿajñiÿo' da ca shiÿaxaua da nauote' na nqopitaxanaqtaicpi mayi huetalec ana 'alhua, nachi camayi 'ico' npa'aguenaxaua ñi Dios? Qaq ca ÿi'iguena'a da nauote' na nqopitaxanaqtaiguesat mayi huetalecna, que'eca shiÿaxaua ÿataqta npa'aguene' ñi Dios.

1 Juan 3:9

Qalaxayi nam llalaqpi ñi Dios sa ishit da huo'otaq huo'o ca queto'ot da i'otta'pe naua lasouaxashi'te, cha'ayi camayi hueto'ot da achaalataxac mayi ÿanem ñi Dios. Nachi camayi sa ishit da queto'ot da i'otta'pe naua lasouaxashi'te, cha'ayi llalec ñi Dios.