Filemón 1:22 - Nuevo Testamento Toba Sur

²² Nataq'en soqopitaxanapec da 'am shinapega da 'auqataxanai' qome ca i'ochaqa', cha'ayi aÿim seuattaique da huo'otaq qaÿasateguet que'eca qanqouagaxaunaxaqui. Nachi ñi Dios ishit da aÿim ÿanem da yaqto' qami' ñoqo'onalo.

Nuevo Testamento Toba Sombrero Negro

²² Yitaĝa uoja'ega, aviyamaĝatetac jo' qomle ga'me 'yochaqa', qa'a yeuataqataĝanaĝac da'me ami jauanalo qom 'yategueta daa'me anetamenaĝacodi' joñe'me Dios, qom yajeta da'me cha'li ami jec'atalo.

La'aqtaqa Ñim Lo'onatac 'Enauacna 2013

²² Nataqa'en seqopitaxanapec da 'am shenapega da 'auqataxanai' qome ca ỹo'ochaqa', cha'aye aỹem seuattaique da Ñim Lo'onatac 'Enauacna hua'axaỹa da qanqouagaxaunaxaqui, nache aỹem nqateeguesop ana'ana ncoñetaxanaxaqui, nache ishet da ashec da qami' ñamaqtegalo.

Filemón 1:22 Iomraidhean Croise

Hechos 27:24

Qaq somayi aÿim 'eetega, 'eeta': “Sa ishit qome da 'ayi'itac, 'am Pablo, cha'ayi 'am 'anachaateu'a qome ñi nta'a mayi neta'ague da Roma. Qaq souaxat da qoneta, nachi ñi Dios nca'alaxateeguesop qome da l-leuaxa 'enauac nam 'anqotta'ai'pi ana barco.”

Hechos 28:23

Qaq ÿoqo'oyi qaÿauo'o so naloqnec na'a'q. Qaq co'ollaq ivita se'eso na'a'q, nachi ÿataqta qalota na shiÿaxauapi na nvita ca netaña so Pablo. Nachi ÿachigoxottot se'eso nte'eta, chochi ivitta'a so avit, da i'axattapeguem somayipi da l'onataxanaxac ñi Dios da ilo'ogue 'enauacna. Ÿataqta quetapegueu'a somayipi da i'amaqten naq'en so Jesús, nachi i'axattac nam nqataxacpi mayi chigoqo'ot so Moisés qataq nam l'aqtaxanaxac som l'aqtaxanaxanecpi ñi Dios.

Romanos 15:24

Qalaxayi aÿim seuatta'a qom huo'otaq ishit da saigue da España, nachi qami' saÿalguete da qami' ñamaqtegalo. Qaq qom mashi nmeta da qami' ñauaneto, nachi huo'o da ñaquitaxac da ishit da aÿim qautauañi, da yaqto' sevida'ague damayi.

2 Corintios 1:11

lamaaxa da qomi' qautauañi', qomi' qanqouagaxauñiitalguete. Qaq da saqalota na shiÿaxauapi qomi' nqouagaxaueetalguete, qaq nachi 'en'am saqalota na ÿaatacot da n'achiquiaxac ñi Dios souaxat da lqouagaxanaqtaic mayi qomi' ÿanema.

Filipenses 1:19

cha'ayi aÿim saÿaten da saqca ca da da ñachaalataxac, cha'ayi qami' aÿim qanqouagaxauñiitalec, qataq da ltaunaxanaxac so Espíritu Santo mayi netanguit co'ollaxa so Jesucristo.

Filipenses 2:24

qaq nai'ctaxa da aÿim huo'o da ñaquitaxac so qadataxala' da aÿim ishit qome da saqaÿaloq da qami' ñoqo'onalo.

Hebreos 13:19

Qaq ÿataqta seuen ca qanqouagaxaunaxaqui, yaqto' ñi Dios ishit da aÿim ÿanem da saqaÿaloq da qaltaq qami' soota'agueta.

Hebreos 13:23

Qaq qami' sa'aqtaxanema da so qadqaÿa Timoteo mashi sogote da qaisouec. Qaq qom saqaÿaloq da aÿim nvita, qaq sauec qome da qami' ñoqo'onalo.

Santiago 5:16

Qaq ÿoqo'oyi ñi 'oonolec da qoñiita da'aqtaxanem ca lÿa ca lasouaxashit, qataq ñi 'oonolec nqouagaxaueelec ca lÿa, yaqto' qami' qanatade'n. Da nqouagaxaunaxac ca no'on shiÿaxaua ÿataqta huo'o naq 'enec.

2 Juan 1:12

Qaq ÿataqta qalota nam i'aqtacpi da qami' shinapegalo. Qalaxayi sa ishit da sedelec ana'ana ÿide da qami' samaxalo. Cha'ayi seuata'a qom qami' ñoqo'onalo mayi ÿataqta qami' ñima'ato da qami' shinapegalo, yaqto' da qantonaxac ÿataqta nalochiguiñi.

3 Juan 1:14

Cha'ayi seuata'a qom huo'otaq saqaÿaloq da 'am ñauane', nachi ÿataqta ñima'ai' da 'am setaqtapegue'.