Efesios 6:9 - Nuevo Testamento Toba Sur

⁹ Qataq qami' 'aco'pi nataq'en ÿataqta qau'enaxachiiteguet qome na qadlataquiipi. Sa ishit da qauayiñiitalec. Qauennachiÿa'a da qami' qataq namayipi qoviito'ot so qadataxala' mayi neta'ague da piguem, qaq somayi sa ishit da huo'otaq lca'atagui na shiÿaxauapi.

Nuevo Testamento Toba Sombrero Negro

⁹ Nataq'aen ami jaliaĝanaqapi, 'noota qom yataqata avichoĝodeñi' gaa'me adalemaĝaje'chidi', ena'te aueñi co'yaq ga'me anenaĝachiyidegue, qa'a joote auayachiñe queda'me 'uo ñe'me mach'e Adejaliaĝanequi jo'ne nach'e ena'am Lejaliaĝane'j gaa'me adalemaĝaje'chidi', nach'eñe jo'ne ne'tague di'me piyem, qama'le nach'e eta't naloqote'n yema jena'me jiyaĝadipi, yataqata qaya'te liquiyac joñe'me.

La'aqtaqa Ñim Lo'onatac 'Enauacna 2013

⁹ Qataq qami' 'aco'pi, iuen nataqa'en da ỹataqta qaue'enaxacheeteguet qome na qarlataquipi. Saishet da qauayiñiitalec. Qauennachiỹa'a da qami' qataq namayepi qoviito'ot Ñim Nataxala' maye neta'ague da piguem, qaq Ñimaye saishet da lca'atagui na shiỹaxauapi.

Efesios 6:9 Iomraidhean Croise

Mateo 22:10

Nachi som namaxashicpi jec da queguelo naua nqa'aico. Nachi lapona't 'enauac nam ilalec. Huo'o na qauem da lataxac qataq na no'on da lataxac. Nachi ÿataqta nlaqchigui so nqui'aqa' na shiÿaxauapi.

Mateo 22:8

Ime, nachi somayi 'enapega so lamaxashicpi, 'eeta': “Da nadonaxac mashi sogote da 'enauac imetai', qalaxayi nam temaq huanaxauapi saq taiguet da ÿalectauo.

Mateo 24:48

Qalaxayi que'eca nlatac, da huo'otaq qauemaic, nachi 'eeta': “Ca ñi'aco' ÿataqta qaÿaloqteguet.”

Mateo 24:51

Nachi ÿataqta qaica ca 'en'am naq'en ca nhuaxanaguec, 'eeta'am, naq'en da nhuaxanaguec nam 'eetegapi da 'eesa. Huaña, nachi noÿiitac, qataq ÿataqta inaga't na lhue da nqui'ic.

Mateo 7:12

Qaq ÿoqo'oyi qami' cam no'on mayi qanshiitaique da qami' i'oteque na shiÿaxauapi, nachica qome qau'ochiic 'enauac namayipi. Cha'ayi nachida dam damaxasoxoolec nam lqataxacpi so Moisés qataq naua lliyigui'shi so l'aqtaxanaxanecpi ñi Dios.

Lucas 6:31

Qaq cam no'on mayi qanshiitaique da qami' i'oteque na shiÿaxauapi, qaq nachica qau'ochiic qome namayipi.

Juan 13:13

Qami' naxa da aÿim qauÿaxañiÿa, qalaq qoñiÿapec da aÿim sapaxaguenataxanapec qataq aÿim qadataxala'ai. Qaq damayi sa ishit da soqolguet, ÿataqta 'eesa.

Hechos 10:34

Huaña, nachi so Pedro da'aqtaxan, 'eeta': –Nagui aÿim saÿaten da ñi Dios ÿoqta 'eesa da sa ishit da lca'atagui 'enauac na shiÿaxauasat.

Romanos 2:11

Cha'ayi ñi Dios sa ishit da lca'atapigui na shiÿaxauapi.

1 Corintios 1:2

Qaq nagui qami' samaxalo ana ÿide, qami' ÿaqaÿañicpi mayi qau'amaqchiñiitac ñi Dios, mayi qoñiitaña na la ciudad Corinto. Qami' lalamqa'te ñi Dios, cha'ayi qan'ayiitau'a so Cristo Jesús. Ñi Dios iÿaxana da ÿauotaique da qui'itta naq'en da qanachaalataxaqui, nataq'en 'enauac na neta'alo naua lÿa't 'ale'u mayi nqouagaxaueetacot so qadataxala' Jesucristo, som lataxala' namayipi, nataq'en qomi'.

1 Corintios 7:22

Cha'ayi ca shiÿaxaua da nlatac co'olla qaiÿaxana da i'amaqten so qadataxala', camayi nagui ÿataqta huosochiguiñi da quetague' somayi. Qaq nachi 'eeta'am ca shiÿaxaua da huo'otaq sa ishit da nlatac co'olla qaiÿaxana, camayi nagui l-latac so Cristo.

Colosenses 3:25

Qalaxayi cam i'ottac ca sa ÿaÿamaxañi, qalaq qaishiitenguet cam naigui cam qauem mayi i'ottac. Cha'ayi ñi Dios sa ishit da lca'atagui na shiÿaxauapi.

Colosenses 4:1

Qaq qami' 'aco'pi, ÿataqta qau'ochi qome ca ÿaÿamaqchiguiñi, qataq ÿataqta qaupagaqchiñiichigui da nshiitenaguec ca qadlataqui. Qami' qauennachiÿa'a da nataq'en huo'o ñi qan'aco'oi mayi neta'ague da piguem.

Santiago 2:13

Cha'ayi ca sa ishit da ichoxoden ca lÿa, nachi qai'enaxatteguet qom qanmit. Sa ishit da qaichoxonnai'. Ÿoqo'oyi ca huo'o da lchoxonnataxanaxa, ÿataqta saqca ca da qom qanmitna.

Santiago 2:8

Da ÿoqta 'eesa qau'ochi dam napacalec na laÿipi nqataxacpi mayi 'eeta': “'Auauotec ca 'adÿa, 'au'enaxatchigui da maichi 'anauojla't,” qaq damayi ÿataqta ÿaÿamaqchiguiñi.

Santiago 5:4

Añi nshiitenaqte mayi qami' sa ishit da qaushiichiñi na qad'onataxanaxanqui mayi nqattac ana ala na qodanguishiqui, nachañi añi qami' itoqoota'pe. Qaq ñi Dios mayi lataxala' 'enauac na piguem l'ecpi, ñimayi hua'aqtega da l'alaxac ne'ena n'onataxanaxanecpi.