Efesios 6:10 - Nuevo Testamento Toba Sur

¹⁰ Qaq nagui qami' ÿaqaÿa't, ÿataqta qan'añaxachi qome, cha'ayi qan'ayiitau'a so Cristo da qauachigoqoichigui da l'añaxac somayi mayi qaica ca ÿaqalanapec.

Nuevo Testamento Toba Sombrero Negro

¹⁰ Ami yaqaya'olqa jo'ne yataqata ademii'teguet joñe'me Cristo, nach'e eta't a'nañaĝachiyeguet da'me 'lañaĝac joñe'me.

La'aqtaqa Ñim Lo'onatac 'Enauacna 2013

¹⁰ Qaq nagui qami' ỹaqaỹa't, qanmichiỹaique ca qara'añaxaqui maye chegoqo'ot So Cristo cam qaviñiitaique nagui.

Efesios 6:10 Iomraidhean Croise

1 Corintios 16:13

Ÿataqta qanloiteec, qataq qan'añaxachiitec da qadpi'iÿaxaqui. Qau'enaxachi ca shiÿaxaua ÿataqta qadamchigui qataq 'añaxaic.

2 Corintios 13:11

Qaq nagui qami' ÿaqaÿa't, ÿataqta no'on qome ca qoyiquiaxaqui. Ÿataqta qanpogoxoiñiÿapegue' qome da nalochiguiñi da qanachaalataxaqui, qataq ÿataqta qauamaichiguiñi, qataq 'oonolec ca qadhuennataxaqui, qataq qaulaquiitapiguiñi. Qaq yaqto' qami' hueta'agueta ñi Dios mayi chigoqo'ot da nlagaxayic qataq da nsoxoyic.

Efesios 1:19

qataq yaqto' qauaÿajñi dam ÿataqta lta'adaic qataq qaica ca loga't l'añaxac mayi do'onataxaatapoigui da shinaqta mayi sa'amqajnataxanaq. Qaq de'eda qaica ca 'en'am l'añaxac, nachida da ÿachaxan ñi Dios

Efesios 3:16

Qataq seÿaxaatacot ñi qadta'a Dios, da yaqto' ÿachigoxotchigui dam qaica ca 'en'am lsallaxa da qami' ÿanema da l'añaxac, da ÿachigoxotchigui so n'Espíritu da ÿanem da l'añaxac da qadvilÿaxaqui.

Filipenses 3:1

Qaq nagui qami' ÿaqaÿadolqa, qantoñiitapeguec qome so qadataxala'. Qaq aÿim sa ishit da huo'otaq ñasamtapiguiñi da shi'iguelaqtalec de'eda sogote da shiyiñi co'ollaxa, cha'ayi damayi ÿataqta qadviñiqui.

Filipenses 4:13

Aÿim ishit da ñala'aguet 'enauac na chochaqna, cha'ayi so Cristo aÿim ÿanem da i'añaxac.

Filipenses 4:8

Qami' ÿaqaÿa't, qataq da lÿa 'eeta': ÿataqta qauloitegue qome da lataxac cam ÿataqta 'eesa, qataq 'enauac cam iuen da huo'o naq 'enec qanqoÿin, qataq cam no'on nataxac, qataq cam qaica ca ÿalecta'aguet, qataq 'enauac cam qaÿaÿamaxadeeta, qataq cam no'on da n'aqtaguec. Qataq qauloiteguet 'enauac nam i'ot da ÿaÿamaqchiguiñi, qataq cam i'ot da ñi'oxonnataxanaxac.

Colosenses 1:11

Qataq seÿaxanaqtacot ñimayi, da yaqto' ÿachigoxotchigui da l'añaxac mayi qaica ca 'en'am da lli'oxoyic da qami' 'añaxaiqa naq'en, da yaqto' huo'o da qanhualaxaunaxaqui qataq da qantonaxaqui da qanaloÿa'aguet 'enauac na chochaqna,

2 Timoteo 2:1

Qaq 'am ÿalec, 'auacongueto' qome da 'ad'añaxac mayi chigaqaigui da nqouagaxanaqtaic dam qomi' qoÿanema, cha'ayi ñi'adaqtau'a so Cristo Jesús.

2 Timoteo 4:17

Qalaxayi so qadataxala' Jesús saq aÿim iÿoteec, qataq aÿim ÿami' da i'añaxac da ña sepactelec da sa'axat da n'aqtac mayi chigaqaigui da nca'alaxa, yaqto' hua'axaÿa de'eda 'enauac na saq judiopi. Qaq nachi 'eetec de'eda som qadataxala' aÿim nca'alaxateeguesop da 'ico' loxonaxanaxac ca dequi'iÿapec.

1 Pedro 3:8

Qataq iuen da 'enauac da qoñiita ÿataqta 'oonolec da qadhuennataqai, qataq qauchoxoyiñi ca huo'o ca huetapoigui qadÿai. Ñi 'oonolec ÿataqta ÿauotec ca lÿa, 'eeta'am naq'en ca maichi lqaÿa. Qataq ÿataqta qami' choxonnataxanaxaiqa, qataq sa ishit da qami' napagaqnaxaiqa.

1 Pedro 4:11

Da huo'o ca qoÿanem da da'aqtaxan, qalaq naua l'aqtaqa ÿataqta nachinaua naua l'aqtaqa ñi Dios. Qataq ca qoÿanem da l'onataxanaxac, qalaq nachida da n'añaxac mayi ÿanem ñi Dios. Qaq 'enauac nam qaÿacoolec da qai'ot, namayi naigui da yaqto' qaÿi'oxoden ñi Dios, chigoqchigui so Jesucristo. Somayi mayi lalamaxat da lli'oxoyic qataq da l'añaxac mayi qaica ca loga't. Aja', nachi 'eetec.

1 Pedro 5:10

Qalaxayi qom ime da qami' cada'ac da huo'o da qanque'ejnaxaqui, nachi ñi Dios ÿataqta qami' nalochiyiñi naq'en, qataq qami' qadamchiyiñi, qataq qami' 'añaxaiqa, qataq qaica ca qami' ÿayigo't. Cha'ayi nachiñi ñi Dios ñim qomi' ÿanema da qanchoxonnataguec, qataq qomi' iÿaxanalo da ñiuanaqhua'a naq'en da lli'oxoyic mayi chochaq tateec, qataq da ñi'adaqtau'a so Jesucristo.

1 Juan 2:14

Qaq qami' ÿi'axaiquipi, qami' samaxalo ana ÿide, cha'ayi mashi qauauattoñiita som nal'ena da huo'o co'ollaq saxanaxa da huo'o ana 'alhua. Qataq qami' nsoxotpi, qami' samaxalo ana ÿide, cha'ayi ÿataqta qami' 'añaxaiqa, qataq qauacoñiiguet da l'aqtac ñi Dios, qataq cha'ayi sogote qodoxonqui so shiÿaxaua lma'na.