Efesios 6:1 - Nuevo Testamento Toba Sur

¹ Qaq qami' ñaqpiolec, cha'ayi qami' 'amqajnataxanaxaiqa, qaq ÿoqo'oyi ÿataqta qaualaqailguete caua qadta'alli', cha'ayi damayi nachi lataxac.

Nuevo Testamento Toba Sombrero Negro

¹ Ami ñoqolqa, 'noota qom yataqata auoqochiiyalo nale gaa'me adet'aldi', jouaĝat da'me ami nataq'aen ovi'tajop joñe'me Cristo, qa'a chimaqachiñe ta'le naq'aeta da'me auauoyi.

La'aqtaqa Ñim Lo'onatac 'Enauacna 2013

¹ Qami' ñalaqpi qaualaqaiguet caua qarta'alli', cha'aye qami' lalamaqa'ate So Cristo, cha'aye damaye nachera da ỹataqta ỹaỹamaqchiguiñi da qaỹo'ot.

Efesios 6:1 Iomraidhean Croise

Lucas 2:51

Huaña, nachi ÿi'iguelaq somayi, queuoiguilo soua lta'al, tadegue da Nazaret. Nachi somayi quetot da ÿataqta ÿalaxalguete soua lta'al. Qaq aso late'e ÿataqta ÿoxochigui añi lquiyaqte 'enauac de'eda.

Romanos 12:2

Qaq sa ishit qome da qoquiitegue da llic na 'onataxacpi mayi lma' ana 'alhua. Chaqdata da qanadalaxachi qome naua qadhuennataxacolli', yaqto' ishit da qanadalaxat 'enauac da qanachaalataxaqui, qataq yaqto' ishit da ÿataqta qauaÿajñiita ca 'eetapeguec ñi Dios: cam ÿaÿamaqchiguiñi qataq cam ÿaÿamaxadeeta ñimayi qataq cam nalochiguiñi.

Romanos 16:2

da ÿataqta qauacoñiiguet, cha'ayi acamayi lalamaqte so qadataxala'. 'Eeta'am qanqashiñi da 'eetec na nqaÿañicpi da ÿaconguet ca l'amqajnataxanaxaua. Qataq ÿataqta qautauañi da huo'o ca iueetac, cha'ayi acamayi ÿataqta qalota na itauan, ivida'a nataq'en aÿim.

Romanos 7:12

Qaq ÿoqo'oyi ne'ena nqataxacpi, namayipi chigoqo'ot ñi Dios. Qaq ñim 'oonolec nam namaxasoxonaxacpi mayi chigoqo'ot ñimayi, ÿaÿamaqchiguiñi cam 'enapec, qataq i'ot cam no'on.

1 Corintios 15:58

Qaq ÿoqo'oyi qami' ñauochaxa'u ÿaqaÿa't, saqco' qome ca qanamachiÿaique, qoquiito'ot da qau'ochiitac da l'onataxanaxac so qadataxala'. Cha'ayi qami' qauaÿajñiita da qad'onataxanaxaqui da qau'onataxañiitacot somayi, ÿataqta huo'o ca naigui.

1 Timoteo 5:4

Qalaxayi aca pa'ai da huo'o ca llalec huo'otaq laual, caamayi mayi hua'auyiñi ÿaÿate'n da ilodeguet qataq itaua'n aca maichi l'ac, ishiitenguet da ltaunaxanaxac soua chigoxogueta lta'al. Cha'ayi de'eda ÿataqta no'on, qataq ÿaÿamaxadeeta ñi Dios.

1 Pedro 2:13

Qaq souaxat da qauauochiic so qadataxala', nachi qami' iuen da ÿataqta qaualaqaiguet 'enauac na nta'alpi mayi ÿanashiguem na shiÿaxauapi, lamaaxa ca nta'a mayi ÿataqta ÿaquitchiguem,