Efesios 5:4 - Nuevo Testamento Toba Sur

⁴ Qataq sa ishit qome da qanasaqaideec naua n'aqtaqa mayi i'ot da n'agaxa, huo'otaq cam i'ot da naÿalguiyic, huo'otaq cam qaica ca naigui. Cha'ayi namayipi sa ishit da qaÿiguet. Chaqdato' da qami' qai'añiitacot da qantonaxaqui ñi Dios.

Nuevo Testamento Toba Sombrero Negro

⁴ Ena'te anenaĝachidegue gaa'me 'naqataqa jo'ne yataqata ja 'noe'n, uotaĝa gaa'me 'naqataqa jo'ne qaya'te yelo'teguet nale, uotaĝa ch'e nipi'ico, qa'a naajo' ja ami 'te lecochiyalo, dite da'me auañem da'me adamaiqui joñe'me Dios.

La'aqtaqa Ñim Lo'onatac 'Enauacna 2013

⁴ Qataq saishet qome da qanasaqaire'c naua na'aqtaqa maye qauema, huo'otaq ca na'aqtac maye qaica ca naigui huo'otaq cam ỹo'ot da naỹalliguiyec. Cha'aye namayepi saishet da ỹaỹamaxañi da qanasaqaiteguec. Chaqrato' da qami' qaỹa'añiitacot da qana'achecỹaxaqui Ñim Lo'onatac 'Enauacna.

Efesios 5:4 Iomraidhean Croise

Marcos 7:22

qataq da ncachaxac, qanqopitta'a ca ÿaqa'a, qataq na qauemsat, natenataxanaxac, nqopitaxanaqtaic, nquiÿaxanaqtaic, qai'axat ca saq 'en, 'amqajnaxac, sa daÿajnataxan.

Juan 6:23

Qalaxayi qaltaq huo'oi soua lÿa't barcos nvilyi', chigoqda'a yi la ciudad Tiberias, nvilda yim sa qaÿapeque yim huaña co'ollaq qanallic aso pan co'ollaq ime da ÿan da n'achic so qadataxala'.

Romanos 1:28

Qaq cha'ayi namayipi mashi ÿaxaneec da nauattonaguec ñi Dios, nachi ñimayi ca'ai namayipi, da yaqto' i'o't naua qauema lhuennataxaco, qataq da i'ot cam sa ishit da lataxac.

2 Corintios 1:11

lamaaxa da qomi' qautauañi', qomi' qanqouagaxauñiitalguete. Qaq da saqalota na shiÿaxauapi qomi' nqouagaxaueetalguete, qaq nachi 'en'am saqalota na ÿaatacot da n'achiquiaxac ñi Dios souaxat da lqouagaxanaqtaic mayi qomi' ÿanema.

2 Corintios 9:15

Qomoxochictaxa qone', ¡sanqot da qan'achiquiaxac ñi Dios, cha'ayi ñimayi ÿataqta lta'adaic da qomi' ÿanema qan'achiquiaxac, qaq damayi sa ishit da sañoxotaq da sa'axataq ca naigui!

Efesios 1:16

nachi aÿim shictot da saatac da ñi'achic naxa da ñoqouagaxaueetac, da tachigui yi iuel da qoñiita.

Efesios 4:29

Qataq sa ishit da qauema naua qad'aqtaqalli'. Chaqdata da qan'onaxachi' naua qad'aqtaqalli', yaqto' ishit da nquiguishiguem, qataq huo'o da n'achiquiaxac cam qami' n'axaÿaxaategalo.

Filipenses 4:6

Qataq sa ishit qome da huo'o ca qami' ÿaquicoqchitta'pe. Chaqdata da ÿataqta qau'aqtaxañiitem ñi Dios da ivita da qanqouagaxauñiitacot. Qauÿaxañiÿot ñimayi, nataq'en qai'añiitacot da qan'achiquiaxaqui.

Colosenses 3:8

Qalaxayi nagui qai'axañiiuec qome 'enauac ne'ena 'onataxacpi: nalemataic, nayiloxo, sa ÿaÿamaxañisat, nnogoqtaxanaxac, qataq naua qauema n'aqtaqa mayi ishit da qanasaxadeec.

1 Ts 3:9

Qaq ÿoqo'oyi qomi' sa saÿajnaq ca shinaqtec da sanqot da qan'achiquiaxac ñim souaqto'ot qadta'a Dios souaxat da qoñiita, qataq saq llalcolec da ñitonaqtapegueque qami'.

1 Ts 5:18

Nai'ctaxa da huo'o na qami' huelguete, qalaxayi nachi 'en'am qai'añiitacot da qan'achiquiaxaqui ñi Dios. Cha'ayi nachida da 'eetapeguec ñi Dios da qoñiita, cha'ayi mashi qau'amaqchiñi so Cristo Jesús.

Filemón 1:8

Qaq ÿoqo'oyi aÿim nai'ctaxa da aÿim lamaxashic so Cristo qataq huo'o naq shinec da huo'o ca 'am samaxalec da 'au'ot,

Hebreos 13:15

Qaq ÿoqo'oyi nachi 'eetai' qome da sachigoxotaqchigui so Jesucristo da shi'oxodenaqtac ñi Dios. Qaq de'eda qayi'oxonnataxanaxac, nachida dam 'ico' qadachitaqtaxanaqte mayi sanaqtacot ñimayi. ¡Shi'oxodenaqtac qome ñimayi naua qad'aqtaqa!

2 Pedro 2:18

Cha'ayi naua l'aqtaqa qalaq ÿataqta ÿajnaxanaxaiqa, qalaxayi qaica ca naiguilo. Qataq ÿachigoxotchigui na namanaxanaqtaiguesat qataq nam 'eetapeguec da n'oquiaxac da ÿashaxaneec nam ÿoqta 'eesa da ca'ai na huetaiguilo naua lsomaxaco.

2 Pedro 2:7

Qalaxayi nca'alaxateec co'ollaxa so Lot, cha'ayi somayi ÿataqta no'on da lataxac, qataq souaxat da ÿataqta qalota da nqui'ic co'ollaq imeteetac da qauem lataxac se'eso shiÿaxauapi mayi qauemaicpi.

Judas 1:10

Qalaxayi ne'ena shiÿaxauapi ÿataqta qauema naua l'aqtaqa da detaxaÿa cam sa ishit da ÿauatton. Qaq nam lataxacpi mayi chochi ÿachigoxotchigui da lmejnaxanaxac da ÿauatton, qalaq 'eeta'am da lauattonaxanaxac ca shiguiÿac mayi qaica ca ÿaÿaten. Qaq do'onataxana, qalaxayi maichi que'emaxam.

Judas 1:13

Qataq namayipi 'eeta'am ana late'edai lapaxa na 'etaxat mayi maichi nmalaxattashiguem nam qaica ca lyac lcochi. Qataq namayipi 'eeta'am ana huaqajñipi mayi ca'ai cam ÿoqta llic, nachi qaiuaxanec da quetaigui nam chochaq tateec napalaxa.