Efesios 5:26 - Nuevo Testamento Toba Sur

²⁶ Qaq 'eetec de'eda somayi, cha'ayi nshitaique da iqui'itaxatta na 'amqajnataxanaxaicpi, idolec na 'etaxat da iÿo qataq da l'aqtac.

Nuevo Testamento Toba Sombrero Negro

²⁶ qama'le qo'mi 'yaĝatema da'me 'laqataĝanaĝac qaedi male yataqata e'n qo'mi loqo'te nataq'aen da'me qo'mi e'n yoqovite' da'me qo'mi qonachilaĝa'n,

La'aqtaqa Ñim Lo'onatac 'Enauacna 2013

²⁶ Ỹo'ot Somaye de'era, cha'aye ỹauotaique da iqui'itaxatta na 'amqaanataxanaxaicpi, irolec na 'etaxat da iỹo qataq da la'aqtac.

Efesios 5:26 Iomraidhean Croise

Juan 13:10

Qalaxayi so Jesús 'enapeco': –Cam ñaq chita'ague da nachiltac, camayi sa iuen da qaltaq nÿo, cha'ayi nachaqnauate' naua lapia'te iÿoi', cha'ayi camayi sogote da qui'itta. Qaq qami' sogote da qami' qui'itte', nai'ctaxa da sa imauec da ÿoqta qami' qui'itte'.

Juan 15:3

Qaq qami' sogote da qami' qui'itte' souaxat naua ÿapaxaguenataxanaxaco mayi qami' sanema.

Juan 15:8

Ñi ita'a huo'o da ñi'oxonnataguec da huo'otaq ÿataqta qalota da alaÿaxac da qoñiita, nachi qami' ishit da ÿataqta qaviyiÿa'a da qami' ÿapaxaguenataqa.

Juan 17:7

Qataq namayipi ÿaÿateeta da 'enauac nam aÿim 'ai'anem 'am chigoqtot,

Juan 3:5

Nachi so Jesús 'enapeco': –Aja', ÿataqta 'eesa de'eda 'am sa'axatem, da ca sa ishit da nañan da qanachilaxan qataq da nañanot so Espíritu da nadalaxat, nachi camayi sa ishit da inoxoneu'a da l'onataxanaxac ñi Dios da ilo'ogue 'enauacna.

Hechos 22:16

Qaq ÿoqo'oyi nagui, ¿négue't cam 'au'aptapigui? Qoñishiguem qome, nachi 'am qanachilaxan, ÿataqta 'aupi'iÿa'a da l'enaxat so qadataxala', yaqto' ishit da qaÿapalaxat na 'adasouaxashitpi.”

Hechos 26:18

Aÿim 'am samaxa namayipi, da yaqto' ishit da nauaañi 'anqa'en, yaqto' sa ishit da 'ico' quetaigui na napalaxa, chaqdata da quetaigui na yi'oqchiguiñi; qataq yaqto' namayipi sa ishit da hueto'ot da l'añaxac so Satanás, chaqdata da quegue ñi Dios; qataq yaqto' aÿim i'amaqten, nachi ishit da qaÿapalaxat na lasouaxashitpi, qataq yaqto' qaÿalecneu'a da qoÿanem qome cam ÿachaxanapec ñi Dios da ÿami' nam lalamaxatpi ñimayi.”

Romanos 10:8

Qaq 'eda dam 'eetega naua ñiyigui'shi l'aqtaqa ñi Dios, mayi 'eeta': “Naua n'aqtaqa ÿataqta sa qaÿapiguii naq'en 'am da 'au'axa't qataq 'au'amaqte'n.” Qaq 'eda da n'aqtaxanaxac mayi i'axat da qai'amaqten ñi Dios dam sa'axataqtac.

1 Corintios 6:11

Qaq huo'o co'ollaxa da qoñiita na 'eeta'am ne'enapi. Qalaxayi mashi qami' qaiqui'itaxatte', qataq mashi qanañañiÿot ñi Dios, qataq ñimayi mashi qami' ÿaÿamaxadeete'. Qaq 'enauac de'eda chigoqchigui so qadataxala' Jesús qataq so Espíritu mayi chigoqo'ot ñi qadta'a Dios.

2 Corintios 11:2

Cha'ayi aÿim huo'o da 'ico' ica'alaxanaxac da qoñiita, qalaxayi de'eda ica'alaxanaxac, damayi chigoqtot ñi Dios. Cha'ayi aÿim sauotaique da qami' sadonaxanaxangueta so Cristo, qataq sauotaique da qami' sachaxaneu'alo somayi, da 'eeta'am ñaq'en aca qa'añole mayi saxanaxa da huadon, da huadonguet ca 'oonolec ÿale.

Efesios 6:17

Qataq da qadca'alqai 'eeta'am qanqashiñi aca qanado'oi, da yaqto' npaxajlec na qadqaiqui. Qataq qauacoñiÿa da l'aqtac ñi Dios da 'eeta'am qanqashiñi ca ÿilonec mayi qami' ÿanema so Espíritu Santo.

Colosenses 3:16

Qataq da lapaxaguenataxanaxac so Cristo ÿataqta nlaqchiguilo qome naq'en naua qadquiyaqchilli'. Qataq ÿataqta qanaÿajnaxanaqchiñi da qauapaxaguiñi qataq da qau'añaqchichi ca qadÿai. Qataq da qau'onaxañi, qalaq qau'oñi na ÿotta'a't n'onecpi mayi chigoqo'ot so Espíritu Santo. Qataq ÿataqta imauec da qadquiyaqteÿaxaqui da qai'añiitacot da qan'achiquiaxaqui ñi Dios.

Tito 2:14

Somayi nañanguet da qomi' ileualguete, cha'ayi nshitaique da qomi' nca'alaxateeguesopa na qan'onatagueguesat, qataq nshitaique da iqui'itaxat da qanachaalataxac da qomi' lalamqa'te, qataq nshitaique da ñoqopitaxa da so'otaq ca no'on.

Hebreos 10:10

Qaq ñi Dios mashi sogote da qomi' iqui'itaxatte', cha'ayi so Jesucristo i'ot co'ollaxa da 'eetapeguec ñi Dios co'ollaq ÿan da maichi l'oquiaxac da 'oonolec da qaÿi'iguelaxalec da qaÿalauat.

Hebreos 10:14

Cha'ayi ÿachigoxotchigui aso 'oonole lachitaqtaxanaqte da somayi chochaq tateec naq'en da nalochiguiñi da lataxac nam mashi iqui'itaxatta.

Hebreos 10:22

Qaq ÿoqo'oyi qomi' ishit da ñiquigaxau'a ñi Dios, qalaxayi ÿataqta huesote' ñaq'enaq naua qadquiyaqte, qataq ÿataqta 'eesa ñaq'enaq da qadpi'iÿaxac. Cha'ayi ñimayi mashi iqui'itaxatte' naua qadquiyaqte, yaqto' qomi' sa ishit da 'eeta'am da ñaq huo'o ca qadasouaxashit qataq mashi sogote da qaiÿota da qad'oquiaxac, qaÿauota'a na ndoteec 'etaxat.

Hebreos 10:29

Qaq ¿táloxochiyictoxo' da saq taÿapigui yi qadvilli qami' da ÿataqta 'itchiguiñi da ÿacteec qome da nhuaxanaguec cam 'ico' petapigui so llalec ñi Dios, qataq ÿataqta saqca ca ÿanaiguilo soua ltago'q, qataq da ishiuen so n'Espíritu ñi Dios mayi ÿauotec camayi? Cha'ayi se'esoua ltago'q nachisoua soua ÿataqta 'itchiyiñi naq'en dam aÿamaxataxac dam chigoqchigui da qui'itta qanqoÿin namayipi.

Hebreos 13:12

Qaq nachi 'eetec nataq'en so Jesús da nalaataguec huaña so qaÿoqteuga so la ciudad, da yaqto' ishit da iÿouec na lasouaxashit na shiÿaxauapi, deÿoxonalo soua maichi ltago'q.

Hebreos 4:12

Cha'ayi da l'aqtac ñi Dios ÿataqta nca'altauec, qataq huo'o da l'añaxac. Qataq na llaxa napactelec ca ÿilonec mayi dos naua ala'pi. Qataq damayi ishit da ividau'a cam ÿataqta pa'auo saq cha'a nachaalataxac ca shiÿaxaua qataq som capegue' lqui'i, qataq ishit da ÿaateec naq'en ca lhuennataxac qataq da lavilÿaxac.

Hebreos 9:14

Qaq da nachi 'eetec de'eda, qaq ¡huá'ago' da saq ÿacteec da l'añaxac soua ltago'q so Cristo! Cha'ayi chigoqchigui da l'añaxac som Espíritu mayi chochaq tateec da so Cristo maichi nañanot ñi Dios, 'eeta'am aca nachitaqtaxanaqte mayi ÿataqta qui'itta. Nachi naua ltago'q somayi ishit da iÿoueguesop da qadvilÿaxac na qadasouaxashitpi mayi taÿa'a da nleuaxa, da yaqto' ishit da so'onataxanqot ñim Dios mayi nachi 'eetai' da nca'altauec.

Santiago 1:18

Ñimayi qomi' namaxalo da l'aqtac mayi i'axat da 'eesa lataxac da qomi' nca'alaxatreec, cha'ayi nshitaique da qomi' 'ico' l'auaxanqa ala na 'enauac l'onatac. Qaq damayi nachida da maichi lhuennataxac.

1 Pedro 1:2

Qami', mayi nal'ena da qami' lca'agui'shi ñi qadta'a Dios co'ollaq saxanaqaca ana 'alhua, da ÿachigoxotchigui naq'en so n'Espíritu da qami' iÿotaugalo, da yaqto' qaualaqaiguet ñimayi, qataq yaqto' ÿataqta qami' qui'itto' naq'en naua ltago'q so Jesucristo. Aÿim ñishitaique da qauacoñiiguet da chochaq huañi nqouagaxanaqtaic qataq da nlagaxayic.

1 Pedro 3:21

Qaq se'eso 'etaxat nachiso so naigui da achilaxac mayi chigoqchigui da qomi' qanca'alaxatreec nagui. Qaq de'eda achilaxac, damayi sa ishit da chigoqchigui ca nÿoxoc da qad'oquiaxac, cha'ayi chaqdata da qaiÿaxanot ñi Dios da ÿan ca nvilÿaxac qui'itta. Nachi ishit da qomi' nca'alaxatreec de'eda achilaxac, chigoqchigui naq'en da 'eetec co'ollaq qaltaq qanca'alaxateeguesop da nleuaxa so Jesucristo,

2 Pedro 1:9

Qaq cam sa ishit da hueto'ot 'enauac ne'enapi, nachi camayi 'eeta'am ca sa nauaañi, huo'otaq ca sa qaÿa'ague da lmejnaxanaxac. Qaq icoua'ai da sogote da qaiÿouec som hua'au lasouaxashitpi.

1 Juan 5:6

Qaq da lvidaxac co'ollaq hueta'a ana 'alhua so Jesucristo, dos naua l'anqa'te: so 'etaxat co'ollaq qanachilaxan, qataq soua ltago'q co'ollaq qaÿalauat. Qaq sa ishit da nachaqsota so 'etaxat, cha'ayi nataq'en soua ltago'q co'ollaq qaÿalauat. Qaq so Espíritu Santo nachiso so i'axat de'eda, qalaq ÿataqta 'eesa da l'aqtaxanaxac.

Judas 1:1

Aÿim mayi i'enaxat Judas, aÿim l-latac so Jesucristo, qataq ÿaqaÿa so Santiago. Aÿim shiyiñi ana ÿide da samaxa nam lÿaxanataguishicpi ñi qadta'a Dios da iÿotauga da ÿauo'o lalamaxatpi. Qaq namayipi ÿataqta qantela'a, souaxat da n'attau'a so Jesucristo.