Efesios 5:2 - Nuevo Testamento Toba Sur

² Qataq ÿataqta qami' soxodaiqa, yaqto' qoñiita'am so Cristo da ÿataqta qomi' ÿauoteque, qataq qomi' nañaalguete da qomi' ileualguete, 'eeta'am ca qagueta llalec da qaÿalauat, qataq qaÿavigaxat da qoÿanot ñi Dios. Qaq da alaitaÿaxac ÿataqta ÿaÿamaxadeeta ñimayi.

Nuevo Testamento Toba Sombrero Negro

² Yataqata adoqopichiyalo naa'me adaqayadi', ena'am ca'li joñe'me Cristo da'me yataqata qo'mi noqopitalo qama'le qo'mi nep'aĝanegueta ca'li, qaedi ena'am ta'le qoyen qadajaqajec, ena'am ga'me 'naĝanaĝate c'oĝot jo'ne qoyachalegue ga'me nec'atoĝonaĝala' nale, nach'eñe jo'ne ena'am joga'me neyoĝoque jo'ne jama nale ga'me laeta, yataqata yiyamaĝaden ñe'me Dios.

La'aqtaqa Ñim Lo'onatac 'Enauacna 2013

² Qataq iuen da ỹataqta qauauochec na laỹepi shiỹaxauapi, 'eeta'am So Cristo da qomi' ỹauoteque qataq qomi' ileualeguete. Qaq da l-leuaxa Somaye Ñim Lo'onatac 'Enauacna, 'eeta'am naqa'en da alaitaỹaxac ca no'on coraxat maye qoỹaneuo da nachetaqtaxanaxat.

Efesios 5:2 Iomraidhean Croise

Mateo 20:28

Qaq 'eeta'am na shiÿaxaua llalec da namayi sa ishit da anac da yaqto' qanayiutapegue'. Chaqdata da namayi anac da yaqto' huapec, qataq ÿan da nachaalataxac, da 'eeta'am naq'en aca lashiue da yaqto' qalota na qanca'alaxateec.

Juan 13:34

Qaq nagui qami' sanema da dalaxaic namaxasoxonaxac, 'eeta': Ñi 'oonolec qome da qoñiita ÿataqta ÿauotec ca lÿa. Qoñiita'am da shiitec da ÿataqta qami' sauoteque, qaq nachida qome da qoñiitec da ñi 'oonolec da qoñiita ÿataqta ÿauotec ca lÿa.

Juan 6:51

Qaq aÿim mayi nachaÿim pan mayi ñica'altauec, qataq sachigoqo'ot na piguem. Ca chic ana'ana pan, nachi huo'o da lca'alaxa chochaq tateec. Ana pan mayi san, nachida da i'oquiaxac. Qaq damayi san, yaqto' nca'aleec na shiÿaxauapi.

Romanos 15:16

da aÿim lamaxashic naq'en so Jesucristo, da yaqto' so'onataxanoigui na saq judiopi. Qaq ÿoqo'oyi sa'axatem namayipi da n'aqtac mayi naigui da nca'alaxa mayi ÿan ñi Dios, da yaqto' sanot ñimayi nam saq judiopi, da 'eeta'am ñaq'en acam nachitaqtaxanaqte mayi ÿaÿamaxadeeta ñi Dios, cha'ayi mashi iÿotauga namayipi so Espíritu Santo.

Romanos 4:25

som qoÿanguet co'olloxochiyi da nalaataguec souaxat na qadasouaxashitpi, qataq nca'aleeguesop naq'en ñi Dios da nleuaxa, da yaqto' ishit naq'en da qomi' ÿaÿamaxadeete' ñi Dios.

Romanos 8:3

Cha'ayi ñi Dios i'ot co'ollaxa dam sa ishit da ÿañoxot da i'ot nam nqataxacpi mayi chigoqo'ot so Moisés. Cha'ayi na nqataxacpi qaica ca l'añaxac souaxat da lapachiyaxac na shiÿaxauapi. Nachi ñi Dios namaq so lalamaxat llalec da 'eeta'am naq'en ca shiÿaxaua, da yaqto' ishit da qaÿalauat da ishiiten da ñi'itaxaloxo. Qaq 'eda da 'eetec da huo'o mshi ñimayi namaq so llalec da 'eeta'am naq'en ca 'itaxaloxoic shiÿaxaua. Huaña, nachi ÿachigoxotchigui de'eda lapachiyaxac somayi da nlaxajñi da l'añaxac da ñi'itaxaloxo.

Romanos 8:37

Qalaxayi 'enauac namayipi senoxotaqchiviigui. Chaqdata da ÿataqta qomi' 'añaxaiqa, da qad'añaxac chigoqchigui som qomi' lauotaqa'te.

1 Corintios 16:14

'Enauac na qauacoñiilec da qau'ochi, qaq ÿataqta qami' soxodaiqa.

1 Corintios 5:7

Qaq ÿoqo'oyi qanqachiiuec qome ana toguishi lalecte ana pan mayi ishit da qami' n'aqchi't, yaqto' qami' qoñiÿa'am ca dalaxaic ndaqnguishic mayi sa qaÿauo'o aca lalecte da qai'ot ana pan mayi taÿaigui da qanallic da iviteuga ca naponaxaqui mayi l'enaxat la pascua. Cha'ayi qami' mashi qoñiÿa'am ca dalaxaic ndaqnguishic. Cha'ayi so Cristo mashi sogote da qaÿalauat da qomi' ileualguete, qaq somayi nachiso so 'ico' qagueta llalec mayi qanallic da iviteuga que'eca la pascua.

2 Corintios 2:14

Qaq ÿoqo'oyi qomi' sanqot da qan'achic ñi Dios ñim chigoqchigui naq'en so Cristo Jesús da qomi' 'añaxaiqa, qataq chigoqchiguilo naq'en qomi' da qaÿaÿaten da n'aqtaguec somayi. Qaq damayi 'en'am da no'on alaitaÿaxac mayi huaÿoxoneec 'enauaque naua 'ale'u.

2 Corintios 2:15

Cha'ayi qomi' shinaqta'am da alaitaÿaxac cam nchinaxanaxat mayi ÿanot ñi Dios so Cristo, qataq ÿataqta huaÿoxoneec da alaitaÿaxac, ividauga nam mashi qanca'alaxateec qataq nam ñaq huetaigui da lsomaxac.

2 Corintios 8:9

Cha'ayi mashi qauauattoñi qami' da lqouagaxanaqtaic so qadataxala' Jesucristo, da somayi ÿataqta sallaxanec. Qalaxayi somayi ÿataqta nachoxoden, souaxat da lauotaxanaqtaic da qoñiita, yaqto' qami' ishit da qami' sallaxanqa, souaxat da lachoxoyic somayi.

Gálatas 1:4

som nañanguet co'olloxochiyi da nalaataguec, souaxat nam qadasouaxashitpi, da yaqto' qomi' nca'alaxateeguesopa nam qauemsat mayi huetalec ana 'alhua. Qaq ipacchigui da maichi lhuennataxa ñim qadta'a Dios.

Gálatas 2:20

Cha'ayi aÿim sogote da 'ico' seleu, iÿatchiguem so Cristo co'ollaq qaiuaxaneuo. Qaq ÿoqo'oyi nagui sa ishit da maichi ÿalamaxat da ñachaalataxac, cha'ayi nachiso so Cristo so nachattaigui damayi. Qaq de'eda ñachaalataxac mayi yi'oqchigui, damayi chigoqchigui da ipi'iÿaxac da sepi'iÿa'a so llalec ñi Dios mayi aÿim ÿauotec qataq nañanguet da nalaataguec souaxat aÿim.

Efesios 1:4

Ñi Dios nal'ena da qomi' lca'agui'shi, ÿachigoxotchigui so Cristo co'ollaq saxanaqaca ana 'alhua, da yaqto' nachi 'eetai' da souaqto'ot ñimayi da qui'itta da qanachaalataxac qataq da qaica ca qadasouaxashit.

Efesios 3:17

Qataq seÿaxaatacot ñi qadta'a, da yaqto' so Cristo ishit da netaiguilo naua qadquiyaqchilli' souaxat da huo'o da qadpi'iÿaxaqui somayi, qataq yaqto' qami' ÿataqta qanañaxachiitalec qataq qan'ayiitalec da nsoxoyic,

Efesios 3:19

Qataq seÿaxaatacot ñimayi, da yaqto' qami' ÿataqta qauauattoñiita de'eda nauotaxanaqtaic mayi ÿataqta napacalec 'enauac na qadauattonaxanaxacpi, yaqto' qami' ÿataqta qami' nlaqchiguilo da lataxac ñi Dios.

Efesios 4:15

Chaqdato' da naua qad'aqtaqa qalaq ÿataqta 'eesoda, qataq qomi' soxodaiqa, qataq ÿataqta nquictashiguem da no'on qadataxac, cha'ayi ñi'adaqtau'a so Cristo mayi nachiso so lqaic de'eda n'oquiaxac.

Efesios 4:2

Qataq sa ishit qome da qami' n'amqajnaxaiqa. Chaqdata da qami' choxonnataxanaxaiqa, qataq qami' hualaxauaiqa, qataq ñi 'oonolec da qoñiita ÿataqta ichoxoden ca lÿa da huo'o ca camachaqca.

Efesios 5:15

Qaq ÿoqo'oyi ÿataqta qauloitegue qome da qadataxaqui. Sa ishit da qoñiita'am cam saqca ca ÿaÿajnapec. Chaqdata da qoñiita'am ca ÿajnaxanaxaic.

Efesios 5:25

Qataq ca ÿale mashi huadon ÿataqta ÿauotec aca lhua, 'eeta'am nataq'en so Cristo da ÿataqta ÿauotec na 'amqajnataxanaxaicpi, qataq nañanguet da ileualec namayipi.

Filipenses 4:18

Cha'ayi aÿim mashi sogote da saconguet da ñitaunaguec, qaq damayi ÿataqta ÿapacauec. Cha'ayi aso aÿim qanamaqaÿa mayi aÿim nda'a so Epafrodito, asomayi ÿataqta nalaigui 'enauac na iueneguesat. Qaq asa'aso qadtaunaxanaqchi, asomayi 'eeta'am ca nchinaxanaxat ama na laita mayi qaÿavigaxat da qoÿanot ñi Dios, qaq ÿataqta ÿaÿamaxadeeta ñimayi.

Colosenses 3:14

Qalaxayi ÿataqta ÿacteec qome da qalota qanqashiñi da qadsoxoyiqui, cha'ayi nachida da n'atta't naq'en na shiÿaxauapi, qataq ÿataqta naloqchiichiguiñi naq'en 'enauac na lataxaguesat.

1 Ts 4:9

Qaq da lataxac da qanauote' ca n'amqajnataxanaxaua, sa iuen da shiyiñi, cha'ayi ñi Dios mashi qami' ÿapaxaguenque da 'eetec da qaÿauotec ca nÿa.

1 Timoteo 2:6

Somayi nañanguet da qaÿalauat, qaq de'eda nalaataguec naigui da ishiiten aso lashiue da lca'alaxa na 'enauac shiÿaxauapi. Qaq de'eda co'ollaq ivita so laloqo', nachi jec da qai'axateec.

1 Timoteo 4:12

Qataq 'antel-la't, yaqto' sa ishit da 'am qanamattaña, souaxat da ñaq 'am nsoqolec. Chaqdato' da 'am laloqnaxanaxat na 'amqajnataxanaxaicpi souaxat da ÿaÿamaqchiguiñi 'adtaxaÿaxac, qataq da no'on 'iquiaxac, qataq da 'adsoxoyic, qataq da 'adataxac, qataq da 'adpi'iÿaxac, qataq da qui'itta n'aqtaguec da 'anachaalataxac.

Tito 2:14

Somayi nañanguet da qomi' ileualguete, cha'ayi nshitaique da qomi' nca'alaxateeguesopa na qan'onatagueguesat, qataq nshitaique da iqui'itaxat da qanachaalataxac da qomi' lalamqa'te, qataq nshitaique da ñoqopitaxa da so'otaq ca no'on.

Hebreos 8:3

Qaq 'enauac nam lataxala'pi na ntaxaÿaxanaxanecpi, namayipi qoÿideuo, da yaqto' ÿaatapegueuo ana nachitaqtaxanaqte qataq nam qoÿaneuo da qaÿavigaxat. Qaq ÿoqo'oyi so Jesucristo, somayi nataq'en iuen da ÿauo'o aca ÿaneuo lachitaqtaxanaqte.

Hebreos 9:14

Qaq da nachi 'eetec de'eda, qaq ¡huá'ago' da saq ÿacteec da l'añaxac soua ltago'q so Cristo! Cha'ayi chigoqchigui da l'añaxac som Espíritu mayi chochaq tateec da so Cristo maichi nañanot ñi Dios, 'eeta'am aca nachitaqtaxanaqte mayi ÿataqta qui'itta. Nachi naua ltago'q somayi ishit da iÿoueguesop da qadvilÿaxac na qadasouaxashitpi mayi taÿa'a da nleuaxa, da yaqto' ishit da so'onataxanqot ñim Dios mayi nachi 'eetai' da nca'altauec.

Hebreos 9:23

Qaq 'eda da 'eetec da qaiuen da huo'o ca qoÿaneuo da qaÿavigaxat, da yaqto' qaiqui'itaxat na nogoxoshitpi mayi chochi lqui'i cam hueta'ague da piguem. Qalaxayi nam nogoxoshitpi mayi hueta'ague da piguem, namayipi nataq'en iuen da qaÿauo'o ca qoÿan mayi napacalec ne'ena qoÿaatapegueuopi nagui da yaqto' qaÿavigaxat.

Hebreos 9:26

Cha'ayi da huo'otaq nachi 'eetec de'eda, qaq ÿataqta qalotáctaxa da qaÿi'iguelaxalec da qaÿalauat, chigoqchiguiña co'ollaq chita'ague da qai'ot ana 'alhua. Qalaxayi nagui da mashi inoxootrauec naua na'axa'te, nachi so Cristo 'oonolec da nachaxan, nachi sa lÿa da ÿi'iguelaxalec da maichi nañan, da yaqto' nqat 'enauac na nasouaxashitpi.

1 Pedro 4:8

Qalaxayi ÿataqta ÿacteec qome qanqashiñi da qalota da qadsoxoyiqui, cha'ayi da nauotaxanaqtaic i'oteu'a da ÿataqta qalota na nasouaxashitpi qaÿapalaxat.

1 Juan 3:16

Qaq saÿajnaqta da 'eetec da nauotaxanaqtaic, cha'ayi so Jesucristo qomi' ÿapaxaguenque co'ollaq ÿan da nachaalataxac da qomi' ileualguete. Qaq ÿoqo'oyi nataq'en qomi' sanaq da qanachaalataxac da ñañanaxalec na qadqaÿañicpi.

1 Juan 3:23

Qaq dam lamaxasoxonaxac ñimayi 'eetega da qomi' sa'amaqtenaq so llalec Jesucristo, qataq 'eetega da ñi 'oonolec da shinaqta ÿataqta ÿauotec ca lÿa. Nachida da qomi' ÿamaxalguete.

Apocalipsis 1:5

Qataq chigoqo'ot so Jesucristo som ÿataqta ipacchiguilo naua l'aqtaqa ñi Dios, qataq nachiso so l'auaxanec da qanca'alaxateeguesop na leuaxaicpi, qataq nachiso so lataxala' na nta'alpi mayi huetalec ana 'alhua. Qaq somayi ÿataqta qomi' ÿauoteque, qataq iÿouec na qadasouaxashitpi, deÿoxonalo naua ltago'q,

Apocalipsis 5:9

Qaq somayipi i'ootac da dalaxaic n'onec, 'eeta': 'Am ÿataqta 'itchiguiñi da 'auacona ana nede qataq da 'anqa't naua qaiuaxaatalguete n'anaxanaqte; cha'ayi 'am qaÿalauat co'ollaxa, qaq soua 'adtago'q nachi lashiue da qomi' 'aushijnaxanalo, qomi' 'auachigoxottoiguilo na ÿotta'a't shiÿaxauapi mayi ÿotta'a't naua l'aqtaqa, da yaqto' 'enauac qomi' lalamqa'te ñi Dios.