Efesios 5:18 - Nuevo Testamento Toba Sur

¹⁸ Qataq sa ishit qome da qami' taxaiqa, cha'ayi damayi ÿaueca'a da nlaxajñi ca shiÿaxaua. Chaqdato' da ÿataqta qami' nlaqchiguilo so Espíritu Santo.

Nuevo Testamento Toba Sombrero Negro

¹⁸ Ena'te ami taĝayaqa, qa'a gaa'me jo'ne jalcote da'me niyo'm male ja yayate'n joga'me yauote, dite da'me nach'e eta't anajeñe'teguet joñe'me Dios Lepaqal qaedi ami najaqachiguilo chayovida'a da'me ami yaloĝonalo yema joga'me auauoyi nale.

La'aqtaqa Ñim Lo'onatac 'Enauacna 2013

¹⁸ Qataq saishet qome da qami' taxaiqa, cha'aye damaye ỹaueca'a da nlaxaañi ca shiỹaxaua. Chaqrato' da ỹataqta qami' nlaqchiguilo So Saqcha'a Na'añaxac Qui'itta.

Efesios 5:18 Iomraidhean Croise

Mateo 23:25

¡Ÿataqta choxodaxasodo' qami' mayi qauapaxaguenataxañiitac qataq qami' fariseopi mayi qoñiitega da qami' 'eesoda! Cha'ayi qami' ndoteec na pa'auec ana ÿomaxaqui qataq na nqui'axaqui da qauÿoitac, qalaxayi na pa'auo namayipi ÿataqta da'aichigui na qauachigoxochiÿaigui da qadcachaxaqui qataq da qadqopitaxanaqtaiqui.

Mateo 24:49

Nachi jec da iuaxaatac na nlataxauapi, qataq i'ot da lqui'axac, qataq da nÿoma'ai' na taxaicpi.

Lucas 1:15

cha'ayi que'eca 'ai'alec camayi ÿataqta 'amaqtaqaic qome naq'en ñi Dios. Camayi sa ishit qome da nÿomgui na ÿotta'a't lataxa, qataq ÿataqta nlaqchigui so Espíritu Santo qom saxanaxa da ñiguiñi.

Lucas 11:13

Qami' matem qami' yiloxoiqa, qalaq qauaÿajñi da qai'añiim ca no'on na qai'alquiipi, qaq ¿huá'ago' da saq 'eetec ñi qadta'ai mayi neto'ot na piguem da ishit da ÿanem so Espíritu Santo cam iÿaxanot ñimayi?

Lucas 12:45

Qalaxayi que'eca nlatac da huo'otaq 'enapec: “Ca ñi'aco' ÿataqta saqaÿaloqteguet,” nachi jec da iuaxaatac so laÿipi nlatacpi qataq aso nlatapi, ime, qaq cot da lqui'axac qataq da nÿomaxac qataq na ltaxa,

Lucas 21:34

Qalaxayi maxatchaxa, sa ishit qome da qadamchiguilo naua qadquiyaqchilli' souaxat ca qanamañi, qataq da qadomiilec na lataxa qataq nam laÿi nhuenecpi yi na'a'q, yaqto' que'eca na'a'q sa ishit da qami' ique'elaxa't,

Juan 2:10

Nachi 'enapega, 'eeta': –'Enauac na shiÿaxauapi i'auaxaachiguiñi naxa da nÿomaxangui na no'on lataxa na namaxasoxoic, qaq da mashi qaÿoqtegue da nÿomaxac, nachi qaltaq qanÿomaxangui na lataxa mayi saqalligueme da no'on. Qalaxayi 'am chochi ivitta'a nagui da ña 'auaÿamaxattac na no'on lataxa.

Hechos 11:24

Cha'ayi so Bernabé ÿataqta no'on da lataxac, qataq somayi nlaqchigui so Espíritu Santo qataq da lpi'iÿaxac. Qaq ÿoqo'oyi ÿataqta qalota so dalaxaic shiÿaxauapi da quegue so qadataxala'.

Romanos 13:13

Qaq ÿoqo'oyi ÿataqta ñaÿamaxataqta qome, se'enaxataqteguem da qanayiutaigui yi na'a'q. Sa ishit da qomi' taxaiqa. Qataq sa ishit da so'otaq ca lta'adaic qadqui'axac qataq da quishiguetaxac, na ÿotta'a't namanaxanaqtaiguesat, na cotaxaguesat, na nquiÿaxanaqtaiguesat.

1 Corintios 11:21

Cha'ayi da ivita yi laloqo' da qauqui'ii, nachi ñi 'oonolec maichi hua'aualec da deque'e, qaq sa ishit da deuataxanapec. Qaq ÿoqo'oyi huo'o na ÿoqouat, qataq huo'o na ivida'a da taxaic.

1 Corintios 5:11

Da shiitega 'eeta': sa ishit da qaualliquiitapeeguet da huo'o ca 'eetega da qad'amqajnataxanaxauai, qalaq quetaigui da lquishiguetaxac, huo'otaq mataxalaic, huo'otaq natameetacot na nqolacpi, huo'otaq n'aqtaqa l'o', huo'otaq taxaic, huo'otaq cachaxaic. Qataq ivida'a da sa ishit da chochi qadqui'axauai ca nachi 'eeta'ac de'eda.

1 Ts 5:7

Ca shiÿaxaua da do'ochi, ÿataqta do'ochi yi pe. Qataq ca taxaic, ipacchigui da taxaic yi pe.

Tito 1:6

Ca lataxala' na 'amqajnataxanaxaicpi sa ishit da huo'otaq sa ÿaÿamaxañi ca n'aqtaguec, qataq 'oonole aca lhua naq'en, qataq da'amqajnataxan naq'en na llalaqpi, yaqto' sa ishit da huo'o ca qaÿasaxalec, souaxat ca n'onataxac sa ÿaÿamaxañi, qataq souaxat da sa ÿalaq.