Efesios 4:9 - Nuevo Testamento Toba Sur

⁹ Qaq ¿huá'ague ca 'eetec ca naigui de'eda n'aqtac mayi 'eeta': “taigue da piguem?” Qomyi damayi naigui da somayi i'auaxaañi co'ollaxa da naÿa ana 'alhua mayi ÿataqta qaÿoqta.

Nuevo Testamento Toba Sombrero Negro

⁹ Chane'eja, ¿jach'e jogamaĝa yelo'teguet jo'me 'naqatac jo'ne enaac da'me yec'adije'ma di'me yataqata p'ajeguem? Qa'a nach'eda yelo'teguet joñe'me jo'ne 'uaeñe da'me nenochi'ña jena'me jenjo' aleua jo'ne p'añe.

La'aqtaqa Ñim Lo'onatac 'Enauacna 2013

⁹ Qaq ¿hua'ague ca 'eetec ca naigui de'era na'aqtac maye 'eeta': «taigue da piguem»? Qomye, damaye naigui da Somaye ỹa'auaxaañi co'ollaxa da naỹa ana 'alhua.

Efesios 4:9 Iomraidhean Croise

Mateo 12:40

Cha'ayi de'eda 'eetec so Jonás co'ollaq ivi' naua tres na'axa'te qataq tres pe' da huetaigui na lauel aso late'e na nÿaq, qaq nachida qome da 'eetec nataq'en na shiÿaxaua llalec da ivi' caua tres na'axa'te qataq tres pe' da huetaigui ana 'alhua.

Juan 20:17

Nachi so Jesús 'enapego' asomayi, 'eeta': –Aÿim 'axaneec qome, cha'ayi aÿim saxanaxa da ñoqo'ongue da neta'ague ñi ita'a. Qalaxayi 'am qome qojec, nachi 'au'aqtaxanem ca ÿaqaÿañicpi da aÿim ñoqo'ongue da neta'ague ñi ita'a, ñim nataq'en qadta'ai, ñim ita'a Dios qataq nataq'en qadta'ai.

Juan 3:13

Cha'ayi sa ishit da huo'o ca taigue da piguem, chaqcata cam chigaqa'ague da piguem, mayi nachina nam shiÿaxaua llalec, mayi nachi 'eetai' da neta'ague da piguem.

Juan 6:33

Cha'ayi acam pan mayi ÿan ñi Dios, nachaca acam chigoqtot na piguem mayi anac da ÿanem da lca'alaxa na shiÿaxauapi.

Juan 6:38

Cha'ayi aÿim sa ishit da sachigoqtot na piguem da ñanac da so'ot ca maichi shiitapeguec, chaqdata da ñanac da so'ot ca 'eetapeguec ñim aÿim namaq.

Juan 6:41

Huaña, nachi na judiopi jec da quetapeguelec so Jesús souaxat co'ollaxa da 'eeta': “Aÿim nachaÿim pan mayi sachigoqo'ot na piguem.”

Juan 6:51

Qaq aÿim mayi nachaÿim pan mayi ñica'altauec, qataq sachigoqo'ot na piguem. Ca chic ana'ana pan, nachi huo'o da lca'alaxa chochaq tateec. Ana pan mayi san, nachida da i'oquiaxac. Qaq damayi san, yaqto' nca'aleec na shiÿaxauapi.

Juan 6:58

Qaq aÿim sa'axattac aso pan mayi chigoqo'ot na piguem. Qaq asa'aso pan, asomayi sa ishit da 'eeta'am aso maná mayi chictac co'ollaxa som hua'au qadta'aipi, qalaxayi nachi 'en'am 'enauac somayipi ileu. Qaq cam chic asa'aso pan mayi sa'axattac, nachi camayi nachi 'eetai' da nca'altauec.

Juan 6:62

Qaq ¿huá'ago' ca qoñiitec qone' da huo'otaq qami' qauloÿa'a na shiÿaxaua llalec da ÿi'iguelaxashiguema yim hueta'a co'ollaxa?

Juan 8:14

Nachi so Jesús 'enapeco': –De'eda i'aqtaxanaxac, damayi ÿataqta 'eesa, nai'ctaxa da huo'otaq aÿim maichi ñi'axattapeguela't. Cha'ayi saÿateeta yi sachigoqchiguiña, qataq dam sata'ague. Qami', qalaxayi sa ishit da qauaÿajñi ca sachigoqta'ague, qataq cam sata'ague.

Hebreos 2:7

Qaq cada'acolec da 'am 'ai'anagui da na 'adamaxashic piguem l'ecpi nataÿaña naq'en namayipi. Qalaxayi 'ai'anagui da lli'oxoyic qataq da l'amaqchic, ime, nachi 'ai'anem da ilo'ogue 'enauac nam 'ad'onatacpi,

Hebreos 2:9

Qalaxayi qomi' ishit da seloqchigui so Jesús som cada'ac da nataÿaña naq'en ñi Dios na lamaxashic piguem l'ecpi. Qalaxayi souaxat da lauotaxanaqtaic da shinaqta ñi Dios, nachi ÿan somayi, da yaqto' ileualec 'enauac na shiÿaxauapi. Qaq nagui somayi qoÿanagui da lli'oxoyic qataq da l'amaqchic souaxat da nque'etaxangui da l-leuaxa.