Efesios 4:16 - Nuevo Testamento Toba Sur

¹⁶ Qaq nachiso so Cristo som ÿataqta nacoota't qataq n'atta't naq'en 'enauac de'eda n'oquiaxac mayi n'atta'a't. Qaq ÿoqo'oyi ñi 'oonolec ne'ena n'atta'a'tpi, da ÿataqta ÿaÿamaqchiguiñi da lataxac, nachi 'enauac namayipi nañaxattac qataq nquictashiguem, souaxat da nauotaxanaqtaic.

Nuevo Testamento Toba Sombrero Negro

¹⁶ Nach'eñe ñe'me Cristo jo'ne qo'mi yapotena't, qama'le qo'mi yodapecache male ena'am ta'le joqotaĝaguet joñe'me, nataq'aen yema ñecochaĝapega't. Chane'eja, qom naq'aeta qama'le ena'am ta'le yataqata ñaqaloĝodaqatajeguem, qama'le 'uo da'me qat'añaĝac jo'ne chiyaqayi da'me qadoqopich'i.

La'aqtaqa Ñim Lo'onatac 'Enauacna 2013

¹⁶ Qaq nacheso So Cristo som na'atta'a't naqa'en na 'amqaanataxanaxaicpi, qaq ỹoqo'oye ñi 'oonolec ne'ena na'atta'a'tpi ỹataqta cam lo'onataxanaxac, qataq 'enauac namayepi nacoota't yaqto' na 'amqaanataxanaxaicpi nquictasheguem da lañaxataxac qataq da la'añaxac souaxat da lsoxoyec.

Efesios 4:16 Iomraidhean Croise

Juan 15:5

Qaq aÿim mayi shiita'am aca nanguishi, qaq qami' nachiqami' icoue. Qaq cam nachi 'eetai' da aÿim n'attau'a qataq ñi'atta'ai', nachi camayi ÿataqta qalota da alaÿaxac, cha'ayi qami' sa ishit da huo'o ca qoñiic da huo'otaq sa ishit da aÿim qan'ayiitau'a.

Romanos 12:4

Cha'ayi de'eda 'eetec da qad'oquiaxac da ÿataqta qalota na logoxoshitpi, qalaxayi sa ishit da 'enauac namayipi da 'oonolec ca l'onataxanaxac.

1 Corintios 10:17

Nai'ctaxa da qomi' saqalota, qalaxayi 'enauac da sachiguenaq aso 'oonole pan, qaq ÿoqo'oyi qomi' 'eeta'am da 'oonolec n'oquiaxac.

1 Corintios 13:13

Qaq ÿoqo'oyi da npi'iÿaxac qataq da aquitaxac qataq da nsoxoyic ÿataqta qaica ca loga't. Qalaxayi da ÿoqta ÿacteec ne'enaua tres, nachida da nsoxoyic.

1 Corintios 8:1

Qaq nagui qami' sa'axatema da lliquiaxac ca nallic mayi qanatameelec da qoÿanot ca nqolac. 'Eesa da 'enauac da qadauattonatac de'eda. Qalaxayi de'eda nauattonaxanaxac ÿashittagui naq'en da ñi'oxonnaxac ca shiÿaxaua. Chaqdata da nsoxoyic mayi nañaxat naq'en camayi.

Gálatas 5:22

Qaq dam alaÿaxac ca netanguit so Espíritu Santo, qalaq 'eeta': Huo'o da lsoxoyic, ntonaxac, l-lagaxayic, lhualaxavic, lauotaxanaqtaic, i'ot ca ÿaÿamaqchiguiñi, qataq npe'et,

Gálatas 5:6

Qataq da mashi sogote da ñi'adaqtau'a so Cristo Jesús, nachi ÿataqta qaica ca naigui da qaÿauo'o ca n'anaxat na l'oc ca shiÿaxaua, huo'otaq jegatai'. Cha'ayi dam ÿataqta huo'o ca naigui, nachida dam qadpi'iÿaxac. Qaq de'eda qadpi'iÿaxac, nachida da qomi' nachaatoiguilo naq'en da nsoxoyic.

Efesios 1:4

Ñi Dios nal'ena da qomi' lca'agui'shi, ÿachigoxotchigui so Cristo co'ollaq saxanaqaca ana 'alhua, da yaqto' nachi 'eetai' da souaqto'ot ñimayi da qui'itta da qanachaalataxac qataq da qaica ca qadasouaxashit.

Efesios 3:17

Qataq seÿaxaatacot ñi qadta'a, da yaqto' so Cristo ishit da netaiguilo naua qadquiyaqchilli' souaxat da huo'o da qadpi'iÿaxaqui somayi, qataq yaqto' qami' ÿataqta qanañaxachiitalec qataq qan'ayiitalec da nsoxoyic,

Efesios 3:7

Qaq aÿim ÿataqta sa ñauapeguela't. Qalaxayi aÿim qoÿanagui da yaqto' sa'axat de'eda n'aqtac, qaq damayi chigoqchigui da l'añaxac ñi Dios.

Efesios 4:12

Qaq 'eda da 'eetec co'ollaq ÿaqataxanai' da llic naq'en na lalamaxatpi, yaqto' ñi 'oonolec i'ot ca l'onataxanaxac, da yaqto' nquictashiguem da l'oquiaxac so Cristo,

Efesios 4:15

Chaqdato' da naua qad'aqtaqa qalaq ÿataqta 'eesoda, qataq qomi' soxodaiqa, qataq ÿataqta nquictashiguem da no'on qadataxac, cha'ayi ñi'adaqtau'a so Cristo mayi nachiso so lqaic de'eda n'oquiaxac.

Filipenses 1:9

Qataq naxa da ñoqouagaxaueetac, qalaq seÿaxaataique da ña qanquigaxatshiguem da qadauotaxanaqtaiqui qataq na qadaÿajñiqui qataq da qadauattonaxanaxaqui,

Colosenses 2:19

Cha'ayi namayipi sa ishit da n'attau'a so Cristo mayi nachiso so lqaic de'eda n'oquiaxac. Qaq somayi nachiso so nquictashiguem naq'en da i'añaqchit de'eda n'oquiaxac, qataq ÿataqta n'atta't naq'en nam ÿotta'a't logoxoshitpi da ipacchigui naq'en dam 'eetapeguec ñi Dios.

Colosenses 2:2

Qaq huo'o da ñiloquiaxac, cha'ayi ñishitaique da namayipi da'añi da lquiyaqteÿaxac, qataq ntaungui da nsoxoyic, qataq qaica ca iueetac dam aquitaxac mayi chigaqaigui da nauattonaxanaxac, da yaqto' ÿauattoota dam saq cha'a mayi ÿachaxan ñi Dios, mayi nachiso so Cristo.

1 Ts 1:3

Qaq ñim qadta'a Dios mayi souaqto'ot, ñimayi mayi ÿaÿateeta da qadhuennataxa da tachigui qadhuel da l'onataxanaxac da qadpi'iÿaxaqui, qataq da qadsoxoyiqui da qoviitague' na qadqaÿañicpii, qataq da qoquiito'ot qanaquitaxaqui ñi qadataxala' Jesucristo.

1 Ts 2:13

Qaq nachida da huo'o mshi sanaqtacot da qan'achiquiaxac ñi Dios, cha'ayi co'ollaq qan'axaÿaxañiÿa da l'aqtac ñi Dios mayi qami' sa'axataxama, nachi qau'amaqchiñi da ÿataqta 'eesa l'aqtac ñi Dios, da sa ishit qanqashiñi da l'aqtac ca chochi shiÿaxaua. Qaq damayi ÿataqta 'eesa l'aqtac ñi Dios, qaq ÿoqo'oyi ishit da huo'o ca naigui naq'en da nachaalataxac da qoñiita nam mashi da'amqajnataxan.

1 Ts 3:12

Qaq ñim qadataxala' Jesús nañaxat qataq chochi huañi naq'en da qadsoxoyiqui, yaqto' qanchoxonñiÿa't qataq qavidaxachiÿauga 'enauac na shiÿaxauapi, 'eeta'ama qomi' da ÿataqta qami' sauotaxaque.

2 Ts 1:3

Qami' qadqaÿa't, qomi' soqolaqtot da sanaqtacot da qan'achiquiaxac ñi Dios, souaxat da qoñiita. Qaq damayi nachi lataxac, cha'ayi qami' ÿataqta nquictashiguem da qadpi'iÿaxaqui qataq da lsoxoyic ñi 'oonolec da ÿauotec ca lÿa, ÿataqta nqochiitauec.

1 Timoteo 1:5

Qaq damayi qaÿamaxasoxoolec da qoÿaxaañi, cha'ayi ñi Dios nshitaique da nchoxonna't na shiÿaxauapi. Ca shiÿaxaua huo'o da lsoxoyic, cha'ayi ÿataqta qui'itta añi lquiyaqte, qataq da lavilÿaxac ÿaÿamaqchiguiñi, qataq huosota da lpi'iÿaxac.

1 Pedro 1:22

Qaq nagui da chigoqchigui so Espíritu Santo da qami' qaualaqailec da n'aqtaxanaxac mayi ÿataqta 'eesa, nachi ÿataqta qauqui'itaxachiita da qanachaalataxaqui, da yaqto' ÿataqta qauauochiic na qadqaÿanquiipi. Qaq ÿoqo'oyi ñi 'oonolec da qoñiita ÿataqta imauec naq'en da lquiyaqteÿaxac qataq 'enauac da l'añaxac da ÿauotec ca lqaÿa.

1 Juan 4:16

Qaq 'eda da 'eetec da huo'o mshi saÿajnaq qataq sa'amaqtenaq da ñi Dios qomi' ÿauoteque. Ñi Dios huotaxanaqtaqaic. Qaq cam hueto'ot da nauotaxanaqtaic, camayi n'attau'a ñi Dios, qaq ñimayi hueta'aguet camayi.