Efesios 3:9 - Nuevo Testamento Toba Sur

⁹ Qataq ñi Dios mayi l'onatac 'enauacna, ñimayi aÿim ipataxalec da yaqto' sa'axattem 'enauac na shiÿaxauapi da lataxac dam saq cha'a mayi lapaxañi co'olloxochiyi som hua'a'u vi'iyi.

Nuevo Testamento Toba Sombrero Negro

⁹ Nataq'aen jayem qo'yelopec qaedi ja'aĝatetac yema joga'me en ta'tegue jena'me jenjo' lelnataĝac ñe'me Dios jo'ne naqaeñe mach'e 'lonatac jena'me aleua. Yema jena'me jenjo' jo'ne ami ja'aĝatapema nayi, yataqata qaya'te yayaten ca'li, qalaĝaja Dios male yaloĝon da'me jo'ne chiyoĝoteguet jaa'me 'uoidi toye's.

La'aqtaqa Ñim Lo'onatac 'Enauacna 2013

⁹ Nataqa'en aỹem ipataxalec da sa'axatem 'enauac na shiỹaxauapi da 'eetec da Ñimaye ipaqueelec dam 'eetapeguec. Ñim Lo'onatac 'Enauacna, nache 'eetai' de'era 'eetapeguec, qalaxaye qaỹoqteguelo soua vi'iye da saishet da ỹachaxan.

Efesios 3:9 Iomraidhean Croise

Mateo 10:27

Qaq cam aÿim shinapec da huaigui ca napalaxa, qalaq qau'axachiiuec qom qoviitaigui ca yi'oqchiguiñi; qataq cam ñichitta'ac da qami' sa'axatema, qalaq ÿataqta qan'axanñiic da qanasaqaiuec da hualec na l-laq ca noÿic.

Mateo 13:35

Qaq 'eetec de'eda, cha'ayi yaqto' ishit da ipacchigui da ÿiyiñi co'ollaxa so l'aqtaxanaxanec ñi Dios, mayi 'eeta': Sa'aqtaxan, qalaxayi sauota'a na ÿaloqnaxanaxatpi; sa'axat nam sa ishit da qaÿaÿaten ca lataxac chigoqta'a co'ollaq chita'ague da i'ot ana 'alhua ñi Dios.

Mateo 25:34

Nachi ne'ena nta'a 'enapega qome nam hueta'ague na aloic, 'eeta': “Qauanaqui qome, qami' mayi qami' nqouagueque ñi ita'a. Qaunoxoñiu'a qome da n'onataxanaxac mayi ÿaqataxaatapigui' da qami' ÿanema ñi Dios co'ollaq chita'ague i'ot ana 'alhua.

Mateo 28:19

Qaq ÿoqo'oyi nagui qanqo'oñiÿa qome na ÿotta'a't shiÿaxauapi da qauauo'oi ñallippi, qauachilaxanataxañiÿa qome da l'enaxat ñi qadta'a, qataq na llalec, qataq so Espíritu Santo.

Lucas 24:47

Nachi de'eda l'enaxat qai'axateec qome, qai'aqtaxanoigui na ÿotta'a't shiÿaxauapi, qaq qoÿinapega 'enauac namayipi da ca'aisalo naua n'onataxaco, yaqto' naua n'onataxaco ishit da qaÿapalaxa't, qaq qaÿachigoqchiguiña qome na Jerusalén.

Juan 10:30

Aÿim qataq ñi ita'a qomi' 'oonolec da qadataxac.

Juan 5:17

Qalaxayi so Jesús 'enapega somayipi, 'eeta': –Ñi ita'a nachi 'eetai' naxa da do'onataxaatac, qaq ÿoqo'oyi aÿim nataq'en so'onataxan.

Juan 5:19

Nachi so Jesús 'enapega somayipi, 'eeta': –Ÿataqta 'eesa de'eda qami' sa'axatema, da ne'ena llalec ñi Dios, namayi sa ishit da huo'o ca i'ot da huo'otaq maichi ndojlec, cha'ayi namayi i'ot cam ÿauaachigui da i'ot ñi lta'a. Qaq ÿoqo'oyi 'enauac nam i'otpi ñi lta'a, qaq nataq'en i'ot nam llalec.

Hechos 15:18

'Eda da l'aqtac ñi qadataxala' mayi i'axatta'a co'ollaxa soua hua'a'u vi'iyi.

Romanos 11:25

Ÿoqo'oyi qami' ÿaqaÿa't, ñishitaique da qauaÿajñi de'eda saq cha'a lataxac mayi 'eetapeguec ñi Dios, yaqto' qami' sa ishit da qaupi'itaxañiitega da qami' ÿajnaxanaxaiqa. Cha'ayi huo'o nam Israel l'ecpi nam ÿataqta qadamchigui, qalaxayi to' qom ivita ca laloqo' da nala'a't na sa ishit da Israel l'ecpi da inoxoneuo.

1 Corintios 2:7

De'eda naÿajnec mayi sa'axataqtac, damayi naÿajnec saq cha'a mayi chigoqo'ot ñi Dios. Damayi nachida da maichi 'eetapeguec ñimayi co'ollaq saxanaqaca ana 'alhua da ÿauotaique qadca'alaxa chochaq tateec.

Efesios 1:4

Ñi Dios nal'ena da qomi' lca'agui'shi, ÿachigoxotchigui so Cristo co'ollaq saxanaqaca ana 'alhua, da yaqto' nachi 'eetai' da souaqto'ot ñimayi da qui'itta da qanachaalataxac qataq da qaica ca qadasouaxashit.

Efesios 3:2

Qaq ÿoqta da mashi sogote da qauaÿajñi da 'eetec ñi Dios da maichi ÿachigoxotchigui da lqouagaxanaqtaic da aÿim ipataxalec de'eda i'onataxanaxac, da yaqto' qami' qauaÿamqaiñi.

Efesios 6:19

Nataq'en aÿim qanqouagaxauñiitalec, yaqto' ñi Dios aÿim ÿanema naua i'aqtaqa da ivita da setaqa, qataq yaqto' aÿim qadamchigui da sa'axat dam saq cha'a co'ollaxa n'aqtaguec da nca'alaxa, da yaqto' qaÿaÿaten.

Colosenses 1:23

Qalaxayi damayi iuen da qami' sa ishit da qai'axañiiuec da qadpi'iÿaxaqui, qoñiita'am aca qo'ipaq mayi ÿataqta qaÿoqchiguingui ca lpa'a'q. Qataq sa ishit da qai'axañiiuec da qanaquitaxaqui mayi qauachigoxochiichigui da n'aqtac mayi chigaqaigui da nca'alaxa mayi qan'axaÿaxañiÿa. Qaq de'eda n'aqtac nachida da qai'axattac 'enauaque naua 'ale'u. Qaq aÿim Pablo nachida da sa'axattac.

Colosenses 1:26

dam l'aqtac mayi sa ishit co'ollaxa da huo'o ca ÿaÿajnaxanaxanec som shiÿaxauapi soua hua'a'u vi'iyi. Qalaxayi nagui ñimayi ÿaÿajnaxanaxanec nam lalamaxatpi.

Colosenses 3:3

Cha'ayi qami' mashi qadleuaxauai so Cristo, qaq nagui da qanachaalataxaqui hueto'ot somayi da n'attau'a ñi Dios.

Colosenses 4:3

Qataq nataq'en qomi' qanqouagaxauñiitalguete qome, yaqto' ñi qadataxala' Dios qomi' ÿanema ca qaddaqa' sa sa'axataq da n'aqtac qataq dam sa ishit co'ollaxa da qaÿaÿaten n'aqtaguec so Cristo, cha'ayi nachida da huo'o mshi aÿim qaicoñittai'.

2 Ts 2:13

Qami' qadqaÿa't, mayi qami' nauochaxa'u so qadataxala', qomi' soqolaqtot da sanaqtacot da qan'achiquiaxac ñi Dios souaxat da qoñiita, cha'ayi ñimayi qami' lca'au'alo co'ollaq saxanaqaca ana 'alhua da qami' nca'alaxatreec. Qaq de'eda nca'alaxa chigoqo'ot so Espíritu mayi chigoqchigui da qami' lalamqa'te naq'en ñi Dios, nataq'en chigaqaigui da 'eesa lataxac mayi qau'amaqchiñi.

1 Timoteo 3:16

Qaq sa ishit da qaÿoqolguet de'eda saq cha'a lataxac da qad'amqajnataxanaxac, cha'ayi ÿataqta lta'adaic da lli'oxoyic: Ñi Dios nachaxan, qalaxayi nachida da yi'oqchigui lapachiyaxac na shiÿaxauapi; qaq da n'aqtaguec co'ollaq i'axat so Espíritu ÿataqta 'en da no'on shiÿaxaua, qaq ÿauaachigui somayi 'enauac na chigaqshiguem Dios lamaxashicpi. Qataq qai'axatem 'enauac na ÿotta'a't shiÿaxauapi, ÿoqo'oyi huo'o na i'amaqten na 'enauac ÿallippi nam huetalecna. Ime, qaq qaÿaueegue da piguem.

2 Timoteo 1:9

Ñim Dios mayi qomi' nca'alaxatreec, qataq iÿaxana da qanachaalataxac da yaqto' sanqot. Qaq de'eda qomi' i'oteque, damayi nachi 'eetai' da lhuennataxa. Sa ishit da huo'otaq chochi nqopita'a ca qadataxac no'on. Mayi souaxat da qomi' ÿauoteque, cha'ayi mashi ñi'adaqtau'a so Cristo Jesús. Qataq nal'eno' da qomi' ÿauoteque co'ollaq saxanaqaca ana 'alhua.

2 Timoteo 4:17

Qalaxayi so qadataxala' Jesús saq aÿim iÿoteec, qataq aÿim ÿami' da i'añaxac da ña sepactelec da sa'axat da n'aqtac mayi chigaqaigui da nca'alaxa, yaqto' hua'axaÿa de'eda 'enauac na saq judiopi. Qaq nachi 'eetec de'eda som qadataxala' aÿim nca'alaxateeguesop da 'ico' loxonaxanaxac ca dequi'iÿapec.

Tito 1:2

qataq ÿauattoota nataq'en da aquitaxac da achaalataxac mayi chochaq tateec. Qaq ñim Dios mayi sa datenataxan ñimayi ÿachaxanapec co'olloxochiyi de'eda achaalataxac co'ollaq saxanaqaca ana 'alhua.

1 Pedro 1:20

So Cristo nal'ena da qaÿaqataxaatapigui' co'ollaq saxanaqaca ana 'alhua da qoÿan, qalaxayi chaqnacta nagui da mashi pa'atreec naua na'axa'te, nachi yi'oq somayi, souaxat da qoñiita.

Apocalipsis 13:8

Nachi se'eso shiguiÿac ÿataqta ÿi'oxodeetac 'enauac nam huetalec ana 'alhua, nam sa ishit da nanettau'a aso nanedaxalate nam lca'alaxaicpi co'ollaq chita'ague da qai'ottac ana 'alhua, asom hueto'ot so qagueta llalec mayi qaÿalauat co'ollaxa.

Apocalipsis 14:6

Ime, qataq sela'a so lÿa namaxashic piguem l'ec, huaÿotac, hueto'ot na piguem, ÿachitac so n'aqtaxanaxac mayi qaica ca loga't mayi chigaqaigui da nca'alaxa, da yaqto' da'aqtaxanem 'enauac nam netalec ana 'alhua ÿotta'a't shiÿaxauapi mayi ÿotta'a't na l'aqtacpi.

Apocalipsis 17:8

Yi'iyi shiguiÿac mayi 'auauaachigui, yimayi co'ollaxa nca'altauec, qalaxayi nagui mashi saqca. Qalaxayi yimayi qaltaq nnoxooshiguem qome da chigaqaña cam laponqa' na leuaxaicpi, qom mashi yaqta'a da ivita ca ÿoqta loga't. Huaña qome, nachi nam huetalec ana 'alhua nam sa ishit da qoÿittau'a acam lmalate nam qanca'alaxateecpi co'ollaq saxanaqaca ana 'alhua, nachi namayipi ÿataqta huo'o da l'aalaxa qom ÿauaachigui se'eso shiguiÿac mayi nca'altauec co'ollaxa, qalaxayi mashi saqca, qalaxayi qaltaq ÿi'iguelaxalec qome da nca'aleec.

Apocalipsis 4:11

'Am qadataxala' Dios, 'itchiguiñi da 'am qoÿanot da 'ayi'oxoyic, 'ad'amaqchic, qataq da 'ad'añaxac; cha'ayi 'am 'ad'onatac 'enauacna, maichi 'am chigoqchigui, qaq ÿoqo'oyi yi'oq 'enauac namayipi.