Efesios 3:8 - Nuevo Testamento Toba Sur

⁸ Cha'ayi aÿim ÿataqta qaica ca i'amaqchic, sa ishit da shin'am ca ÿapacteec qaica ca l'amaqchic na lalamaxatpi ñi Dios. Qalaxayi ñimayi aÿim ÿanagui de'eda ñi'achiquiaxac da yaqto' sa'axatem nam sa ishit da judío l'ecpi da no'on qad'axaÿaxac mayi i'axat dam sa ishit da qanaloqten lsallaxa so Cristo.

Nuevo Testamento Toba Sombrero Negro

⁸ Da'me jayem, ena'am ta'le jayem jaqayi, ja jalo'ogueta gaa'me Dios lec'oqo'tepi laqaya', qalaĝaja Dios yataqata jayem nichoĝodichi'ña, qaedi male ja'aĝatema jena'me jenjo' 'laqatac jo'ne yataqata onaĝaic jogaa'me ja judiopi, ja'aĝa'tape yema jogaa'me Jesucristo lichoĝodenataĝanaĝaco jo'ne yataqata alidaq.

La'aqtaqa Ñim Lo'onatac 'Enauacna 2013

⁸ Cha'aye na'aictaxa da aỹem ỹataqta qaica ca ỹa'amaqchec da salectaigui na lalamaxatpi Ñim Lo'onatac 'Enauacna, qalaxaye Ñimaye aỹem ỹami' de'era ña'achecỹaxac da sa'axatem na saishet da judiopi da no'on na'axaỹaxac maye ỹa'axat nam chegoqo'ot lqouagaxanaqtaicpi So Cristo maye qaica ca ishet da naloqten.

Efesios 3:8 Iomraidhean Croise

Lucas 14:22

Qaq co'ollaq mashi ñi'iguelaq so nlatac, nachi da'aqtaxan, 'eeta': “'Am ñi'aco', mashi sogote da so'ot 'enauac da aÿim 'auamaxalec, qalaxayi ñaqaiyita ñaq huo'o yi ndaqa'.”

Juan 1:16

Qaq 'enauac da shinaqta saconaxaguet dam chochaq huañi lsallaxa dam lqouagaxanaqtaic mayi nacalec lÿa da qomi' ÿanema.

Hechos 5:41

Nachi se'esoua Jesús lamaxa'shi chigoqtoiguilo so nta'alpi ÿataqta huo'o da ntonaxa'c, cha'ayi ñi Dios ÿashiitegueta soomayi da huo'o da nque'ejnaxa'c, huasoidelec da l'enaxat so Jesús.

Hechos 9:15

Qalaxayi so qadataxala' 'enapego' somayi, 'eeta': –'Aue, 'anqo'ona, cha'ayi aÿim llica'aguishic ñi'iñi shiÿaxaua, da yaqto' aÿim i'axat, aÿim i'axatem 'enauac na ÿotta'a't shiÿaxauapi, qataq na lta'alpi namayipi, nataq'en nam llalaqpi so Israel.

Romanos 11:33

¡Ÿataqta lta'adaxanec da lqouagaxanaqtaic ñi Dios, qataq da laÿajnec qataq da lauattonaxanaxac! Ÿataqta sa ishit da saÿajnaq da sa'axataxaguelo naua 'eetapegueco qataq naua llico.

Romanos 12:10

Ñi 'oonolec ÿataqta ÿauotec ca lÿa, 'eeta'am naq'en da lauotaxanaqtaic ca maichi lqaÿa. Qataq ÿataqta ipacapega ca lÿa, qataq ñi 'oonolec sa ishit da saq huo'o naq'en ca 'enec ca lÿa.

Romanos 2:4

Loqo' chaq ¿'am 'au'otan peta'a dam sa ishit da imeuo lqouagaxanaqtaic qataq da lhualaxavic ñi Dios, qaq sa ishit da tagui yi 'adhuel da de'eda nqouagaxanaqtaic ishit da 'am ÿaueca'a da ishit da 'axaadeec naua 'an'onataxaco?

1 Corintios 1:30

Qaq ñimayi nalligoxottela't da qan'ayiitau'a naq'en so Cristo Jesús, qataq chigoqchigui naq'en somayi da qadaÿajnec. Qataq chigoqchigui naq'en somayi da qomi' ÿaÿamaxadeete' ñimayi, qataq da qomi' lalamqa'te, qataq da qomi' yica'alaxauec.

1 Corintios 15:9

Cha'ayi aÿim qaica ca i'amaqchic, saq shin'am na laÿipi lamaxashicpi so Jesús, qataq sa yalou'a da aÿim qoÿanagui da aÿim lamaxashic somayi, cha'ayi secaatac na i'amaqteetacpi ñi Dios co'olloxochiyi.

1 Corintios 2:9

Qaq tachigui da 'enapec naua ñiyigui'shi l'aqtaqa ñi Dios, 'eeta': Ñi Dios ÿaqataxaatapigui' da ÿanem cam ÿauotec ñimayi da 'achiquiaxac mayi qaica ca ishit da ila'a, huo'otaq hua'axaÿa, huo'otaq da iuennatapega.

Gálatas 1:16

nachi huaña, qaq aÿim ÿauattonaxanaxanguet so llalec, da yaqto' aÿim sa'axatem nam saq judiopi da l'aqtac mayi chigaqaigui da nca'alaxa. Qaq co'ollaq mashi ime de'eda, nachi aÿim sa ishit da huo'o ca ñinate'.

Gálatas 2:8

Qaq ñim Dios mayi ÿanagui da Jesús lamaxashic naq'en so Pedro, da yaqto' da'aqtaxanem na judiopi, nachiñi ñi aÿim ÿanagui da Jesús lamaxashic naq'en aÿim, da yaqto' sa'aqtaxanem nam saq judiopi.

Efesios 2:7

Qaq i'ot de'eda ñimayi, cha'ayi nshitaique da ÿachaxan da 'eetec cam ñaq natrauo na'axa'te da lta'adaic lauotaxanaqtaic da shinaqta qataq dam lqouagaxanaqtaic mayi ÿachigoxotchigui naq'en so Cristo Jesús.

Efesios 3:1

Qaq aÿim Pablo, 'eda da huo'o mshi aÿim ñoqouagaxaueetac. Qaq aÿim qaicoñittai' souaxat da sasoilec so Cristo Jesús, qalaxayi damayi naigui da yaqto' qauaÿamqaiñi qami' mayi sa ishit da qami' judío lashi'.

Efesios 3:16

Qataq seÿaxaatacot ñi qadta'a Dios, da yaqto' ÿachigoxotchigui dam qaica ca 'en'am lsallaxa da qami' ÿanema da l'añaxac, da ÿachigoxotchigui so n'Espíritu da ÿanem da l'añaxac da qadvilÿaxaqui.

Efesios 3:19

Qataq seÿaxaatacot ñimayi, da yaqto' qami' ÿataqta qauauattoñiita de'eda nauotaxanaqtaic mayi ÿataqta napacalec 'enauac na qadauattonaxanaxacpi, yaqto' qami' ÿataqta qami' nlaqchiguilo da lataxac ñi Dios.

Efesios 3:2

Qaq ÿoqta da mashi sogote da qauaÿajñi da 'eetec ñi Dios da maichi ÿachigoxotchigui da lqouagaxanaqtaic da aÿim ipataxalec de'eda i'onataxanaxac, da yaqto' qami' qauaÿamqaiñi.

Filipenses 2:3

Qataq sa ishit qome da chochi huo'o ca qanaquichiitaique da huo'o ca qau'ochi, huo'otaq souaxat da qami' n'amqajnaxaiqa. Chaqdata da sa ishit da qami' ñi'oxonnaxaiqa, qataq sa ishit da qanamachiitaña ca qadÿai da qoñiÿapec sa ishit da qami' 'eeta'ama.

Filipenses 4:19

Qaq ñim ita'a Dios qami' ÿanema qome 'enauac nam qaviñiitaique da ÿachigoxotchigui dam qaica ca 'en'am da lli'oxoyic lsallaxa mayi hueto'ot naq'en so Cristo Jesús.

Colosenses 1:27

Qaq ñimayi ÿauotaique da ÿaÿajnaxanaxanec namayipi dam lsallaxa mayi huo'o da lli'oxoyic da ÿauotaique ÿami' na sa ishit da judiopi. De'eda n'aqtaxanaxac 'eeta': So Cristo qami' hueta'agueta, qataq somayi nachiso so i'ot da qanaquitaxaqui, yaqto' qauacoñiiguet qominchiyi ca ñi'oxoyic.

1 Timoteo 1:13

Qaq ñimayi aÿim i'otec de'eda, nai'ctaxa da so lÿa na'a'q ÿataqta sasaxalguete na itaxaÿaxaco qauema da sa seyacnapec, qataq secaatac, qataq seshiueetac. Qalaxayi ñi Dios ÿataqta aÿim ichoxoden, cha'ayi saxanaxa da sa'amaqten so Jesús, qataq ÿataqta sa saÿaten da so'ottac.

1 Timoteo 1:15

Qaq de'eda ÿataqta 'eesa, sa ishit da qaÿoqolguet, cha'ayi so Cristo Jesús naÿa ana 'alhua da nca'alaxateec na shiÿaxauapi 'itaxaloxoicpi. Qaq aÿim, mayi aÿim ÿacteec da aÿim 'itaxaloxoic.

1 Timoteo 2:7

Ÿoqo'oyi ñi Dios aÿim ÿanagui da aÿim l'aqtaxanaxanec qataq lamaxashic, da sapaxaguen na saq judiopi, da sapaxaguenec da npi'iÿaxac qataq da lataxac mayi ÿataqta 'eesa. Da i'aqtaxanaxac ÿataqta 'eesa, sa ishit da aÿim tenataxanaxaic, cha'ayi sa'amaqten so Cristo.

2 Timoteo 1:11

Qaq ñi Dios ÿanagui da aÿim l'aqtaxanaxanec da sa'axat de'eda n'aqtac. Qataq aÿim ÿamaxalec da sapaxaguen na saq judiopi.

Apocalipsis 3:18

Qaq ÿoqo'oyi nagui 'am saqata da aÿim 'auachigoxoto'ot qome da 'aushijnaxana ca ndoteec oro mayi nqachilguishic, da yaqto' ÿataqta 'am sallaxanec, qataq da 'auashijnaxanalo caua 'ogo lapagaxaiqa, da yaqto' 'auapolec da 'adsalhuaxa mayi i'ot da n'agaxa, qataq da 'aushijnaxana ca lata'q naua 'ad'ai'te, da yaqto' 'anauaañi.