Efesios 3:16 - Nuevo Testamento Toba Sur

¹⁶ Qataq seÿaxaatacot ñi qadta'a Dios, da yaqto' ÿachigoxotchigui dam qaica ca 'en'am lsallaxa da qami' ÿanema da l'añaxac, da ÿachigoxotchigui so n'Espíritu da ÿanem da l'añaxac da qadvilÿaxaqui.

Nuevo Testamento Toba Sombrero Negro

¹⁶ Chiyaqayi da'me 'lonaĝac ñe'me Dios jo'ne p'ajaye, male jajela joñe'me qaedi ñe'me Lepaqal jo'ne yataqata ja 'nalegue 'yañaĝateque naa'me adai'lidi' qaedi yataqata ami 'uañaĝayaqa.

La'aqtaqa Ñim Lo'onatac 'Enauacna 2013

¹⁶ Souaxat dam lta'araic lsallaxa qataq da llo'oxoyec, nache seỹaxaatacot Ñim Lo'onatac 'Enauacna da ỹachegoxotchigui So Saqcha'a La'añaxac da qami' ỹanema ca la'añaxac da qarvilỹaxaqui.

Efesios 3:16 Iomraidhean Croise

Mateo 6:13

Sa ishit qome da qomi' 'auashingueta ca qañi'iguenataguec, chaqdata da qomi' 'antelaqna'agueta ca sa ÿaÿamaxañi. Cha'ayi da 'ad'onataxanaxac, qataq da 'ad'añaxac, qataq da 'ayi'oxoyic nachi 'eetai' da qaica ca loga't. Aja', nachi 'eetec.

Romanos 2:29

Cha'ayi ca ÿoqta 'eesa da judío l'ec, qalaxayi nachida dam saq cha'a lavilÿaxac. Qataq cam ÿoqta 'eesa da qaÿauo'o ca n'anaxat, qalaxayi nachañi añi lquiyaqte qai'an. Qaq de'eda sa ishit da chigoqchigui naua ñiyigui'shi nqataxaco, cha'ayi damayi chigoqchigui dam saq cha'a nvilÿaxac. Qaq cam nachi 'eetec de'eda, nachi camayi ÿataqta qaÿaÿamaxadeeta, qalaxayi sa ishit da chochi shiÿaxaua ca ÿaÿamaxadeeta, cha'ayi nachiñi ñi Dios.

Romanos 7:22

Cha'ayi dam iquiyaqteÿaxac mayi aÿim pa'ataigui noqopita nam nqataxacpi mayi chigoqo'ot ñi Dios.

Romanos 9:23

Cha'ayi ñimayi i'ot de'eda, cha'ayi nshitaique da qomi' ÿauattonaxanaxanque da lta'adaic lli'oxoyic, qomi' mayi qomi' nqouagueque, qataq qomi' ÿaqataxanai'salo co'ollaxa da nshitaique da ñiuanaqhua'a da lli'oxoyic ñimayi.

1 Corintios 16:13

Ÿataqta qanloiteec, qataq qan'añaxachiitec da qadpi'iÿaxaqui. Qau'enaxachi ca shiÿaxaua ÿataqta qadamchigui qataq 'añaxaic.

2 Corintios 12:9

Qalaxayi somayi aÿim 'enapega, 'eeta': “Da ÿoqouagaxanaqtaic mashi 'am hueto'ot, qaq saqca ca lÿa 'aueetac. Cha'ayi da i'añaxac yi'oq da nachattaigui ca shiÿaxaua qaica ca l'añaxac.” Qaq ÿoqo'oyi ÿataqta samachiguiñi da saqca ca i'añaxac, yaqto' da l'añaxac so Cristo yi'oq da aÿim nachattaigui.

2 Corintios 4:16

Qaq ÿoqo'oyi sa ishit qome da saq ñi'añaxataq. Nai'ctaxa da 'ico' taÿañicda da qad'oquiaxac, qalaxayi dam saq cha'a qanachaalataxac na'axa'tesat da nqochiitashiguem.

Efesios 1:18

Qataq seÿaxaatacot ñi Dios, da yaqto' i'edaxatoigui da qantounaxaqui, da yaqto' qauaÿajñiita cam qanaquitaxaqui mayi huo'o mshi qami' iÿaxanalo ñimayi, qataq yaqto' qauaÿajñi dam chochi huañi qataq qaica ca 'en'am da lli'oxoyic mayi ÿachaxanapec ñi Dios da ÿanem 'enauac nam lalamaxatpi ñimayi,

Efesios 1:7

Cha'ayi ÿataqta lta'adaic da lauotaxanaqtaic ñi Dios, ÿoqo'oyi qomi' nca'alaxatreec, ÿachigoxotchigui da l-leuaxa so llalec da ÿapalaxat 'enauac nam qadasouaxashitpi.

Efesios 2:7

Qaq i'ot de'eda ñimayi, cha'ayi nshitaique da ÿachaxan da 'eetec cam ñaq natrauo na'axa'te da lta'adaic lauotaxanaqtaic da shinaqta qataq dam lqouagaxanaqtaic mayi ÿachigoxotchigui naq'en so Cristo Jesús.

Efesios 3:15

ñim chigoqo'ot na l'enaxat nam ÿotta'a't nhuo' l'ecpi mayi netalec ana 'alhua qataq nam lamaxashicpi mayi hueto'ot na piguem.

Efesios 3:8

Cha'ayi aÿim ÿataqta qaica ca i'amaqchic, sa ishit da shin'am ca ÿapacteec qaica ca l'amaqchic na lalamaxatpi ñi Dios. Qalaxayi ñimayi aÿim ÿanagui de'eda ñi'achiquiaxac da yaqto' sa'axatem nam sa ishit da judío l'ecpi da no'on qad'axaÿaxac mayi i'axat dam sa ishit da qanaloqten lsallaxa so Cristo.

Efesios 6:10

Qaq nagui qami' ÿaqaÿa't, ÿataqta qan'añaxachi qome, cha'ayi qan'ayiitau'a so Cristo da qauachigoqoichigui da l'añaxac somayi mayi qaica ca ÿaqalanapec.

Filipenses 4:13

Aÿim ishit da ñala'aguet 'enauac na chochaqna, cha'ayi so Cristo aÿim ÿanem da i'añaxac.

Filipenses 4:19

Qaq ñim ita'a Dios qami' ÿanema qome 'enauac nam qaviñiitaique da ÿachigoxotchigui dam qaica ca 'en'am da lli'oxoyic lsallaxa mayi hueto'ot naq'en so Cristo Jesús.

Colosenses 1:11

Qataq seÿaxanaqtacot ñimayi, da yaqto' ÿachigoxotchigui da l'añaxac mayi qaica ca 'en'am da lli'oxoyic da qami' 'añaxaiqa naq'en, da yaqto' huo'o da qanhualaxaunaxaqui qataq da qantonaxaqui da qanaloÿa'aguet 'enauac na chochaqna,

Colosenses 1:27

Qaq ñimayi ÿauotaique da ÿaÿajnaxanaxanec namayipi dam lsallaxa mayi huo'o da lli'oxoyic da ÿauotaique ÿami' na sa ishit da judiopi. De'eda n'aqtaxanaxac 'eeta': So Cristo qami' hueta'agueta, qataq somayi nachiso so i'ot da qanaquitaxaqui, yaqto' qauacoñiiguet qominchiyi ca ñi'oxoyic.

Colosenses 2:2

Qaq huo'o da ñiloquiaxac, cha'ayi ñishitaique da namayipi da'añi da lquiyaqteÿaxac, qataq ntaungui da nsoxoyic, qataq qaica ca iueetac dam aquitaxac mayi chigaqaigui da nauattonaxanaxac, da yaqto' ÿauattoota dam saq cha'a mayi ÿachaxan ñi Dios, mayi nachiso so Cristo.

2 Timoteo 4:17

Qalaxayi so qadataxala' Jesús saq aÿim iÿoteec, qataq aÿim ÿami' da i'añaxac da ña sepactelec da sa'axat da n'aqtac mayi chigaqaigui da nca'alaxa, yaqto' hua'axaÿa de'eda 'enauac na saq judiopi. Qaq nachi 'eetec de'eda som qadataxala' aÿim nca'alaxateeguesop da 'ico' loxonaxanaxac ca dequi'iÿapec.

Hebreos 11:34

qataq da qaÿalamat na lta'adaic nodec, qataq da nañitaguec da huotaique da qaÿalauat. Qataq nam qaica ca l'añaxacpi, qalaq ivida'a da ÿataqta 'añaxaicpi da huo'o na alaataxac, nachi ishit da loxonec nam npa'aguenaxauapi.

1 Pedro 3:4

Chaqdato' da ÿaañi ca saq cha'a 'otaxat mayi chochaq tateec da lyaquiaxac. Huosotta naq'en da lataxac qataq qaica camachicague't. 'Eda mayi ÿataqta huo'o naq 'enec naq'en ñi Dios.