Efesios 3:12 - Nuevo Testamento Toba Sur

¹² Qaq ÿoqo'oyi so Cristo nachiso so chigoqchigui da huo'o mshi selagaqtapiguiñi da senoxonaxau'a ñi Dios, cha'ayi huo'o da qadpi'iÿaxac somayi.

Nuevo Testamento Toba Sombrero Negro

¹² Chane'eja jouaĝat da'me qademe'teguet joñe'me Jesucristo nataq'aen yataqata jep'iyaqa joñe'me, qama'le male jaqanatetaq ta'le ñec'otaĝauo joñe'me Qadet'a mach'e Qanedios, yataqata qaya'te qat'oitaque.

La'aqtaqa Ñim Lo'onatac 'Enauacna 2013

¹² Qaq ỹoqo'oye So Cristo nacheso so chegoqchigui da qarpi'iỹaxac qataq qomi' huesochiyiñi da ñequigaxaua'a Ñim Lo'onatac 'Enauacna, qaica ca sho'oqtaique.

Efesios 3:12 Iomraidhean Croise

Juan 14:6

Nachi so Jesús 'enapega somayi, 'eeta': –Aÿim mayi nachaÿim nqa'aic, qataq nachaÿim 'eesa lataxac, qataq nachaÿim nca'alaxa. Saqca ca lÿa ñigueuo da qainoxoneu'a ñi ita'a, nachaqaÿimta.

Romanos 3:22

De'eda 'eetec da ñi Dios ishit da qomi' ÿaÿamaxadeete', damayi chigoqchigui da qaipi'iÿa'a so Jesucristo, qaq ÿanem 'enauac nam da'amqajnataxan. Qaq sa ishit da lca'atagui na shiÿaxauapi,

Romanos 5:2

Cha'ayi somayi chigoqchigui da huo'o mshi qomi' senoxonaxau'a de'eda lqouagaxanaqtaic ñi Dios, qaq de'eda chigoqchigui da qadpi'iÿaxac. Qaq ÿoqo'oyi de'eda nqouagaxanaqtaic ÿataqta ñi'añaxataqtec, qataq samaqchiguiñi, cha'ayi huo'o da qanaquitaxac da ñiuanaqhua'a da lli'oxoyic ñi Dios.

2 Corintios 3:4

Qaq ÿataqta saÿajnaqta de'eda, chigoqchigui so Cristo da qadpi'iÿaxac ñi Dios.

Efesios 2:18

Qaq chigoqchigui so Cristo da 'enauac da shinaqta, nai'ctaxa ca judío l'ec huo'otaq ca sa ishit da judío l'ec, da qomi' ÿaueegueta ñi qadta'a da sachigoxosoqchigui naq'en so Espíritu Santo.

Hebreos 10:35

Qaq ÿoqo'oyi sa ishit qome da huo'o ca qayi'iitaique, cha'ayi ÿataqta lta'adaic qome ca qanshiitenaguiiqui.

Hebreos 3:6

Qalaxayi so Cristo, somayi llalec ñi Dios qataq ÿataqta npe'et da ilo'ogue se'eso lma' ñi Dios, mayi nachiqomi', da ÿataqta qomi' qadamchiyiñi qataq da qadpi'iÿaxac chochi ivitta'a ca qadaloqo', nda'a't da ÿataqta samaqchiguiñi souaxat da qanaquitaxac.

1 Pedro 3:18

Cha'ayi so Cristo nataq'en mashi ime da qomi' ileualguete souaxat na qadasouaxashitpi. Somayi no'on da lataxac, qalaxayi huo'o da nque'ejnaxac, souaxat qomi' mayi qomi' qauemaiqa, da yaqto' qomi' ÿauegueu'alo ñi Dios. Somayi co'ollaxa ileu da yi'oqchigui l'oquiaxac, qalaxayi qaltaq ÿi'iguelaxalec da nca'aleec, qalaxayi saq cha'a.

1 Juan 2:28

Qaq ÿoqo'oyi qami' ÿalqolqa, nachi 'eetai' qome da qan'ayiitau'a so Cristo, yaqto' ÿataqta huo'o qome da qadpe'e qom ivita da nachaxan somayi, qaq sa ishit da huo'o ca qad'aloxo qom ivita da ñi'iguelaq.

1 Juan 3:21

Ÿoqo'oyi qami' ÿaqaÿadolqa, da qadquiyaqteÿaxac da huo'otaq sa ishit da huo'o ca qadasouaxashit naq'en, nachi ÿataqta sa ishit da ñi'aloxonaqto'ot ñi Dios.