Efesios 3:1 - Nuevo Testamento Toba Sur

¹ Qaq aÿim Pablo, 'eda da huo'o mshi aÿim ñoqouagaxaueetac. Qaq aÿim qaicoñittai' souaxat da sasoilec so Cristo Jesús, qalaxayi damayi naigui da yaqto' qauaÿamqaiñi qami' mayi sa ishit da qami' judío lashi'.

Nuevo Testamento Toba Sombrero Negro

¹ Jayem Pablo jo'ne jayem necoñetaejec jouaĝat da'me je'etetac da'me Jesucristo en 'yonatac da'me en jayem anapaĝaguenoqo't, da'me ami jo'ne ja ami 'te judiopi.

La'aqtaqa Ñim Lo'onatac 'Enauacna 2013

¹ Aỹem Pablo, aỹem qaicoñettai' cha'aye sasoilec da so'onataxaatacot So Jesucristo qataq so'onataxaatac da yaqto' qauaỹamaqaiñi qami' maye saishet da qami' judiopi.

Efesios 3:1 Iomraidhean Croise

Lucas 21:12

Qaq qom saxanaxa da yi'oq 'enauac de'eda, nachi qami' qaÿaconeu'alo qome, qataq qami' qaicaata'pe. Ime, qaq qami' qaÿauegueu'alo ana laponaxaquipi na judiopi, da yaqto' qami' qanmi't. Ime, qaq qami' qaicoñi't, qataq qami' qaÿauegueu'alo na nta'alpi qataq nam ltauapi, souaxat da i'enaxat qauasoviilec.

Hechos 21:33

Nachi so huataxanaq lta'a nqochineuo, nachi ÿaconeu'a so Pablo, nachi damaxasoxoolec da qaicoñida'aque naua lhua'q soua lque'te. Qaq co'ollaq ime, nachi dechimaqtaxaatapeguelec somayi qataq chaq negue't cam i'ot.

Hechos 23:18

Nachi se'eso ltaua so nta'a ÿauegueu'a somayi so nta'a, nachi da'aqtaxanem, 'eeta': –Ñim Pablo mayi ncoñitaguishic, ñimayi aÿim iÿaxana, nachi aÿim 'enapega da yaqto' 'am ñauegueu'a ne'ena nsoq, cha'ayi huo'o cam l'aqtaxanaxac da 'am da'aqtaxanem.

Hechos 26:29

Nachi so Pablo 'enapeco': –Nai'ctoxo' da huac da 'au'amqajnataxan, huo'otaq saxanaxa, qalaxayi ñishitaique da ñi Dios saq'amta naq'en, nataq'en 'enauac nam aÿim n'axaÿaxaatega nagui, ishit da ivida'a da 'eeta'am aÿim, qalaxayi sa ishit qome da aÿim qoñiita'am da aÿim qaicoñittai'.

Hechos 9:15

Qalaxayi so qadataxala' 'enapego' somayi, 'eeta': –'Aue, 'anqo'ona, cha'ayi aÿim llica'aguishic ñi'iñi shiÿaxaua, da yaqto' aÿim i'axat, aÿim i'axatem 'enauac na ÿotta'a't shiÿaxauapi, qataq na lta'alpi namayipi, nataq'en nam llalaqpi so Israel.

2 Corintios 1:6

Qaq ÿoqo'oyi da qomi' huo'o da qanque'ejnaxac, qalaq naigui da qami' qai'añaqchi't qataq qami' qanca'alaxatreec. Qaq da ñi Dios qomi' i'añaqchi't, nachi nataq'en da qoñiita qami' qai'añaqchi't, qataq qami' qanca'alaxatreec, yaqto' ishit da qanaloita'aguet da qan'añaxachiiguet de'eda que'ejnaxac mayi qomi' ñique'etaxanaqtapigui.

2 Corintios 10:1

Aÿim Pablo, qami' ñachoxodeetoto, souaxat da huesottac lsoxosoxonaxac so Cristo qataq da lsoxoyic. Aÿim mayi qoÿiitegacnaxa da qaica ca i'amaqchic da qami' sootaiguilo, qalaxayi naxa da sa ishit da qami' sootaiguilo, qalaq ÿataqta saq llivigui yi iuel.

2 Corintios 11:23

¿Namayipi peta'a l-latacpi so Cristo? Qaq nataq'en aÿim ÿacteec da ñapactelec namayipi, qaq nai'ctaxa da 'ico' huo'o da ñi'onataxac da shinapec de'eda. Qalaxayi aÿim ÿacteec da i'onataxanaxac, saq 'en'am namayipi. Ÿacteec da ñiuaxanaguec, qataq ÿacteec da ñicoñitaguec. Qalota da sootaigui da lchic da ñalaataguec.

Gálatas 5:11

Qaq aÿim, qami' ÿaqaÿa't, da huo'otaq ñaq saqattega da qaÿauo'o ca n'anaxat ca shiÿaxaua, qaq na judiopi sa ishíttaxa da aÿim icaatac. Cha'ayi da nachi 'eetec de'eda, nchi n'aqtaguec da l-leuaxa so Cristo co'ollaq qaiuaxaneuo, damayi sa ishit da huo'otaq inogoqchit namayipi.

Gálatas 5:2

Nagui aÿim qan'axaÿaxañiÿa. Aÿim Pablo, qami' shinapegalo da huo'otaq qanañañiiguet da qaÿauo'o ca n'anaxat na l'oc ñi 'oonolec da qoñiita, nachi so Cristo ÿataqta qaica ca naigui qanqashiñi.

Gálatas 5:24

Qataq ca shiÿaxaua mashi sogote da lalamaxat so Cristo, nachi camayi 'eeta'am da sogote da qaiuaxaneuo da l'oquiaxac, lÿatchiguem 'enauac na lqopitaxanaqtaic qataq nam 'eetapeguecpi.

Efesios 3:11

Qaq de'eda i'ot ñi Dios, damayi nateeteguet da nal'ena lhuennataxa co'olloxochiyi mayi ÿachigoxotchigui naq'en so qadataxala' Jesucristo da i'ot.

Efesios 3:13

Qaq ÿoqo'oyi aÿim qami' saqatalo da sa ishit da qanlaviitapiguiñi, souaxat da aÿim huo'o da ñique'ejnaxac souaxat da qoñiita, cha'ayi damayi naigui da yaqto' qami' ÿi'oxoda'q.

Efesios 3:8

Cha'ayi aÿim ÿataqta qaica ca i'amaqchic, sa ishit da shin'am ca ÿapacteec qaica ca l'amaqchic na lalamaxatpi ñi Dios. Qalaxayi ñimayi aÿim ÿanagui de'eda ñi'achiquiaxac da yaqto' sa'axatem nam sa ishit da judío l'ecpi da no'on qad'axaÿaxac mayi i'axat dam sa ishit da qanaloqten lsallaxa so Cristo.

Efesios 4:1

Qaq ÿoqo'oyi aÿim, mayi aÿim qaicoñittai' souaxat da sasoilec so Cristo, nagui qami' ñachoxodeetoiguilo da ÿataqta qoquiitegue qome da lataxac cam iÿaxana ñi Dios, da 'eeta'am nataq'en da qoñiita.

Efesios 6:20

Cha'ayi ñi Dios aÿim namaq da aÿim l'aqtaxanaxanec, da sa'axat de'eda n'aqtac. Qaq nachida da huo'o mshi aÿim qaicoñittai' nagui. Qaq ÿoqo'oyi qanqouagaxauñiitac qome, yaqto' da aÿim sa'axat de'eda n'aqtac, qalaq sa ishit da shi'itac.

Filipenses 1:7

Qaq damayi sela'a da nachi lataxac da aÿim seuennatapega 'enauac da qoñiita, cha'ayi aÿim ÿataqta qami' sauoteque, qataq cha'ayi qanhuañiÿau'a da lqouagaxanaqtaic ñi Dios, nai'ctaxa da huo'otaq aÿim qaicoñittai', huo'otaq da aÿim ñachaateu'a na nta'alpi da setaqlec da n'aqtac mayi chigaqaigui da nca'alaxa, da sa'axat da ÿataqta 'eesa damayi.

Colosenses 1:24

Qaq nagui aÿim ÿataqta samachiguiñi, cha'ayi huo'o da ñique'ejnaxac souaxat da qoñiita. Cha'ayi de'eda nque'ejnaxac da ÿalamaxat i'oquiaxac, damayi naigui da yaqto' nalochiguiñi naq'en na nque'ejnaxacpi so Cristo souaxat na 'amqajnataxanaxaicpi mayi nachina na 'ico' l'oquiaxac somayi.

Colosenses 4:18

Qaq aÿim Pablo maichi semapegue' da shiyiñi da iquinaxanaxac da qami' samaxalo. Qaq qauennachiÿa'a qome da aÿim qaicoñittai'. Qaq ñi Dios qami' ÿanema qome ca qanchoxonnataguiiqui. Aja', nachi 'eetec.

Colosenses 4:3

Qataq nataq'en qomi' qanqouagaxauñiitalguete qome, yaqto' ñi qadataxala' Dios qomi' ÿanema ca qaddaqa' sa sa'axataq da n'aqtac qataq dam sa ishit co'ollaxa da qaÿaÿaten n'aqtaguec so Cristo, cha'ayi nachida da huo'o mshi aÿim qaicoñittai'.

2 Timoteo 1:16

Qaq ñi Dios talec qome naq'en da lchoxonnataxanaxa na lauo' l'ecpi so Onesíforo, cha'ayi somayi saqalota da aÿim i'añaqchit, qataq sa ishit da ncoxolec da aÿim ncoñitaguishic.

2 Timoteo 1:8

Ÿoqo'oyi sa ishito' da 'ancoxolec da 'au'axateec so qadataxala' Jesús. Nataq'en sa ishito' da huo'o da 'adcoxo, souaxat da aÿim qaicoñittai', sasoilec somayi. Chaqdato' da 'anhuanau'a de'eda que'ejnaxac souaxat da n'aqtac mayi chigaqaigui da nca'alaxa, qaq ñi Dios 'am itaunec qome da 'ad'añaxac.

Filemón 1:1

Aÿim Pablo, aÿim qaicoñittai' souaxat da sasoilec so Cristo Jesús. Aÿim qataq ñi Timoteo 'am samaxa ana ÿide, 'am qanauochaxaua qadqaÿa Filemón mayi 'am qad'onataxanaxaua,

Filemón 1:23

Qaq 'am ÿamaxa da lquinaxanaxac ñi Epafras, ñim ñicoñitaxaua souaxat da sasouaxalec so Cristo Jesús,

Filemón 1:9

qalaxayi aÿim sepacapegue' da 'am ñachoxodeetot, souaxat da nsoxoyic. Aÿim Pablo nagui mashi aÿim ÿi'axaiqui qataq aÿim qaicoñittai', souaxat da sasoilec so Cristo Jesús,

Apocalipsis 2:10

Qaq sa ishit qome da 'ayi'iÿa cam 'anque'ejnaxac. Cha'ayi so shiÿaxaua lma'na huo'o qome ca ÿamaxaigui añi ncoñitaxanaxaqui da qoñiita, da yaqto' 'enauac da qoñiita qaÿauo'o ca qañi'iguenaguiiqui. Nachi ÿataqta huo'o ca qanque'ejnaxaqui, ivittreec caua diez na'axa'te. Qalaxayi qoquiitot da qadpi'iÿaxaqui, chochi ivitta'a da qami' qadellivi. Nachi aÿim qami' sanema da achaalataxac, 'eeta'am aca qanshiitenaqchi.