Efesios 2:9 - Nuevo Testamento Toba Sur

⁹ Qaq damayi sa ishit da chigoqchigui ca ÿaÿamaqchiguiñi i'ottac ca shiÿaxaua, yaqto' sa ishit da huo'o ca n'amqajñigui.

Nuevo Testamento Toba Sombrero Negro

⁹ Da'me nec'alaĝa jo'ne ami uetauelo ja chiyaqayi joga'me a'vichetac; ja naq'aeta, chane'eja ena'te ta'le yataqata ani'yoĝodeñila't.

La'aqtaqa Ñim Lo'onatac 'Enauacna 2013

⁹ Qaq damaye saishet da chegoqchigui ca ỹaỹamaqchiguiñi ỹo'ottac ca shiỹaxaua, yaqto' saishet da huo'o ca na'amqangui damaye.

Efesios 2:9 Iomraidhean Croise

Romanos 11:6

Qaq ÿoqo'oyi da huo'otaq nachida da lqouagaxanaqtaic ñi Dios da chigoqchigui namayipi, nachi sa ishit qone' da ñi 'oonolec maichi chigoqchigui cam l'onataxanaxac. Cha'ayi da huo'otaq nachi 'eetec de'eda, nachi da lqouagaxanaqtaic ñi Dios sa ishit qone' da nqouagaxanaqtaic.

Romanos 3:20

Cha'ayi qaica ca ishit da ÿaÿamaxadeeta ñi Dios souaxat da i'ottac nam damaxasoxoolec na nqataxacpi, cha'ayi ne'ena nqataxacpi, namayipi chaqdata da i'ot da qomi' ÿaÿajnaxanaxanque da qomi' huo'o cam qadasouaxashit.

Romanos 4:2

Yi somayi da huo'otaq ÿaÿamaxadeeta ñi Dios, souaxat cam l'onataxanaxac, nachi somayi ishíttaxa da huo'o da n'amqajnaxac, qalaxayi sa ishit da n'amaqteeto'ot ñi Dios.

Romanos 9:11

Cha'ayi soomayi co'ollaq saxanaxa da ñiyiñi, qataq saxanaxa da huo'otaq huo'o ca i'ot ca no'on huo'otaq ca qauem, qalaq ñi Dios 'enapega aso Rebeca, 'eeta': “Yim ÿi yiua 'ai'alqa, nachiyi qome yi l-latac yim n'asa.” Qaq damayi nateeteguet da 'enapec naua ñiyigui'shi l'aqtaqa ñi Dios mayi 'eeta': “Ÿauotaxat so Jacob, qaq so Esaú qalaxayi sa ishit.” Huaña, nachi ÿoqta yi'oqteec da 'eetec ñi Dios da maichi lca'ateu'a cam tajlec yi lavilÿaxac da iÿaxana, qaq sa ishit da ilotagui ca 'eetec ca i'ottac.

Romanos 9:16

Qaq ÿoqo'oyi sa ishit qone' da chigoqchigui ca maichi 'eetapeguec qataq ca l'añaxac ca shiÿaxaua, cha'ayi nachaqcata cam maichi chigoqchigui da nqouaguec ñi Dios.

2 Timoteo 1:9

Ñim Dios mayi qomi' nca'alaxatreec, qataq iÿaxana da qanachaalataxac da yaqto' sanqot. Qaq de'eda qomi' i'oteque, damayi nachi 'eetai' da lhuennataxa. Sa ishit da huo'otaq chochi nqopita'a ca qadataxac no'on. Mayi souaxat da qomi' ÿauoteque, cha'ayi mashi ñi'adaqtau'a so Cristo Jesús. Qataq nal'eno' da qomi' ÿauoteque co'ollaq saxanaqaca ana 'alhua.