Efesios 2:6 - Nuevo Testamento Toba Sur

⁶ Ñi Dios nataq'en qadÿatchiguem naq'en so Cristo Jesús co'ollaq nca'alaxateeguesop naq'en somayi da nleuaxa. Ime, nachi qomi' nso'onaxana'ai'salo naq'en somayi da piguem.

Nuevo Testamento Toba Sombrero Negro

⁶ Ca'li ñe'me Dios nec'alaĝachijeguem joñe'me Jesucristo, qama'le ena'am da'me qo'mi nec'alaĝachidijeguem, chayovida'a da'me ya'uo jodi'me qat'achaqa' jo'ne na'ague di'me piyem, qaedi naqaeñe jonaqa'tajop jo' qomle.

La'aqtaqa Ñim Lo'onatac 'Enauacna 2013

⁶ Ñim Lo'onatac 'Enauacna co'ollaq nca'alaxateeguesop da nleuaxa So Cristo Jesús, nache nataqa'en qomi' nca'alaxatre'c, nache qomi' nso'onaxana'ai'salo naqa'en Somaye.

Efesios 2:6 Iomraidhean Croise

Mateo 26:29

Qalaxayi aÿim qami' shinapegalo da nagui nachi sa lÿa da shi'iguelaxalec da ñiÿomgui ne'ena lli'i ana uvas, to' qom mashi ivita ca na'a'q da qaltaq qami' ñiÿoma'ato, qom sootaigui ca l'onataxanaxac ñi ita'a da ilo'ogue 'enauacna.

Lucas 12:37

Ÿataqta huo'o qome da lamaxayic ca nlatacpi qom huo'otaq ca n'aco' ilalec camayipi da nlotauec qom ivita da nvi'. Qaq aÿim shinapec da que'eca 'aco' ishit da maichi huapegue' qome da nso'onaxanaxaañi camayipi da ÿataxaalec ca nqui'axala', ime, qaq nÿoxoshiguem ca nallic.

Juan 12:26

Qaq da huo'o ca nshitaique da aÿim do'onataxanot, qaq no'on da aÿim quegue, nachi ca aÿim soota'ague, nachi camayi nataq'en hueta'a. Da huo'o ca aÿim do'onataxanot, nachi ñi ita'a camayi ÿi'oxoden.

Juan 14:3

Qaq qom mashi ime da ashic da saqataxanai' ca qadmayi, nachi qaltaq ñi'iguelaq da qami' saue'c, yaqto' qami' nachi 'eetai' da aÿim qoviita'aguet que'eca soota'a.

Efesios 1:1

Aÿim Pablo, da ñamaxasaguec chigoqtot ñi Dios da ÿauo'o aÿim lamaxashic naq'en so Jesucristo. Qaq qami' samaxalo ana ÿide, qami' mayi qami' lalamqa'te ñi Dios qataq qau'amaqchiñiitac so Cristo Jesús, mayi qoñiitaña na la ciudad Éfeso.

Efesios 1:3

Shi'oxodenaq ñi Dios ñim lta'a so qadataxala' Jesucristo, cha'ayi nagui da ñi'adaqtau'a so Cristo, nachi ñimayi qomi' ÿanema na ÿotta'a't lqouagaxanaqtaiguesat mayi chigoqo'ot na piguem.

Efesios 2:10

Cha'ayi ñi Dios qomi' l'onataqa, qataq qomi' nañaxateu'alo naq'en so Cristo Jesús, cha'ayi nshitaique da so'otaq ca ÿaÿamaqchiguiñi. Qaq damayi nal'eno' da lapaqtapiguiñi da ÿauotaique qoyiquiaxac.

Efesios 2:13

Qalaxayi nagui da qan'ayiitau'a so Cristo Jesús, nachi qami' mayi ÿataqta qami' qaÿoqtalo co'ollaxa, qalaq nagui ÿataqta qami' sa qaÿapigui, souaxat da l-leuaxa so Cristo.

Colosenses 1:18

Qataq so Cristo nachiso so lqaic da n'oquiaxac mayi nachina na 'amqajnataxanaxaicpi. Somayi nachiso so ÿanem da lca'alaxa de'eda n'oquiaxac. Somayi l'auaxanec da qanca'alaxateeguesop na leuaxaicpi, da yaqto' somayi nachisota 'oonolec nataxala'.