Efesios 2:12 - Nuevo Testamento Toba Sur

¹² Nachi qami' co'ollaxa sa ishit da qauauattoñi so Cristo, qataq sa ishit da qanqachiu'a na llalaqpi so Israel, qataq sa ishit da qauaÿajñi nam aÿamaxataxacpi qataq dam ÿachaxanapec ñi Dios co'olloxochiyi. Qaq chochi qoviitalec ana 'alhua, qaica ca qanaquitaxaqui qataq sa ishit da qauauattoñi ñi Dios.

Nuevo Testamento Toba Sombrero Negro

¹² da'me ja ami 'te judiopi jo'ne ja auatetoñi ca'li joñe'me Cristo, ja ovitaue jogaa'me lec'oqo'tepi joñe'me, qama'le ja ovitauelo naa'me lamaĝajoĝonaĝaco uotaĝa ga'me leyalaqataĝanaĝac joñe'me Dios, ca'li yanema jogaa'me lec'oqo'tepi. Chane'eja temaq'aen ami uo'oe ca'li, qalaĝaja ja auatetoñi joñe'me Dios nataq'aen yataqata qaya'te adajoĝonataĝanaĝaqui.

Efesios 2:12 Iomraidhean Croise

Lucas 1:72

nataq'en da ÿataqta huo'o da lchoxonnataxanaxa som hua'au qadta'alpi, qataq da sa ishit da icoua'ai dam naÿamaxataxac mayi ÿanem somayipi.

Juan 10:16

Qaq huo'o nataq'en anam ilo qaguetapi mayi sa ishit da ÿalectaigui anam netaigui añi laÿi' ana qaguetapi. Qaq anamayipi iuen nataq'en da ñauegueuo. Qaq anamayipi qome ÿataqta aÿim ÿalaxaguet, huaña, qa nachi ishit da 'oonole aca nhuataguishipi qagueta, qataq 'oonolec cam nhuataxaua.

Juan 15:5

Qaq aÿim mayi shiita'am aca nanguishi, qaq qami' nachiqami' icoue. Qaq cam nachi 'eetai' da aÿim n'attau'a qataq ñi'atta'ai', nachi camayi ÿataqta qalota da alaÿaxac, cha'ayi qami' sa ishit da huo'o ca qoñiic da huo'otaq sa ishit da aÿim qan'ayiitau'a.

Juan 4:22

Qami' Samaria lashi', qami' sa ishit da qauaÿajñi cam qanatamñiitacot. Qomi', qalaxayi ÿataqta saÿajnaqta ñim ñatamnaqtacot. Cha'ayi da nca'alaxa, damayi chigoqtoigui na judiopi.

Hechos 2:39

Cha'ayi de'eda qaÿachaxanapec co'ollaxa, damayi qadalamaxachi nataq'en nam qai'alquiipi qataq 'enauac na ÿaqauga shiÿaxauapi laÿipi. Cha'ayi damayi qaÿauotaique da taÿot 'enauac nam iÿaxaneuga ñim qadta'a Dios mayi qadataxala'.

Hechos 28:20

Qaq nachida da huo'o mshi qami' seÿaxaneugalo, da yaqto' qami' ñauaneto, qataq qami' setaxaÿapegueto. Cha'ayi nachida dam 'enauac qanaquitaxac qomi' Israel l'ecpi, da huo'o mshi aÿim qaicoñitta'aque ne'enaua ique'te.

Hechos 3:25

Qaq de'eda ÿachaxanapec co'ollaxa ñi Dios da ÿan, mayi i'aqtaxanaxanec so l'aqtaxanaxanecpi, damayi qadalamaxachi. Qataq ñimayi i'ot da ÿauotaique qadaÿamqai co'ollaq naÿamaxate' som hua'au qadta'alpi, nachi 'enapega so Abraham, 'eeta': “'Enauac qome na ÿotta'a't shiÿaxauapi mayi huetalec ana 'alhua huo'o da nqouagaxa, ÿachigoxotchigui cam 'ai'alaqpi.”

Romanos 9:8

Qaq 'eda da huo'o mshi qomi' saÿajnaq da qaica ca ishit da llalec ñi Dios, souaxat da maichi nhuo' l'ec. Cha'ayi nachaqcata cam chigoqchigui da ÿachaxanapec co'ollaxa ñi Dios, qaq 'ica mayi ÿoqta 'eesa da qaÿamata'ac da llalaqpi ñi Dios.

Gálatas 4:8

Qami' co'ollaq saxanaxa da qauauattoñi ñi Dios, qalaq qami' lcoñitagui'shi nam saq cha'api qanatameetacotpi mayi saq 'en.

Efesios 2:19

Qaq ÿoqo'oyi qami' sa ishit da 'ico' ÿaqa'a ca qauachigoqÿa'ague da qoñiitalec ca 'alhua mayi sa qadalamaxachi. Cha'ayi ÿataqta qami' lmayi'shi 'enauac nam lalamaxatpi ñi Dios, qataq ÿataqta qami' lauo' lashi' na llalaqpi ñimayi.

Efesios 4:18

qataq da lauattonaxanaxac 'ico' huetaigui na napalaxa. Namayipi sa ishit da hueto'ot da achaalataxac mayi chigoqo'ot ñi Dios, cha'ayi qaica ca ÿaÿajnapec, souaxat da ÿataqta qadamchiguilo naua lquiyaqte.

Colosenses 1:21

Qaq qami' co'ollaxa 'eeta'am da ÿaqa'a ca qauachigoqÿa'ague qataq ÿataqta npa'aguene' ñi Dios da qadquiyaqteÿaxaqui, souaxat nam qau'ochiitac sa ÿaÿamaxañisat. Qalaxayi nagui ñi Dios qaltaq qami' nmaneto,

Colosenses 1:27

Qaq ñimayi ÿauotaique da ÿaÿajnaxanaxanec namayipi dam lsallaxa mayi huo'o da lli'oxoyic da ÿauotaique ÿami' na sa ishit da judiopi. De'eda n'aqtaxanaxac 'eeta': So Cristo qami' hueta'agueta, qataq somayi nachiso so i'ot da qanaquitaxaqui, yaqto' qauacoñiiguet qominchiyi ca ñi'oxoyic.

Colosenses 1:5

souaxat da qanaquitaxaqui cam ÿaqataxaatapigui' da qami' ÿanema ñi Dios qom qoviita'ague da piguem. Qaq qami' qauacoñiiguet de'eda aquitaxac co'ollaq qan'axaÿaxañiÿa dam n'aqtac mayi 'eesa, dam no'on qad'axaÿaxac mayi chigaqaigui da nca'alaxa.

1 Ts 4:13

Qami' qadqaÿa't, sa saÿamaxadenaq da sa qauaÿajñi ca lliquiaxac na mashi qanmataxanaxaneec, yaqto' sa ishit da huo'o ca daquicota, i'enaxattapeguem ca saxanaxa da da'amqajnataxan mayi saqca ca naquitaxac.

1 Ts 4:5

Sa ishit da chochi quetapegueu'a da i'en aca 'alo, i'enaxattapeguem nam shiÿaxauapi mayi saxanaxa da ÿauatton ñi Dios.

2 Ts 2:16

Qaq ñim qadataxala' Jesucristo qataq ñi qadta'a Dios ñim qouagaxanaqtaqaic mayi qomi' ÿauoteque, qataq qomi' ÿanema da qad'añaxac chochi tateec, qataq da ÿaÿamaqchiguiñi qanaquitaxac,

1 Timoteo 1:1

Aÿim Pablo, aÿim lamaxashic so Jesucristo. Qaq de'eda ñamaxasaguec chigoqtot ñi Dios mayi qadca'alaxaqui, nataq'en so qadataxala' Jesucristo mayi ÿataqta qadpe'et.

Hebreos 11:34

qataq da qaÿalamat na lta'adaic nodec, qataq da nañitaguec da huotaique da qaÿalauat. Qataq nam qaica ca l'añaxacpi, qalaq ivida'a da ÿataqta 'añaxaicpi da huo'o na alaataxac, nachi ishit da loxonec nam npa'aguenaxauapi.

Hebreos 6:18

Qaq 'eda da 'eetec da huo'oi naua dos mayi sa ishit da qanqochinaxa't, nam huo'o mshi sa ishit da datenataxan ñi Dios, qaq nachinaua naua ÿachigoxotchiguilo ñi Dios da qomi' ÿanema da qad'añaxac, qomi' mayi shi'iguenqot ñimayi qataq sa'amaqtenaq dam aquitaxac mayi qomi' ÿanema.

Hebreos 8:6

Qaq se'eso 'oonolec qadtaxaÿaxanaxanec, qalaq somayi da l'onataxanaxac da ntaxaÿaxanaxanec ÿataqta ÿacteec da 'onaxaic, qaq saq 'en'am so hua'auchiguiñi. Cha'ayi somayi nachiso so qomi' detaqleguete nagui de'eda dalaxaic aÿamaxataxac mayi ÿataqta 'onaxaic, dam chigoqchigui nam qaÿachaxanapecpi mayi ÿacteec da no'on.

1 Pedro 1:21

Qaq chigoqchigui so Cristo da huo'o mshi qami' qau'amaqchiñi ñi Dios, ñim qaltaq nca'alaxateeguesop somayi da nleuaxa qataq ÿanem da lli'oxoyic, ÿoqo'oyi qami' qaupi'iÿa'ai qataq qanaquichiÿa'a ñimayi.

1 Pedro 1:3

Ÿataqta shi'oxodenaq qome ñi qadta'a Dios ñim lta'a so qadataxala' Jesucristo. Cha'ayi ñimayi ÿachigoxotchigui dam lta'adaic lchoxonnataxanaxa da qaltaq qomi' nañaxa't naq'en, ÿachigoxotchigui so Jesucristo co'ollaq nca'aleeguesop naq'en da nleuaxa. Qaq 'eda da chochaq tateec naq'en da qanaquitaxac,

1 Pedro 3:15

Chaqdata da ÿi'oxoden da qadquiyaqteÿaxaqui so Cristo som qadataxala'ai. Qataq qami' lhuotte' da qau'aqtaxañiim 'enauac cam ichimaxattega da qadpi'iÿaxaqui, qalaxayi sa ishit da qami' napagaqnaxaiqa, qataq huo'o naq 'enec qanqashiñi que'eca shiÿaxaua.

1 Juan 3:3

Qaq 'enauac nam huo'o da lpe'e somayi, namayipi ÿataqta nqui'itaxatta, 'eeta'am da 'eetec so Jesucristo da ÿataqta qui'itta.