Efesios 2:11 - Nuevo Testamento Toba Sur

¹¹ Qaq ÿoqo'oyi qami' qauennachi co'ollaxa da 'eetec da qadataxaqui, da sa ishit da qami' lauo' lashi' na judiopi. Qaq ÿoqo'oyi nam judiopi mayi ÿauo'o ca n'anaxat naq'en na l'oc na llalaqpi, nachi ÿauo'o da l'enaxat, 'eeta': huo'o n'anaxashit. Nachi namayipi qami' ÿamata'aque qaica n'anaxashit.

Nuevo Testamento Toba Sombrero Negro

¹¹ Joga'me judiopi, jo'ne eetapela't lec'oqo'tepi joñe'me Dios yajouaĝat da'me joote qoye'teque ga'me nichaĝajoĝonaĝac, nach'egaua ami ee'teque da'me ami yoda'alo yajouaĝat da'me qaya'te 'nanec da'me ami. Chane'eja anetoviñetac da'me eeta ca'li,

La'aqtaqa Ñim Lo'onatac 'Enauacna 2013

^11-12 Nam judiopi da qami' iỹaxanalo qalaq, 'eeta': «Nam qaica ca na'anaxashet», qaq namayepi nloola't, 'eeta': «Nam huo'o na na'anaxashet», cha'aye namayepi ỹo'ot na la'anaxat na lo'oc. Qami' saishet da qami' judío lashe', ỹoqo'oye iuen da qauennachiỹa'a co'ollaq saxanaxa da qauacoñiiguet So Cristo qataq saishet da qaualliquiitaigui na Israel le'ecpi. Qataq saishet da qaualliquiiua'a da naỹamaxataxac qataq na ỹachaxanapec Ñim Lo'onatac 'Enauacna maye ỹo'otec na lalamaxatpi. Qataq qoviitalec co'ollaxa ana 'alhua qaica ca qanaquitaxaqui qataq saishet da qauauattoñi Ñim Lo'onatac 'Enauacna.

Efesios 2:11 Iomraidhean Croise

Mateo 20:7

Nachi somayipi 'enapeco': “Cha'ayi qaica ca qomi' i'onataxanaxa'n ÿoqo'oyi.” Nachi se'eso 'aco' 'enapeco': “Qami' nataq'en qanqo'oñiuga qome yi ÿanaxanqa' da qauqataxañi. Aÿim ÿataqta sepagaqchiichigui qome aca lashiue ca qad'onataxanaxaqui.”

Romanos 11:17

Qaq huo'o nam judiopi nam lcoue asa'aso nanguishi l'enaxat olivo nam qaiquesoxouec. Qaq som chigoqchiguiña, nachi nañaxateu'a qanqoÿin 'am mayi qoneta'am aca lcoue aca olivo mayi saq nanguishi. Huaña, nachi 'am ishit da 'anhuanau'a so lpa'a'q qataq da lca'alaxa asom olivo.

Romanos 2:26

Qaq cam sa ishit da qaÿauo'o ca n'anaxat na l'oc, da huo'otaq i'ot 'enauac nam damaxasoxoolec na nqataxacpi, nachi camayi ñi Dios 'eeta'am naq'en cam huo'o ca n'anaxat, qaq nai'ctaxa da sa ishit da huo'o ca n'anaxat.

Romanos 2:27

Qaq que'eca sa ishit da huo'o ca n'anaxat na l'oc, qalaxayi ÿataqta ÿalaxaguet cam 'enapec na nqataxacpi, nachi camayi i'ot qome da 'am qaÿauo'o ca 'anhuaxanaguec, souaxat da sa ishit da 'aualaq, qamaq 'am hueto'ot na nqataxacpi, qataq da qaÿauo'o ca 'an'anaxat.

1 Corintios 12:2

Qami' qauaÿajñiita da co'ollaq saxanaxa da qau'amqajnataxañi, qaq qami' qaisomaxaata'pe da qoquiitague' na nqolacpi mayi qaicaua caua l'aqtaqa.

1 Corintios 6:11

Qaq huo'o co'ollaxa da qoñiita na 'eeta'am ne'enapi. Qalaxayi mashi qami' qaiqui'itaxatte', qataq mashi qanañañiÿot ñi Dios, qataq ñimayi mashi qami' ÿaÿamaxadeete'. Qaq 'enauac de'eda chigoqchigui so qadataxala' Jesús qataq so Espíritu mayi chigoqo'ot ñi qadta'a Dios.

Gálatas 2:15

Qomi' na qadta'alpi judío l'ecpi, qaq sa ishit da shinaqta'am nam ÿotta'a't shiÿaxauapi mayi 'itaxaloxoicpi.

Gálatas 6:12

Nam shiÿaxauapi mayi qami' ÿileeta'pe da yaqto' qami' ishit da qaÿauo'o ca qan'anaxachi, namayipi 'eetec de'eda, cha'ayi chochi nshitaique da qaica ca da naq'en na shiÿaxauapi, da yaqto' sa ishit da qaicanapec souaxat so Cristo co'ollaq qaiuaxanguet so npe'enaxaqui.

Efesios 2:2

mayi qoviitaigui, qataq souaxat da qoquiitague' da lataxac nam i'ottac na 'onataxacpi mayi huetalec ana 'alhua qataq qau'ochiitac na 'eetapegueguesat som saq cha'a damaxasoxonapec mayi lma'na, som i'añaqchittac nam sa ishit da ÿalaxaguet ñi Dios.

Efesios 5:8

Cha'ayi qami' co'ollaxa qoviitaigui na 'ico' napalaxa, qalaxayi nagui da qami' qan'ayiitau'a so qadataxala', nachi qoviitaigui na yi'oqchiguiñi. Qaq ÿoqo'oyi qami' qau'enaxachiichigui qome ca shiÿaxaua mayi huetaigui na yi'oqchiguiñi.

Filipenses 3:3

Cha'ayi nam qaÿauo'o n'anaxashit na l'oc mayi ÿataqta 'eesa, nachiqomi' mayi chigoqchigui so Espíritu Santo da ñatamnaqtacot ñi Dios, qataq ÿataqta ñitonaqtapigui' souaxat da qomi' lalamqa'te so Cristo Jesús. Qataq sa ishit da chochi sepi'aqtega cam chochi yi'oqchigui.

Colosenses 1:21

Qaq qami' co'ollaxa 'eeta'am da ÿaqa'a ca qauachigoqÿa'ague qataq ÿataqta npa'aguene' ñi Dios da qadquiyaqteÿaxaqui, souaxat nam qau'ochiitac sa ÿaÿamaxañisat. Qalaxayi nagui ñi Dios qaltaq qami' nmaneto,

Colosenses 2:11

Qaq nataq'en nagui qami', da qan'ayiitau'a so Cristo, nachi qaÿauo'o ca qan'anaxachi. Qalaxayi sa ishit da nachida da yi'oqchigui qai'an da n'oquiaxac; mayi nachida da qadca'alqai co'ollaq qami' qanca'alaxateeguesopa da n'onataxac da qadapachiyaxaqui. Qaq 'eda da n'anaxanaxac mayi chigoqo'ot so Cristo.

Colosenses 2:13

Cha'ayi qami' co'ollaxa soua ÿoxoguelo vi'iyi, qalaq 'eeta'am da qami' leuaxaiqa, souaxat na qadasouaxashichi, qataq souaxat da sa ishit da qaÿauo'o ca qan'anaxachi. Qalaxayi nagui ñi Dios qami' ÿanema da qadca'alaxauai naq'en so Cristo, qaq nachi ÿapalaxat 'enauac na qadasouaxashichi.

Colosenses 3:11

Qaq damayi sa ishit da huo'otaq nachida da yi'oqchigui da judío l'ec ca shiÿaxaua huo'otaq da sa ishit da judío l'ec, huo'otaq ca huo'o ca n'anaxat na l'oc huo'otaq ca qaica ca n'anaxat, qataq ca ÿaqa'a ca chigaqa'ague, huo'otaq nam sa naÿamaxatapec, huo'otaq ca nlatac huo'otaq ca sa nlatac. Cha'ayi so Cristo nachisota 'oonolec, imata 'enauac na shiÿaxauapi.