Efesios 1:3 - Nuevo Testamento Toba Sur

³ Shi'oxodenaq ñi Dios ñim lta'a so qadataxala' Jesucristo, cha'ayi nagui da ñi'adaqtau'a so Cristo, nachi ñimayi qomi' ÿanema na ÿotta'a't lqouagaxanaqtaiguesat mayi chigoqo'ot na piguem.

Nuevo Testamento Toba Sombrero Negro

³ Yataqata 'noota ta'le qo'nonaĝachigui joñe'me Dios, jo'ne Let'a joñe'me Qadejaliaĝanec Jesucristo, qa'a qo'mi yichoĝode'n jouaĝat da'me joqo'taqataguet ñe'me Cristo. Chane'eja qo'mi yanema naa'me yodapecache lichoĝodenataĝanaĝaco 'me ja di'yo't, jo'ne chiyoqodaje'ma di'me piyem.

La'aqtaqa Ñim Lo'onatac 'Enauacna 2013

³ Sanqot da qana'achecỹaxac Ñim Lo'onatac 'Enauacna Ñim Lta'a So Qarataxala' Jesucristo, cha'aye nagui da ña'araqtaua'a So Cristo, nache Ñimaye qomi' ỹanema na ỹotta'a't lqouagaxanaqtaiguesat maye chegoqo'ot So Saqcha'a Na'añaxac Qui'itta.

Efesios 1:3 Iomraidhean Croise

Lucas 2:28

nachi so Simeón ÿaconguet so nogotolec da ÿachalguete naua lhua'q. Ime, qaq ÿi'oxodeetac ñi Dios, 'eeta':

Juan 14:20

Nachi que'eca na'a'q ishit qome da qauloÿa'a da aÿim sooto'ot ñi ita'a, qaq qami' nataq'en aÿim qoviita'aguet, nataq'en aÿim qami' soota'agueta.

Juan 17:21

Qataq 'am seÿaxanot, 'am ita'a, da yaqto' 'enauac namayipi ÿataqta n'atta't, da ÿataqta 'oonolec ca lataxac da qomi' n'attau'alo, yaqto' ishit da 'eeta'am da 'am aÿim qoueta'aguet, qataq aÿim 'am soota'aguet. Qataq ñishitaique da namayipi ÿataqta n'atta't, yaqto' nam huetalec ana 'alhua ishit da i'amaqten da aÿim 'adamaxashic.

Juan 20:17

Nachi so Jesús 'enapego' asomayi, 'eeta': –Aÿim 'axaneec qome, cha'ayi aÿim saxanaxa da ñoqo'ongue da neta'ague ñi ita'a. Qalaxayi 'am qome qojec, nachi 'au'aqtaxanem ca ÿaqaÿañicpi da aÿim ñoqo'ongue da neta'ague ñi ita'a, ñim nataq'en qadta'ai, ñim ita'a Dios qataq nataq'en qadta'ai.

Romanos 12:5

Qaq nachi 'eetec nataq'en qomi', nai'ctaxa da ÿataqta qomi' qalota, qalaxayi 'oonolec da qad'oquiaxac da ñi'adaqtau'a so Cristo. Qataq ñi 'oonolec da shinaqta ÿataqta n'atte' ca lÿa, nachi 'eeta'am da 'oonolec da n'oquiaxac.

Romanos 15:6

yaqto' ima 'enauac da qoñiita 'oonolec ca qadvilÿaxaqui da qavi'oxoyiñiitac ñi Dios ñim lta'a so qadataxala' Jesucristo.

1 Corintios 1:30

Qaq ñimayi nalligoxottela't da qan'ayiitau'a naq'en so Cristo Jesús, qataq chigoqchigui naq'en somayi da qadaÿajnec. Qataq chigoqchigui naq'en somayi da qomi' ÿaÿamaxadeete' ñimayi, qataq da qomi' lalamqa'te, qataq da qomi' yica'alaxauec.

1 Corintios 12:12

Cha'ayi so Cristo 'eeta'am da 'oonolec n'oquiaxac mayi saqalota na logoxoshitpi. Qaq ne'ena logoxoshitpi, nai'ctaxa da saqalota, qalaxayi n'atta'a't, 'oonolec da n'oquiaxac.

2 Corintios 1:3

Shi'oxodenaq ñi Dios mayi lta'a so qadataxala' Jesucristo, cha'ayi nachiñi ñi qadta'a mayi qomi' lchoxonnataqa, qataq nachiñi ñi Dios mayi sa i'atai' da qomi' i'añaqchi't.

2 Corintios 11:31

Qaq ñim Dios mayi lta'a so qadataxala' Jesucristo, ñim chochaq tateec da ñi'oxonnataguec, ñimayi ÿaÿateeta da ÿataqta 'eesa de'eda i'aqtac.

2 Corintios 5:17

Qaq ÿoqo'oyi da huo'o ca n'attau'a so Cristo, nachi camayi 'eeta'am ca dalaxaic shiÿaxaua. Qaq 'enauac da toguishic nachaalataxac imeuo, nachi qaltaq jec da dalaxaic nachaalataxac.

2 Corintios 5:21

So Cristo ÿataqta qaica ca lasouaxashit. Qalaxayi souaxat qomi', nachi ñi Dios 'eeta'am naq'en somayi ca 'itaxaloxoic, yaqto' qomi' da mashi ñi'adaqtau'a somayi, nachi saxaigui dam achaalataxac qui'itta mayi ÿaÿamaxadeeta ñi Dios.

Gálatas 3:9

Qaq ÿoqo'oyi cam da'amqajnataxan nachi huo'o da nqouagaxa 'eeta'am so Abraham mayi 'amqajnataxanaxaic.

Efesios 1:10

Qaq de'eda 'eetapeguec ñimayi mayi ÿataqta ipacchigui qom ivita ca laloqo', 'eeta': Ñi Dios nshitaique da 'enauac hueto'ot naq'en da lamaxasoxonaxac so Cristo nam hueto'ot na piguem qataq na huetalec ana 'alhua.

Efesios 1:17

Nachi seÿaxaatacot ñim lta'a Dios so qadataxala' Jesucristo, ñim qadta'a mayi ÿi'oxodaic, da yaqto' qami' ÿanema ca naÿajnec mayi chigoqo'ot so Espíritu, da yaqto' qauaÿachiñi cam qami' ÿaÿajnaxanaxanque ñimayi, qataq yaqto' ÿataqta qauauattoñiita ñimayi.

Efesios 1:20

co'ollaq nca'aleeguesop naq'en da nleuaxa so Cristo. Nachi taigue naq'en da piguem, da yaqto' nso'ongue da aloic ñimayi,

Efesios 2:6

Ñi Dios nataq'en qadÿatchiguem naq'en so Cristo Jesús co'ollaq nca'alaxateeguesop naq'en somayi da nleuaxa. Ime, nachi qomi' nso'onaxana'ai'salo naq'en somayi da piguem.

Efesios 3:10

Qaq qoÿiitec de'eda nagui, yaqto' ishit da chigoqchigui qanqoÿin na 'amqajnataxanaxaicpi da 'enauac nam 'añaxaicpi qataq nam damaxasoxonapecpi mayi hueto'ot na piguem ishit da ÿaÿaten 'enauac na ÿotta'a't laÿajneguesat ñi Dios.

Efesios 6:12

Cha'ayi qomi' sa ishit da huo'otaq seloquiaqtapegue' ca yi'oqchigui qadapachiyaxaua, chaqnata nam n'añaxacpi qauemaicpi saq cha'a mayi hueto'ot na piguem, nam damaxasoxonapecpi, 'añaxaicpi mayi ÿamaqpec nam huetaigui na napalaxa.

Filipenses 2:11

qataq yaqto' 'enauac qai'axat da ÿoqta 'eesa da so Jesucristo nachiso so qadataxala', nachi ÿataqta qaÿi'oxoden ñi qadta'a Dios.

Hebreos 8:5

Qalaxayi ne'ena ntaxaÿaxanaxanecpi de'eda l'onataxanaxac, damayi 'eeta'am da chochi lqui'i qataq lpaqal cam hueta'ague da piguem. Cha'ayi saÿajnaq da chochi n'enaqtac, cha'ayi co'ollaq huotaique da i'ot so Moisés so lauo' ñi Dios, qalaq ñimayi 'enapega somayi 'eeta': “'Aulochigui qome da lataxac qataq 'au'enaxatchigui da n'onataxac so 'am sachaxana co'ollaq huaña añi qasoxonaxa Sinaí.”

Hebreos 9:23

Qaq 'eda da 'eetec da qaiuen da huo'o ca qoÿaneuo da qaÿavigaxat, da yaqto' qaiqui'itaxat na nogoxoshitpi mayi chochi lqui'i cam hueta'ague da piguem. Qalaxayi nam nogoxoshitpi mayi hueta'ague da piguem, namayipi nataq'en iuen da qaÿauo'o ca qoÿan mayi napacalec ne'ena qoÿaatapegueuopi nagui da yaqto' qaÿavigaxat.

1 Pedro 1:3

Ÿataqta shi'oxodenaq qome ñi qadta'a Dios ñim lta'a so qadataxala' Jesucristo. Cha'ayi ñimayi ÿachigoxotchigui dam lta'adaic lchoxonnataxanaxa da qaltaq qomi' nañaxa't naq'en, ÿachigoxotchigui so Jesucristo co'ollaq nca'aleeguesop naq'en da nleuaxa. Qaq 'eda da chochaq tateec naq'en da qanaquitaxac,