Efesios 1:22 - Nuevo Testamento Toba Sur

²² Nachi ipataxalec da ilo'ogue naq'en 'enauacna so Cristo, qataq ÿanem da nachisota 'oonolec lqaic naq'en 'enauac na 'amqajnataxanaxaicpi.

Nuevo Testamento Toba Sombrero Negro

²² Dios joote yanem ñe'me Cristo da'me lañoqotaĝanaĝac qaedi male yataqata nejaliaĝatelo'te yemeda jogaa'me uo'oe, nataq'aen male naqaeñe jo'ne qoyen Lejaliaĝane'j yema jogaa'me Dios lec'oqo'tepi,

La'aqtaqa Ñim Lo'onatac 'Enauacna 2013

²² Nache Ñim Lo'onatac 'Enauacna ipataxalec da ilo'ogue naqa'en 'enauacna So Cristo, qataq ỹanem da nachaqsota 'oonolec lataxala' naqa'en 'enauac na 'amqaanataxanaxaicpi.

Efesios 1:22 Iomraidhean Croise

Mateo 16:18

Qaq aÿim 'am shinapega da 'am Pedro mayi 'am coma', qaq da ne'ena coma' aÿim so'oxootelec qome aca i'onaxanaxaqui. Qaq ivida'a qome da l'añaxac da nleuaxa ÿataqta sa ishit da nlaxajñi acamayi.

Hechos 20:28

Qaq ÿoqo'oyi ñi 'oonolec da qoñiita ÿataqta ntel-la't qome, qataq nataq'en qadchilliÿa'a qome 'enauac na 'amqajnataxanaxaicpi mayi qami' ipataxagueta so Espíritu Santo da yaqto' qauloÿigue. Namayipi maichi lalamaxatpi so qadataxala', lshijnaxanaxatpi, lashiue soua maichi ltago'q co'ollaq qaÿalauat.

1 Corintios 11:3

Qalaxayi ñishitaique da qauaÿajñiita da so Cristo nachiso so lqaic ca shiÿaxaua, qaq ca shiÿaxaua nachica ca lqaic aca lhua, qaq ñi Dios nachiñi ñi lqaic so Cristo.

Efesios 3:21

Qaq ÿoqo'oyi 'enauac qome na 'amqajnataxanaxaicpi ÿi'oxoden ñi Dios souaxat da n'attau'a so Cristo. Qaq damayi nachi 'eetai' qome da qaica ca loga't. Aja', nachi 'eetec.

Efesios 5:23

Cha'ayi ca lhua nachica ca lqaic acamayi, nachi 'eeta'am so Cristo. Somayi nachiso so lqaic na 'amqajnataxanaxaicpi, qataq nachiso som lca'alaxaqui. Qaq namayipi nachina na 'ico' l'oquiaxac somayi.

Colosenses 1:18

Qataq so Cristo nachiso so lqaic da n'oquiaxac mayi nachina na 'amqajnataxanaxaicpi. Somayi nachiso so ÿanem da lca'alaxa de'eda n'oquiaxac. Somayi l'auaxanec da qanca'alaxateeguesop na leuaxaicpi, da yaqto' somayi nachisota 'oonolec nataxala'.

Colosenses 1:8

Qaq somayi qomi' nda'alo da qad'axaÿaxac da qoñiita qataq dam qadsoxoyiqui mayi qami' ÿanema so Espíritu.

Colosenses 2:10

Qaq nagui ÿataqta qami' nlaqchiguilo da lataxac ñi Dios, cha'ayi qan'ayiitau'a so Cristo. Somayi nachiso so napacalec 'enauac da namaxasoxonapecpi qataq nam 'añaxaicpi mayi saq cha'a.

Colosenses 2:19

Cha'ayi namayipi sa ishit da n'attau'a so Cristo mayi nachiso so lqaic de'eda n'oquiaxac. Qaq somayi nachiso so nquictashiguem naq'en da i'añaqchit de'eda n'oquiaxac, qataq ÿataqta n'atta't naq'en nam ÿotta'a't logoxoshitpi da ipacchigui naq'en dam 'eetapeguec ñi Dios.

1 Timoteo 3:15

yaqto' da aÿim lcopata'aguet, qalaxayi mashi lhuotta da 'auaÿaten ca no'on n'onataxac ca 'oonolec na llalaqpi ñi Dios, mayi qoÿinac, nachina na 'amqajnataxanaxaicpi nam i'amaqten ñi Dios mayi ÿataqta nca'altauec. Namayipi nachina na nllitañi da 'eesa lataxac, qataq 'ico' lcopaqtaxat.

Hebreos 2:8

qaq 'enauac na 'ad'onatacpi 'eeta'am da 'auacho'oto naua lapia'te namayipi. Qaq ÿoqo'oyi co'ollaq mashi ime da qaÿacho'oto naua lchil na shiÿaxauapi 'enauac na n'onatacpi, nachi ñi Dios sa ishit da huo'o ca 'oonolec da daqaptauec da saq hueto'ot naq'en da lamaxasoxonaxac na shiÿaxauapi. Qamaq nagui saxanaxa da huo'otaq qomi' selaqa'a da huo'otaq 'enauac na n'onatacpi ishit da ÿalaxaguet na shiÿaxauapi.