Efesios 1:17 - Nuevo Testamento Toba Sur

¹⁷ Nachi seÿaxaatacot ñim lta'a Dios so qadataxala' Jesucristo, ñim qadta'a mayi ÿi'oxodaic, da yaqto' qami' ÿanema ca naÿajnec mayi chigoqo'ot so Espíritu, da yaqto' qauaÿachiñi cam qami' ÿaÿajnaxanaxanque ñimayi, qataq yaqto' ÿataqta qauauattoñiita ñimayi.

Nuevo Testamento Toba Sombrero Negro

¹⁷ Nataq'aen ñachoĝodenot joñe'me Nedios ñe'me Qadejaliaĝanec Jesucristo, ñe'me mach'e Qadet'a jo'ne onaĝaicaloec, qaedi ami yanema joñe'me Lepaqal jo'ne ja 'nalegue, qaedi ami yatenaĝanaĝayaqa nataq'aen male yataqata at'amaqayec joñe'me Dios.

La'aqtaqa Ñim Lo'onatac 'Enauacna 2013

¹⁷ Nache seỹaxaatacot Ñim Lo'onatac 'Enauacna maye Lta'a So Qarataxala' Jesucristo, Ñim Nta'a maye ỹo'oxoraic, da yaqto' qami' ỹanema So Saqcha'a La'añaxac da qami' ỹaanaxanaxaiqa naqa'en, qataq da yaqto' ỹataqta qauauattoñiita Ñimaye.

Efesios 1:17 Iomraidhean Croise

Mateo 11:25

Nachi se'eso na'a'q so Jesús 'eeta': –'Am ita'a mayi 'am lataxala' na neta'ague da piguem qataq ana 'alhua, 'am shi'oxoden, cha'ayi 'am 'auachaxana nam qaica ca ÿaÿajnapec da 'ad'onataxanaxac mayi 'ai'oxoochiisop co'ollaxa nam ÿajnaxanaxaicpi qataq nam huattonaxanaxaicpi.

Mateo 11:27

Ñi ita'a aÿim imato'ot 'enauac da l'onataxanaxac. Qaq qaica ca ishit da ÿauatton na llalec, chaqñita ñimayi mayi ÿauatton. Qataq qaica ca ishit da ÿauatton ñimayi, chaqnata na llalec mayi ÿauatton, qataq cam ÿauattonaxanaxanec ñimayi nam llalec.

Mateo 16:17

Nachi so Jesús 'enapeco': –'Am Simón mayi 'am llalec so Jonás, ÿataqta lta'adaic qome da 'adamaic, cha'ayi sa ishit da chochi shiÿaxaua ca 'am ÿaÿajnaxanaxanec de'eda, chaqñita ñi ita'a mayi neta'ague da piguem.

Mateo 20:33

Nachi soomayi 'ena'po': –'Am qadataxala', qomyi sauoqtaique da ñauanaxañi.

Mateo 6:13

Sa ishit qome da qomi' 'auashingueta ca qañi'iguenataguec, chaqdata da qomi' 'antelaqna'agueta ca sa ÿaÿamaxañi. Cha'ayi da 'ad'onataxanaxac, qataq da 'ad'añaxac, qataq da 'ayi'oxoyic nachi 'eetai' da qaica ca loga't. Aja', nachi 'eetec.

Lucas 12:12

Cha'ayi qom ivita ca laloqo' da qautaqai, nachi som Espíritu Santo qami' ÿapaxaguenque cam lataxac cam qad'aqtaqui.

Lucas 2:14

¡Ÿataqta lta'adaic da ñi'oxonnataxanaxac ñi Dios mayi neto'ot na piguem, nataq'en na 'alhua huo'o da l-lagaxa na shiÿaxauapi mayi ÿaÿamaxadeeta ñimayi!

Lucas 21:15

Cha'ayi aÿim qome qami' sanema caua qad'aqtaqalli' qataq ca qadaÿajñiqui, da yaqto' sa ishit da huo'o ca qami' dataÿa'agueta da qami' ncotaÿapegueto.

Juan 14:17

cam Espíritu mayi ÿoqta 'eesa. Qaq nam shiÿaxauapi mayi huetalec ana 'alhua, namayipi qome sa ishit da ÿaconguet camayi, cha'ayi sa ishit da ila'a, qataq sa ishit da ÿauatton. Qami', qalaxayi qauauattoñi, cha'ayi qami' hueta'agueta, qataq camayi nachi 'eetai' qome da qami' hueta'agueta.

Juan 14:26

Qalaxayi cam Espíritu Santo, mayi ñi ita'a qami' namaxalo qome, nactaigui naq'en da i'enaxat, da yaqto' qami' itaua'n qataq qami' i'añaqchi't, camayi qome qami' ÿapaxaguenque 'enauac na lataxaguesat, qataq qami' iuennataxanaxanque 'enauac na i'aqtacpi mayi qami' sanoiguilo.

Juan 16:3

Qaq i'ot qome de'eda namayipi, cha'ayi sa ishit da ÿauatton ñi ita'a, nataq'en aÿim.

Juan 17:3

Qaq de'eda achaalataxac mayi chochaq tateec, damayi nachida da naigui da 'am qaÿauatton, 'am Dios mayi nachi'amta qataq 'am 'eesa, qataq na 'ai'alec Jesucristo mayi 'anamaq co'ollaxa.

Juan 20:17

Nachi so Jesús 'enapego' asomayi, 'eeta': –Aÿim 'axaneec qome, cha'ayi aÿim saxanaxa da ñoqo'ongue da neta'ague ñi ita'a. Qalaxayi 'am qome qojec, nachi 'au'aqtaxanem ca ÿaqaÿañicpi da aÿim ñoqo'ongue da neta'ague ñi ita'a, ñim nataq'en qadta'ai, ñim ita'a Dios qataq nataq'en qadta'ai.

Hechos 6:10

Qalaxayi sa ishit da qanalo'oguet somayi, cha'ayi da detaqa, qalaq na laÿajnec chigoqo'ot so Espíritu Santo.

Hechos 7:2

Nachi somayi 'enapeco': –Qami' ÿaqaÿadolqa, qataq qami' ita'alpi, ñaq aÿim qan'axaÿaxañiÿa. Ñim qadta'a Dios mayi ÿi'oxodaic, ñimayi nachaxana co'ollaxa so qadta'a Abraham co'ollaq somayi hueta'a yi 'alhua Mesopotamia, co'ollaq somayi saxanaxa da taÿa yi Harán.

Romanos 1:28

Qaq cha'ayi namayipi mashi ÿaxaneec da nauattonaguec ñi Dios, nachi ñimayi ca'ai namayipi, da yaqto' i'o't naua qauema lhuennataxaco, qataq da i'ot cam sa ishit da lataxac.

Romanos 15:6

yaqto' ima 'enauac da qoñiita 'oonolec ca qadvilÿaxaqui da qavi'oxoyiñiitac ñi Dios ñim lta'a so qadataxala' Jesucristo.

1 Corintios 12:8

Qaq ñimayi huo'o na ÿanem da ÿajnaxanaxaic da detaqa, chigoqchigui naq'en so Espíritu, qataq huo'o na ÿanem da saqalota da lauattonaxanaxac da detaqa, chigoqchigui naq'en so Espíritu.

1 Corintios 14:6

Qaq ÿoqo'oyi qami' ÿaqaÿa't, da huo'otaq qami' ñoqo'onalo da qami' sa'aqtaxanema, nachi qami' sedolguete naua n'aqtaqa sa qaÿauangalo, qaq da huo'otaq sa ishit da sa'axat ca qomi' ÿaÿajnaxanaxanque ñi Dios, huo'otaq ca nauattonaxanaxac, huo'otaq ca n'aqtaxanaxac mayi chigoqo'ot ñi Dios, huo'otaq ca napaxaguenataxanaxac, qaq ¿négue't ca qauachigoxochiÿaigui de'eda itaxaÿaxac? ¡Qaica!

1 Corintios 2:10

Qaq 'eda da qomi' ÿauattonaxanaxanque ñi Dios, chigoqchigui naq'en so Espíritu Santo, cha'ayi somayi nmittac 'enauac, qataq ivida'a da ÿaÿaten na saq cha'a 'eetapeguecpi ñi Dios.

1 Corintios 2:8

Na nta'alpi mayi huetalecna, qaica ca ÿaÿaten de'eda naÿajnec. Cha'ayi da huo'otaq ÿaÿaten de'eda, qaq sa ishíttaxa da qaiuaxaneuo so qadataxala' mayi ÿi'oxodaic.

2 Corintios 12:1

Ÿataqta qaica ca nauec ca shiÿaxaua da maichi ñi'oxodeetapeguela't. Qalaxayi nachi 'en'am aÿim sa'axat na ÿauanaqchicpi qataq dam aÿim ÿaÿajnaxanaxanec so qadataxala'.

Efesios 1:3

Shi'oxodenaq ñi Dios ñim lta'a so qadataxala' Jesucristo, cha'ayi nagui da ñi'adaqtau'a so Cristo, nachi ñimayi qomi' ÿanema na ÿotta'a't lqouagaxanaqtaiguesat mayi chigoqo'ot na piguem.

Efesios 3:5

De'eda lataxac mayi saq cha'a sa ishit co'ollaxa da huo'o ca qaÿaÿajnaxanaxanec som hua'a'u vi'iyi. Qalaxayi nagui ñi Dios ÿachigoxotchigui so n'Espíritu da ÿaÿajnaxanaxanec nam iÿotaugapi mayi lamaxashicpi so Jesús qataq na l'aqtaxanaxanecpi.

Efesios 4:13

chochi ivitta'a da 'enauac na 'amqajnataxanaxaicpi ÿataqta nalota'a da lpi'iÿaxac qataq da lauattonaxanaxac da ÿauattoota so llalec ñi Dios. Huaña, nachi shinaqta'am ca shiÿaxaua mayi ÿataqta saq nogotolec, cha'ayi ÿataqta semataqta'a da llaxa so Cristo.

Filipenses 3:15

Qaq ÿoqo'oyi 'enauac da shinaqta mayi mashi nalochiguiñi da qadpi'iÿaxac, no'on da nachi 'eeta'a't da qadhuennataxa. Qalaxayi da huo'otaq huo'o ca lÿa qadhuennataxaqui, qalaq ñi Dios ishit nataq'en da qami' itauanque da qauaÿajñi camayi.

2 Timoteo 2:25

qataq huosotta da lataxac da 'ico' nlaxaneec ca depa'aguenataxaatac. Cha'ayi sa iuena'a da ñi Dios ishit da ÿami' camayi da ÿaxaadeec naq'en naua n'onataxaco, qataq ÿami' da ÿaÿaten da 'eesa lataxac,

Tito 1:1

Aÿim Pablo, aÿim l-latac ñi Dios qataq aÿim lamaxashic so Jesucristo da setauan da lpi'iÿaxac na lca'aguishicpi ñi Dios, yaqto' namayipi ÿauattoota da 'eesa lataxac dam qad'amqajnataxanaxac,

Santiago 2:1

Qami' ÿaqaÿa't, mayi qau'amaqchiñi som ÿi'oxodaic qadataxala' Jesucristo, sa ishito' qome da qalca'aitagui na shiÿaxauapi.

2 Pedro 1:3

Ñi Dios maichi ÿachigoxotchigui da l'añaxac da qomi' ÿanema 'enauac nam iueetac da qanachaalataxac qataq da no'on qadataxac da qolaxague ñimayi co'ollaq qomi' ÿauattonaxanaxanque so Cristo mayi qomi' iÿaxanalo, ÿachigoxotchigui da l'amaqchic qataq dam l'onataxanaxac mayi qaica ca 'en'am da lli'oxoyic.

2 Pedro 3:18

Qalaxayi nquictashiguem qanqashiñi qome da qadauattonaxanaxaqui so qadataxala' qataq qadca'alaxaqui Jesucristo, qataq da nauotaxanaqtaic mayi chigoqo'ot somayi. Qaq nachi 'eetai' qome da chochaq tateec da ñi'oxonnataguec somayi. Qaq nachi 'eetai' qome da chochaq tateec da ñi'oxonnataguec somayi. Aja', nachi 'eetec.

Apocalipsis 7:12

qoÿiita': ¡Aja', nachi 'eetec! Da ñi'oxonnataxanaxac, ñi'oxoyic, qataq da naÿajnec, tonaxac, qataq n'amaqchic, namaxasoxonaxac, qataq da n'añaxac, damayi qoÿanot ñi qadta'a Dios, qaq damayi qaica qome ca loga't qanqoÿin. Aja', nachi 'eetec.