Efesios 1:13 - Nuevo Testamento Toba Sur

¹³ Qataq nataq'en da qoñiita co'ollaq chochi qan'axaÿaxañiÿa da n'aqtac mayi ÿoqta 'eesa mayi chigaqaigui da qadca'alqai, huaña, nachi qau'amaqchiñi so Cristo, nachi qan'ayiu'a somayi, nachi qami' qai'a'n da ÿataqta qami' lalamqa'te ñi Dios. Qaq damayi chigoqchigui so Espíritu Santo mayi ÿachaxanapec co'olloxochiyi ñi Dios.

Nuevo Testamento Toba Sombrero Negro

¹³ Qama'le nayi nach'e ena'am da'me ami male ami Dios lec'oqo'tepi, chiyaqayi da'me joote auomachiiya jena'me jenjo' 'naqataĝanaĝac jo'ne eja 'me 'yaĝatetac ñe'me Dios, 'naqataĝanaĝac jo'ne chiyaqayi da'me adec'alaĝaqui, nach'ena jena'me jenjo' male chiyaqayi joñe'me Cristo, da'me joote auacoñiyeguet joñe'me Dios Lepaqal jo'ne ja 'nalegue, nach'ena jenjo' qo'yaĝatapema joñe'me, qama'le en di'yoq da'me yataqata ami Dios lec'oqo'te.

La'aqtaqa Ñim Lo'onatac 'Enauacna 2013

¹³ Qataq nataqa'en da qoñiita co'ollaq choche qana'axaỹaxañiỹa da no'on na'axaỹaxac maye chegaqaigui da qarca'alaqai, huaña, nache qaua'amaqchiñi So Cristo, qataq chegoqchigui Somaye da qana'ayeeua'a nam lalamaxatpi Ñim Lo'onatac 'Enauacna, qataq qauacoñiiguet So Saqcha'a Na'añaxac Qui'itta maye qomi' ỹachaxanapeguema Ñimaye.

Efesios 1:13 Iomraidhean Croise

Lucas 11:13

Qami' matem qami' yiloxoiqa, qalaq qauaÿajñi da qai'añiim ca no'on na qai'alquiipi, qaq ¿huá'ago' da saq 'eetec ñi qadta'ai mayi neto'ot na piguem da ishit da ÿanem so Espíritu Santo cam iÿaxanot ñimayi?

Lucas 24:49

Qaq aÿim qome qami' ñamaxalo cam ÿachaxanapec co'olloxochiyi ñi ita'a. Qalaxayi nachi qoviita'a qome na la ciudad Jerusalén, to' qom mashi qauacoñiiguet cam n'añaxac mayi chigaqshiguem.

Juan 1:17

Na nqataxacpi co'ollaq qoÿan, qalaq chigoqchigui qanqoÿin so Moisés; qaq da nauotaxanaqtaic qataq dam 'eesa lataxac, damayi chigoqchigui so Jesucristo.

Juan 14:26

Qalaxayi cam Espíritu Santo, mayi ñi ita'a qami' namaxalo qome, nactaigui naq'en da i'enaxat, da yaqto' qami' itaua'n qataq qami' i'añaqchi't, camayi qome qami' ÿapaxaguenque 'enauac na lataxaguesat, qataq qami' iuennataxanaxanque 'enauac na i'aqtacpi mayi qami' sanoiguilo.

Juan 15:26

Qalaxayi qom ivita da anac cam qami' itaua'n qataq qami' i'añaqchi't, cam Espíritu mayi ÿoqta 'eesa, cam qami' ñamaxalo qome mayi chigoqo'ot ñi ita'a, qaq camayi qome aÿim i'axat.

Juan 3:33

Qalaxayi da huo'o ca i'amaqten camayi, nachi que'eca da'amqajnataxan ÿataqta 'eesa naq'en cam 'enapec ñi Dios.

Juan 6:27

Sa ishit qome da qau'onataxañiitapeguelec cam nallic mayi taÿa'a da imeuo, chaqcata cam nallic mayi sa ishit da imeuo, qataq chigaqaigui ca nca'alaxa mayi chochaq tateec. Qaq 'eca cam nallic mayi qami' ÿanema qome na shiÿaxaua llalec. Cha'ayi ñi lta'a Dios nachina na ÿicchigui da ÿaÿamaxadeeta.

Hechos 1:4

Qaq co'ollaq ñaq hueta'agueta soua lamaxa'shi, nachi so Jesús huaqattegalo soomayi da sa ishit qome da queda'ai yi la ciudad Jerusalén. 'Eeta': –Qami' qauachiÿa'aguet qome cam ÿachaxanapec ñi ita'a da qami' ÿanema, cam mashi qami' sa'axattapeguema.

Hechos 13:26

Qaq qami' ÿaqaÿa't mayi qami' llalaqpi so Abraham qataq 'enauac da qoñiita mayi ÿataqta qayi'iÿai ñi Dios, de'eda qai'axattac nca'alaxa, damayi nachi qadalamaxachi.

Hechos 2:33

Qaq ÿoqo'oyi somayi ñi Dios ÿacoosop da ÿaueegue da piguem, idolec na lhuaq aloic. Huaña, nachi somayi ÿaconguet so Espíritu Santo mayi ÿachaxanapeguem co'ollaxa ñi lta'a da ÿanem. Qaq 'enauac de'eda qauauañiichigui qataq qau'aqaichigui, damayi chigoqo'ot somayi.

Romanos 1:16

Cha'ayi aÿim sa ishit da yicoqtapeguelec da no'on qad'axaÿaxac, cha'ayi damayi l'añaxac ñi Dios mayi ishit da nca'alaxateec 'enauac cam i'amaqten. Hua'auchiguiñi na judiopi da qanca'alaxateec. Ime, qataq jec na saq judío l'ecpi.

Romanos 4:11

Qaq co'ollaq ime da so Abraham qaÿauo'o so n'anaxat na l'oc da 'eeta'am da l'anaxanaxat ñi Dios da mashi ÿaÿamaxadeeta somayi, nachi ÿamata'ac da no'on shiÿaxaua souaxat da lpi'iÿaxac. Qaq 'eda da 'eetec so Abraham da huo'o mshi qoÿanagui da lta'a naq'en nam huo'o da lpi'iÿaxac, nai'ctaxa da saxanaxa da qaÿauo'o ca n'anaxat na l'oc. Qalaxayi ñaqaiyita ÿaÿamaxadeeta ñi Dios da 'eeta'am naq'en ca no'on shiÿaxaua.

Romanos 6:17

Qalaxayi huo'o da qan'achic ñi Dios souaxat da qoñiita mayi qami' l-lataqa co'olloxochiyi da ñi'itaxaloxo, qalaxayi nagui ÿataqta imauec da qadquiyaqteÿaxaqui da qaualaqaiguet dam lataxac da napaxaguenataxanaxac mayi qami' qoÿanema.

2 Corintios 1:22

Qataq nachiñi ñi qomi' l'angui'shi qataq ÿanaiguilo naua qadquiyaqte so n'Espíritu Santo, qaq nachiso som ÿoqta 'itchiguiñi naq'en cam qomi' qoÿanma.

2 Corintios 6:7

qataq dam qad'aqtaxanaxac mayi 'eesa, qataq dam l'añaxac ñi Dios mayi qomi' hueta'agueta. Qataq so'ogoxonaxa da n'ogoxonaxat mayi chigaqaigui da qui'itta achaalataxac, da ivita da qomi' qaicogaxana'pe, huo'otaq da huo'o ca ñicotaqpegue'.

Gálatas 3:14

Qaq damayi nachi qoÿina'ac, yaqto' da lqouagaxanaqtaic ñi Dios mayi ÿachaxanapecot co'olloxochiyi so Abraham, damayi qoÿami' nam sa ishit da judiopi da chigoqchigui qanqoÿin so Cristo Jesús; qaq yaqto' 'enauaque qomi' ishit da chigoqchigui da qadpi'iÿaxac da saconaxaguet som Espíritu Santo mayi ÿachaxanapec co'olloxochiyi ñi Dios.

Efesios 4:21

lamaaxa da ÿoqta 'eesa da qau'aqaichigui da n'aqtaguec somayi, qataq da qami' qaÿapaxaguenque dam ÿoqta 'eesa lataxac mayi chigoqo'ot so Jesús.

Efesios 4:30

Qataq sa ishit qome da qauaquicoqchichi so Espíritu Santo mayi chigoqo'ot ñi Dios. Cha'ayi somayi nachiso so chigoqchigui da qami' qai'a'n, da yaqto' qami' lalamqa'te ñi Dios, chochi ivitta'a ca na'a'q qom ñimayi qami' ÿanema cam ÿataqta nalochiguiñi qadca'alqai.

1 Ts 2:13

Qaq nachida da huo'o mshi sanaqtacot da qan'achiquiaxac ñi Dios, cha'ayi co'ollaq qan'axaÿaxañiÿa da l'aqtac ñi Dios mayi qami' sa'axataxama, nachi qau'amaqchiñi da ÿataqta 'eesa l'aqtac ñi Dios, da sa ishit qanqashiñi da l'aqtac ca chochi shiÿaxaua. Qaq damayi ÿataqta 'eesa l'aqtac ñi Dios, qaq ÿoqo'oyi ishit da huo'o ca naigui naq'en da nachaalataxac da qoñiita nam mashi da'amqajnataxan.

2 Timoteo 2:15

Ÿataqta 'an'añaxato' qome da 'anachaxanot ñi Dios, qoneta'amo' ca n'onataxanaxanec ÿataqta qaÿaÿamaxadeeta, qataq qaica ca ncoqtaique. Chaqdata da 'auloteueeguelo naua lataxaco ÿaÿamaqchiyiñi de'eda n'aqtac mayi 'eesa lataxac.

2 Timoteo 2:19

Qalaxayi ñi Dios mashi lapaxañi so 'ico' l'oxonaxala' da l'onataxanaxac mayi qaica ca idaxanapec. Qaq somayi nanettalec so nedec, 'eeta': “Ñi qadataxala' Dios ÿauatton ca mashi lalamaxat;” nataq'en 'eeta': “'Enauac na mashi ncosatapegueueegue da l'enaxat so Cristo, ÿataqta ca'ai qome 'enauac na sa ÿaÿamaxañisat.”

2 Timoteo 3:15

cha'ayi nal'ena da 'ananacta'ai' da 'auauatton naua ñiyigui'shi l'aqtaqa ñi Dios mayi ishit da 'am ÿajnaxanaxaic naq'en, qataq ishit da 'am ÿaueca'aguet da nca'alaxa mayi chigaqaigui da qaipi'iÿa'a so Cristo Jesús.

Tito 2:11

Cha'ayi ñi Dios qomi' ÿachaxanalo da lqouagaxanaqtaic mayi naigui da lca'alaxa na 'enauac shiÿaxauapi.

Hebreos 2:3

Qaq ¿táloxochiyictoxo' da qomi' ÿi't ca qanhuaxanaguec da huo'otaq sa ishit da seloxogue ca llic dam lta'adaic nca'alaxa? Cha'ayi nachiso so qadataxala' so l'auaxanec da i'axat de'eda nca'alaxa, ime, qataq jec nam n'axaÿaxaatega somayi, nachi ÿataqta 'itchiguiñi naq'en de'eda n'aqtaxanaxac. Ime, nachi qomi' da'aqtaxanema.

Santiago 1:18

Ñimayi qomi' namaxalo da l'aqtac mayi i'axat da 'eesa lataxac da qomi' nca'alaxatreec, cha'ayi nshitaique da qomi' 'ico' l'auaxanqa ala na 'enauac l'onatac. Qaq damayi nachida da maichi lhuennataxac.

Santiago 1:21

Qaq ÿoqo'oyi qau'aqaÿa'a 'enauac na ishit da ishipaxanaqchit ca shiÿaxaua qataq 'enauac na sa ÿaÿamaxañisat. Chaqdata da qami' huosotte' da qauacoñiiguet da l'aqtac ñi Dios mayi mashi qoÿaalguete naua qadquiyaqchilli', cha'ayi de'eda n'aqtac ishit da qami' nca'alaxatreec.

1 Pedro 2:10

Qami' co'ollaxa sa ishit da qami' lalamqa'te ñi Dios, qalaxayi nagui qalaq ÿataqta qami' lalamqa'te. Co'ollaxa qaica da huo'o ca qami' ichoxodeeta'pe, qalaxayi nagui ñimayi ÿataqta qami' ichoxode'n.

Apocalipsis 7:2

Nataq'en sela'a so 'oonolec namaxashic piguem l'ec chigaqa'ague da nala' lliguishiguem, qaq lasoqta'a aso l'anaxanaqte ñi Dios mayi nca'altauec. Nachi se'eso namaxashic ÿataqta nlamaxaden da 'enapegalo soua lÿa't cuatro namaxa'shi mayi qoÿanema da n'añaxac da yaqto' huo'o ca 'en'ac ana 'alhua qataq aso auaxai. 'Eeta' da l'aqtac somayi: