Efesios 1:10 - Nuevo Testamento Toba Sur

¹⁰ Qaq de'eda 'eetapeguec ñimayi mayi ÿataqta ipacchigui qom ivita ca laloqo', 'eeta': Ñi Dios nshitaique da 'enauac hueto'ot naq'en da lamaxasoxonaxac so Cristo nam hueto'ot na piguem qataq na huetalec ana 'alhua.

Nuevo Testamento Toba Sombrero Negro

¹⁰ Qom male yovita ga'me laloqo' qama'le yataqata en yomat yema joga'me jetaque ye'et, da'me yemata'a't yema jogaa'me uo'oe, gaa'me ueteda'a di'me piyem, chayovida'a jena'me ue'ta jena'me aleua, qaedi male yataqata qonauachigui da'me qoyen nejaliaĝanec joñe'me Cristo, yataqata qodajotalegue joñe'me.

La'aqtaqa Ñim Lo'onatac 'Enauacna 2013

¹⁰ Qaq qom ivita ca laloqo' de'era, nache ỹataqta ipacchigui 'enauac dam 'eetapeguec Ñimaye. Huaña, nache nam hueto'ot na piguem qataq na huetalec ana 'alhua qoỹami' So Cristo da ilo'ogue 'enauac namayepi.

Efesios 1:10 Iomraidhean Croise

Mateo 25:32

Nachi 'enauac nam ÿotta'a't shiÿaxauapi qalaponeu'a namayi, nachi namayi iÿodacachi qome na shiÿaxauapi da 'eeta'am ca ilotague' ana qagueta da iÿotauga ana qagueta qataq ana quetaqpi.

Marcos 1:15

'Eeta': –Mashi yaqta'a ivita yi laloqo' da nvi' da l'onataxanaxac ñi Dios da ilo'ogue 'enauacna. Qaq qaualachi' qome naua qan'onataxacolli', qataq qau'amaqchiñi da n'aqtaxanaxac mayi chigaqaigui da nca'alaxa.

1 Corintios 10:11

Qaq 'enauac de'eda huaigui som hua'au qadta'alpi, damayi qoÿiyiñi da naloqnaxanaxat da qaÿauotaique qomi' qaÿaqatalo nagui da souaqtaiguilo naua pa'atreec na'axa'te.

1 Corintios 11:3

Qalaxayi ñishitaique da qauaÿajñiita da so Cristo nachiso so lqaic ca shiÿaxaua, qaq ca shiÿaxaua nachica ca lqaic aca lhua, qaq ñi Dios nachiñi ñi lqaic so Cristo.

Gálatas 4:4

Qalaxayi co'ollaq ivita so na'a'q mayi naloqnec, nachi ñi Dios namaq so llalec da nañaxatoigui naq'en aso 'alo, da chigoqtoigui naq'en na judiopi mayi hueto'ot da lapaxaguenataxanaxac na nqataxacpi.

Efesios 1:22

Nachi ipataxalec da ilo'ogue naq'en 'enauacna so Cristo, qataq ÿanem da nachisota 'oonolec lqaic naq'en 'enauac na 'amqajnataxanaxaicpi.

Efesios 2:15

Cha'ayi so Cristo nachida da maichi l'oquiaxac da chigoqchigui da imeuo naq'en 'enauac da lapaxaguenataxanaxac na nqataxacpi. Ime, nachi ÿauaxaÿaxanguet na judiopi qataq na sa ishit da judiopi da 'eeta'am ca dalaxaic nhuo' l'ecpi, qataq da n'attau'a naq'en somayi. Qaq 'eda da 'eetec somayi da i'ot da qadlagaxayic.

Efesios 3:15

ñim chigoqo'ot na l'enaxat nam ÿotta'a't nhuo' l'ecpi mayi netalec ana 'alhua qataq nam lamaxashicpi mayi hueto'ot na piguem.

Efesios 3:2

Qaq ÿoqta da mashi sogote da qauaÿajñi da 'eetec ñi Dios da maichi ÿachigoxotchigui da lqouagaxanaqtaic da aÿim ipataxalec de'eda i'onataxanaxac, da yaqto' qami' qauaÿamqaiñi.

Colosenses 1:16

Qaq ÿachigoxotchigui somayi co'ollaq i'ot 'enauac nam hueto'ot na piguem qataq nam huetalec ana 'alhua, qataq 'enauac nam sa ishit da qaila'a, qataq nam ishit da qaila'a. Nataq'en nam nta'alpi, damaxasoxonapecpi, nataxala'pi qataq na 'añaxaicpi mayi saq cha'a, 'enauac chigoqchigui somayi. Qaq 'enauac maichi lalamaxatpi.

Colosenses 1:20

Qataq nshitaique nataq'en da ÿachigoxotchigui so Cristo da nmane' ñimayi 'enauac nam huetalec ana 'alhua qataq nam hueto'ot na piguem. Qaq i'ot de'eda nlagaxayic, ÿachigoxotchigui naq'en da l-leuaxa so Cristo co'ollaq qaiuaxanguet so npe'enaxaqui.

Colosenses 3:11

Qaq damayi sa ishit da huo'otaq nachida da yi'oqchigui da judío l'ec ca shiÿaxaua huo'otaq da sa ishit da judío l'ec, huo'otaq ca huo'o ca n'anaxat na l'oc huo'otaq ca qaica ca n'anaxat, qataq ca ÿaqa'a ca chigaqa'ague, huo'otaq nam sa naÿamaxatapec, huo'otaq ca nlatac huo'otaq ca sa nlatac. Cha'ayi so Cristo nachisota 'oonolec, imata 'enauac na shiÿaxauapi.

Hebreos 1:2

Qaq ne'enaua pa'atreec na'axa'te, qalaq ñimayi ÿachigoxotchigui so llalec da qomi' da'aqtaxanema. Ñi Dios ÿachigoxotchigui co'ollaxa se'eso llalec da i'ot 'enauacna, qataq nachiso so ipataxalec da ilo'ogue 'enauac namayipi.

Hebreos 11:40

cha'ayi ñimayi huo'o cam ÿacteec da lyaquiaxac mayi ÿaqataxaatapigui'. Cha'ayi ñimayi tachigui yi lauel da shinaqta, yaqto' se'eso shiÿaxauapi ishit da qadÿateuo qom inoxoneu'a da ÿataqta naloqchiichiguiñi da nachaalataxac.

Hebreos 9:10

Cha'ayi damayi nachida da chochi yi'oqchigui nqui'axac qataq ÿomaxac qataq dam ÿotta'a't ÿoxoc mayi chochi lataxac da qad'oquiaxac, qaq damayi ÿataqta huo'o da naigui da huo'otaq ñaq saxanaxa da nadalaxat ca lataxac ñi Dios.

1 Pedro 1:20

So Cristo nal'ena da qaÿaqataxaatapigui' co'ollaq saxanaqaca ana 'alhua da qoÿan, qalaxayi chaqnacta nagui da mashi pa'atreec naua na'axa'te, nachi yi'oq somayi, souaxat da qoñiita.

Apocalipsis 5:9

Qaq somayipi i'ootac da dalaxaic n'onec, 'eeta': 'Am ÿataqta 'itchiguiñi da 'auacona ana nede qataq da 'anqa't naua qaiuaxaatalguete n'anaxanaqte; cha'ayi 'am qaÿalauat co'ollaxa, qaq soua 'adtago'q nachi lashiue da qomi' 'aushijnaxanalo, qomi' 'auachigoxottoiguilo na ÿotta'a't shiÿaxauapi mayi ÿotta'a't naua l'aqtaqa, da yaqto' 'enauac qomi' lalamqa'te ñi Dios.