Efesios 1:1 - Nuevo Testamento Toba Sur

¹ Aÿim Pablo, da ñamaxasaguec chigoqtot ñi Dios da ÿauo'o aÿim lamaxashic naq'en so Jesucristo. Qaq qami' samaxalo ana ÿide, qami' mayi qami' lalamqa'te ñi Dios qataq qau'amaqchiñiitac so Cristo Jesús, mayi qoñiitaña na la ciudad Éfeso.

Nuevo Testamento Toba Sombrero Negro

¹ Mach'e jayem Pablo, jo'ne lamaĝajec joñe'me Jesucristo, qa'a Dios mach'e yataqata jayem ee'tec. Ami yaqaya'olqa jo'ne Éfeso laje', ami jo'ne eja yataqata ovitaue jena'me Dios lec'oqo'tepi, nataq'aen yataqata auep'iiya'a joñe'me Jesucristo, yataqata t'adaic da'me yamaic ami janema.

La'aqtaqa Ñim Lo'onatac 'Enauacna 2013

¹ Qami' ñauochaxau' ỹaqaỹa't maye qoñiitaña na Éfeso: Qami' maye qami' lalamaqa'ate Ñim Lo'onatac 'Enauacna qataq qoquiito'ot da qaua'amaqchiñiitac So Jesucristo, cha'aye qana'ayeetaua'a Somaye, qami' samaxalo da iquinaxanaxac. Aỹem Pablo, maye aỹem lamaxashec So Jesucristo cha'aye Ñim Lo'onatac 'Enauacna, maiche lhuennataxac.

Efesios 1:1 Iomraidhean Croise

Lucas 16:10

Cam 'onaxaic da n'aqtaguec souaxat cam saq 'amaqtaq mayi ilotague', qaq nachi 'en'am no'on da n'aqtaguec da ilo'ogue ca qalota; qaq cam qauem da n'aqtaguec da ilotague' cam saq 'amaqtaq, qaq nachi 'en'am qauem da n'aqtaguec da ilo'ogue ca qalota.

Hechos 16:15

Ime, nachi asomayi qanachilaxan, nataq'en 'enauac so llalaqpi. Qaq co'ollaq ime, nachi asomayi qomi' nachoxonnoto, 'eeta': –Qami' qom ÿoqta 'eesa da qauauattoñi da aÿim sa'amaqten so qadataxala', qaq no'on da qanqo'oñiÿa yi ima' da qad'ochaqa'ai. Nachi asomayi ÿataqta qomi' 'enapegalo da ñi'onaqaña so lma'.

Hechos 18:19

Qaq co'ollaq ivitra yi la ciudad Éfeso, nachi so Pablo n'onaxatañi aso Priscila qataq so lhua Áquila, nachi tau'a aso laponaxaqui na judiopi, nachi da'aqtaxaatapeguem 'enauac so lapoota'a't judiopi.

Hechos 18:21

Chaqdata da ncoyiguene' somayipi da jec. Nachi 'eetega, 'eeta': –Aÿim huo'o da iyaxa da sovita yi Jerusalén, da yaqto' salectauo ca naponaxac mayi naÿa'cna. Qalaxayi huo'o qome ca na'a'q da aÿim qaltaq qami' ñi'iguelaxalo, qom huo'otaq aÿim ÿanem ca ÿiquiaxac ñi Dios. Nachi somayi huenoteuo, chigoqchiguiña yi Éfeso.

Hechos 9:13

Nachi co'ollaq hua'aqchigui de'eda so Ananías, nachi 'enapeco': –'Am ÿataxala', ÿataqta qalota na aÿim da'aqtaxanem que'eca shiÿaxaua qataq 'enauac nam qauem mayi i'otec nam netaña yi Jerusalén mayi 'am i'amaqteetac.

Romanos 1:1

Aÿim Pablo, aÿim l-latac so Jesucristo. Ñi Dios aÿim iÿaxana, qataq aÿim iÿotauga da ÿauo'o aÿim lamaxashic, da yaqto' sa'axat da l'aqtac mayi chigaqaigui da nca'alaxa.

Romanos 1:7

Qaq 'enauac qami' mayi qoñiitaña na la ciudad Roma, qami' samaxalo ana ÿide. Qami' mayi qami' lauotaqa'te ñi Dios qataq qami' iÿaxanalo, da yaqto' qami' qanañañiÿot ñimayi. Qaq qauacoñiiguet qome da nqouagaxanaqtaic qataq da nlagaxayic mayi chigoqo'ot ñi qadta'a Dios qataq so qadataxala' Jesucristo.

Romanos 8:1

Qaq ÿoqo'oyi nagui sa ishit da qaÿauo'o ca nhuaxanaguec cam mashi sogote da n'attau'a so Cristo Jesús, cam mashi sa ishit da quegue cam qauem 'eetapeguec da lapachiyaxac, chaqcata cam 'eetapeguec som Espíritu Santo.

1 Corintios 4:12

Ñasamaqtañi souaxat da yi'oqchigui qad'onataxanaxac. Na shiÿaxauapi qomi' ishiueetalguete, qalaq qomi' sedoxolguete naua qadtaxaÿaxaco ÿaÿamaqchiyiñi. Qomi' qaicaata'pe, qalaq ñi'añaxataxaguet da qancanaguec.

1 Corintios 4:17

Qaq ÿoqo'oyi mashi qami' samaxalo so Timoteo mayi 'eeta'am da ÿalec, cha'ayi aÿim ÿachigoxotchigui da quetague' so qadataxala'. Somayi qami' iuennataxanaxanque da 'eetec da ÿataxac da shictague' so Cristo dam sapaxagueetapeguec 'enauac ana qad'onaxanaxaquipi mayi neta'alo naua 'ale'u.

2 Corintios 1:1

Aÿim Pablo, de'eda ñamaxasaguec chigoqtot ñi Dios da ÿauo'o aÿim lamaxashic naq'en so Jesucristo. Aÿim hueta'aguet ñi qadqaÿa Timoteo. Qaq nagui qami' samaxalo ana ÿide, qami' ÿaqaÿañicpi mayi qau'amqchiñiitac ñi Dios, mayi qoñiitaña na la ciudad Corinto, qataq nataq'en 'enauac na lalamaxatpi ñi Dios mayi netalec yi 'alhua Acaya.

Gálatas 1:1

Aÿim Pablo, aÿim lamaxashic so Jesucristo. Qaq sa ishit da aÿim lamaxashic qataq da aÿim ÿideuo ca chochi shiÿaxaua, cha'ayi nachiso so Jesucristo qataq ñim lta'a Dios mayi nca'aleeguesop naq'en somayi da nleuaxa.

Gálatas 3:26

Cha'ayi de'eda npi'iÿaxac nachida da huo'o mshi 'enauac da qoñiita qami' llalqa ñi Dios, souaxat da qan'ayiitau'a so Cristo Jesús.

Gálatas 3:28

Qaq ÿoqo'oyi nagui sa ishit da huo'o ca ÿaqa'a ca lataxac, nai'ctaxa da huo'otaq qami' judío lashi', huo'otaq ca saq judío l'ec, huo'otaq ca nlatac, qataq ca sa nlatac, ÿale, huo'otaq 'alo. Cha'ayi da mashi qan'ayiitau'a so Cristo Jesús, nachi 'enauac da qoñiita 'eeta'am da qami' 'oonolec.

Gálatas 3:9

Qaq ÿoqo'oyi cam da'amqajnataxan nachi huo'o da nqouagaxa 'eeta'am so Abraham mayi 'amqajnataxanaxaic.

Efesios 1:15

Qaq ÿoqo'oyi can aÿim saÿaten da qad'amqajnataxanaxaqui so qadataxala' Jesús qataq da qadsoxoyiqui da qauauochiic 'enauac nam lalamaxatpi ñi Dios,

Efesios 2:10

Cha'ayi ñi Dios qomi' l'onataqa, qataq qomi' nañaxateu'alo naq'en so Cristo Jesús, cha'ayi nshitaique da so'otaq ca ÿaÿamaqchiguiñi. Qaq damayi nal'eno' da lapaqtapiguiñi da ÿauotaique qoyiquiaxac.

Efesios 2:13

Qalaxayi nagui da qan'ayiitau'a so Cristo Jesús, nachi qami' mayi ÿataqta qami' qaÿoqtalo co'ollaxa, qalaq nagui ÿataqta qami' sa qaÿapigui, souaxat da l-leuaxa so Cristo.

Efesios 2:6

Ñi Dios nataq'en qadÿatchiguem naq'en so Cristo Jesús co'ollaq nca'alaxateeguesop naq'en somayi da nleuaxa. Ime, nachi qomi' nso'onaxana'ai'salo naq'en somayi da piguem.

Efesios 6:21

Qaq ñi Tíquico mayi qanauochaxaua qadqaÿa qataq nachi 'eetai' da saq ÿaxaañi da qomi' itauaata'pe da l'onataxanaxac so qadataxala', ñimayi ima qome da qami' i'axatema da shiita, qataq nam so'ottacpi.

Colosenses 1:2

qaq aÿim qami' ÿaqaÿañicpi mayi qoñiitaña yi la ciudad Colosas, qami' samaxalo ana ÿide, qami' qau'amaqchiñiitac so Cristo, qataq qami' lalamqa'te ñi Dios. Ñishitaique da qami' qauacoñiiguet qome da lqouagaxanaqtaic ñi qadta'a Dios qataq da l-lagaxayic.

Apocalipsis 17:14

Qaq namayipi delogui' qome so qagueta llalec. Qalaxayi somayi loxonec qome namayipi, cha'ayi somayi nachiso so lataxala' na nataxala'pi qataq lta'a na nta'alpi. Qataq na hueta'aguetpi somayi nachina nam ÿataqta qaiÿaxana qataq lca'aguishicpi ñi Dios. Qataq namayipi quetague' somayi.

Apocalipsis 2:10

Qaq sa ishit qome da 'ayi'iÿa cam 'anque'ejnaxac. Cha'ayi so shiÿaxaua lma'na huo'o qome ca ÿamaxaigui añi ncoñitaxanaxaqui da qoñiita, da yaqto' 'enauac da qoñiita qaÿauo'o ca qañi'iguenaguiiqui. Nachi ÿataqta huo'o ca qanque'ejnaxaqui, ivittreec caua diez na'axa'te. Qalaxayi qoquiitot da qadpi'iÿaxaqui, chochi ivitta'a da qami' qadellivi. Nachi aÿim qami' sanema da achaalataxac, 'eeta'am aca qanshiitenaqchi.

Apocalipsis 2:13

Aÿim ÿataqta saÿateeta 'enauac nam 'au'ottacpi, qataq saÿaten da qonetangui nam ilotague' so Satanás. Qalaxayi ñaqaiyita 'am ÿataqta aÿim qoquetelec, qaq ÿataqta sa ishit da 'axaañi da aÿim 'au'amaqteetac, nai'ctaxa da co'ollaq qaÿalauat so i'aqtaxanaxanec Antipas, som 'oonolec da qoñiita, mayi huaña yim hueta'a so Satanás.