Apocalipsis 7:2 - Nuevo Testamento Toba Sur

² Nataq'en sela'a so 'oonolec namaxashic piguem l'ec chigaqa'ague da nala' lliguishiguem, qaq lasoqta'a aso l'anaxanaqte ñi Dios mayi nca'altauec. Nachi se'eso namaxashic ÿataqta nlamaxaden da 'enapegalo soua lÿa't cuatro namaxa'shi mayi qoÿanema da n'añaxac da yaqto' huo'o ca 'en'ac ana 'alhua qataq aso auaxai. 'Eeta' da l'aqtac somayi:

Nuevo Testamento Toba Sombrero Negro

² Qama'le nach'e ena'am jauana jo'me piyem le'ec laqaya jo'ne chiyoĝogue jena'me nayapije'ma jañe'me ajeua, nach'ejo jo'ne ue'tajop jaga'me 'lanaĝanaqate joñe'me jo'ne nach'e eta't da'me nec'aletaye, nach'eñe joñe'me Dios. Qama'le joñe'me piyem le'ec neten da'me ya'uo da'me 'laqatac da'me yiyaĝalo'te jogaa'me cuatro piyem laje' laqaya' 'me joote qoyanema da'me lañoqotaĝanaĝac qaedi yauote ga'me 'yedetec jo'ne ja no'en jena'me aleua choqoga'me noĝop let'adaic,

Apocalipsis 7:2 Iomraidhean Croise

Mateo 16:16

Nachi so Simón Pedro 'enapeco': –Qomyi nachi'am nta'a nca'alaxaqui mayi 'am llalec ñi Dios mayi sa ishit da ileu.

Mateo 26:63

Qalaxayi so Jesús sa ishit da ÿasat. Nachi so lta'a na lataxala'pi na ntaxaÿaxanaxanecpi 'enapega somayi, 'eeta': –Seÿaxanot nagui ñi Dios mayi nca'altauec da ÿauo'o qome ca 'anhuaxanaguec qom sa ishit da 'en ca 'ad'aqtac. Ñaq qomi' 'au'aqtaxanema nagui qom 'eesa da nachi'am nta'a nca'alaxaqui mayi 'am llalec ñi Dios.

Juan 6:27

Sa ishit qome da qau'onataxañiitapeguelec cam nallic mayi taÿa'a da imeuo, chaqcata cam nallic mayi sa ishit da imeuo, qataq chigaqaigui ca nca'alaxa mayi chochaq tateec. Qaq 'eca cam nallic mayi qami' ÿanema qome na shiÿaxaua llalec. Cha'ayi ñi lta'a Dios nachina na ÿicchigui da ÿaÿamaxadeeta.

2 Corintios 1:22

Qataq nachiñi ñi qomi' l'angui'shi qataq ÿanaiguilo naua qadquiyaqte so n'Espíritu Santo, qaq nachiso som ÿoqta 'itchiguiñi naq'en cam qomi' qoÿanma.

Efesios 1:13

Qataq nataq'en da qoñiita co'ollaq chochi qan'axaÿaxañiÿa da n'aqtac mayi ÿoqta 'eesa mayi chigaqaigui da qadca'alqai, huaña, nachi qau'amaqchiñi so Cristo, nachi qan'ayiu'a somayi, nachi qami' qai'a'n da ÿataqta qami' lalamqa'te ñi Dios. Qaq damayi chigoqchigui so Espíritu Santo mayi ÿachaxanapec co'olloxochiyi ñi Dios.

Efesios 4:30

Qataq sa ishit qome da qauaquicoqchichi so Espíritu Santo mayi chigoqo'ot ñi Dios. Cha'ayi somayi nachiso so chigoqchigui da qami' qai'a'n, da yaqto' qami' lalamqa'te ñi Dios, chochi ivitta'a ca na'a'q qom ñimayi qami' ÿanema cam ÿataqta nalochiguiñi qadca'alqai.

1 Ts 1:9

Cha'ayi namayipi maichi n'aqtaxaatapigui da 'eetec so hua'auchiguiñi qoyiquiaxac co'ollaq qami' souaqta'agueta. Nataq'en n'aqtaxaatapigui da qadsoxosoxonaxaqui co'ollaq qomi' qauacoñiigueta, qataq da 'eetec co'ollaq qoquiÿa'ai nam nqolacpi da qoquiigue da qau'onataxañiÿot ñim Dios mayi nca'altauec qataq sa ishit da chochi n'enaqtaguetto.

2 Timoteo 2:19

Qalaxayi ñi Dios mashi lapaxañi so 'ico' l'oxonaxala' da l'onataxanaxac mayi qaica ca idaxanapec. Qaq somayi nanettalec so nedec, 'eeta': “Ñi qadataxala' Dios ÿauatton ca mashi lalamaxat;” nataq'en 'eeta': “'Enauac na mashi ncosatapegueueegue da l'enaxat so Cristo, ÿataqta ca'ai qome 'enauac na sa ÿaÿamaxañisat.”

Hebreos 12:22

Qalaxayi qami' qome, qalaq qanqo'oñiishiguemec aca qasoxonaxa l'enaxat Sión, yim naciudad ñi Dios mayi nachi 'eetai' da nca'altauec, yim Jerusalén mayi hueta'ague da piguem, yim hueta'a nam ÿataqta qalota namaxashic piguem l'ecpi,

Apocalipsis 1:3

Qaq ÿataqta machiguiñi qome ca itaxaÿaxan ana'ana nede, qataq machiguiñi nataq'en ca n'axaÿaxaatega qom qaitaxaÿaxan de'eda n'aqtaxanaxac mayi chigoqo'ot ñi Dios, qataq da ÿataqta ÿalaxaguet de'eda qoÿittalec ana'ana nede, cha'ayi mashi sa qaÿapeque ca loga't da yi'oq 'enauac ne'ena.

Apocalipsis 10:1

Ime, nachi sela'a so lÿa namaxashic piguem l'ec ÿataqta 'añaxaic, chigoqo'ot na piguem, huetaigui so l'oc, qataq so qomoxonalo coleesop na lqaic. Qataq na lashic, qalaq 'eeta'am na l'edaxa añi nala'. Qataq naua lchil 'eeta'am na nodec l'edaxa.

Apocalipsis 10:4

Qaq can ime da ltaxaÿaxa'c soua siete qasoxonaxa, nachi aÿim sauotaique shiyiñi. Qalaxayi aÿim sa'axaÿa so n'aqtac, chimqot na piguem, aÿim 'eetega, 'eeta': –Sa ishit qome da 'iyiñi da l'aqta'c soua siete qasoxonaxa, yaqto' sa ishit da huo'o ca ÿaÿaten.

Apocalipsis 16:12

Qataq jec so lÿa namaxashic da icodelec so lta'adaic tala, l'enaxat Éufrates. Huaña, nachi 'im na l'ec 'etaxat se'eso tala, da yaqto' ÿauategue na llic so nta'alpi mayi chigaqa'ague da nala' lliguishiguem.

Apocalipsis 5:2

Qaq sela'a so namaxashic piguem l'ec, ÿataqta qaica ca 'en'am da l'añaxac. Qaq ÿataqta nlamaxaden da denataxaatac, 'eeta': –¿Negue'tom ca ishit da ÿauachigui ada nede qataq da nqa't soua n'anaxanaqte?

Apocalipsis 8:3

Ime, qataq anac so lÿa namaxashic piguem l'ec, lasoqta'a so lmala' na nchinaxanaxat mayi chigaqaigui na oro. Nachi nachatteu'a aso nca'atoxonaxalate. Nachi qoÿanem so ÿataqta qalota na nchinaxanaxat, da yaqto' ÿaneuo, lÿateuo naq'en da nqouagaxaunaxac 'enauac na lalamaxatpi ñi Dios, da ÿachalec aso nca'atoxonaxalate chigaqaigui na oro mayi netaña yi naloteuga so so'onqa'.

Apocalipsis 9:14

Nachi se'eso n'aqtac 'enapega se'eso namaxashic mayi ÿashittapigui aso nashiide, 'eeta': –'Ausodeec qome ñiua cuatro namaxa'shi piguem lashi' mayi qaicoñittai'salo, ñim netraña yi loigue aso tala l'enaxat Éufrates.

Apocalipsis 9:4

Nachi qaÿamaxalec asomayi da sa ishit da huo'o ca 'en'ac na 'auaqpi mayi huetalec ana 'alhua qataq ana qo'ipaq, huo'otaq camachicague't dadala, chaqnata nam shiÿaxauapi mayi sa ishit da huetalec na latap aca l'anaxanaqte ñi Dios.