Apocalipsis 5:5 - Nuevo Testamento Toba Sur

⁵ Nachi so 'oonolec so nquedoxonecpi aÿim 'enapega, 'eeta': –Sa ishit qome da 'anoÿiitac. Cha'ayi ñi qoÿiitega León mayi chigoxoigui na llalaqpi so Judá, nataq'en chigoxoguet so nta'a David, ñimayi dauegaxan. Qaq ñimayi ishit da ÿauachigui ada'ada nede qataq da nqa't soua siete qaiuaxaatalguete n'anaxanaqte.

Nuevo Testamento Toba Sombrero Negro

⁵ Qalaĝaja 'uo ga'me onolec jogaa'me 'yaĝaicachidi 'me jayem dojapegue', enaac: “Ena'te yitaĝa anoyetac, qa'a ñe'me Jauaĝaic jo'ne chiyaqaue gaa'me lec'oqo'tepi ñe'me Judá, joñe'me jo'ne lolelaĝaic ñe'me David, nach'eñe jo'ne domataĝan qama'le yeloteguet qoyen da'me naqa't gaa'me siete 'nanaĝanaqate lidi'ñe qaedi 'youachigui ga'me nenañejec.”

La'aqtaqa Ñim Lo'onatac 'Enauacna 2013

⁵ Qalaxaye huo'o so 'oonolec som nqueroxonecpi aỹem 'enapega, 'eeta': «Saishet da qoqueto'ot da 'anỹeetac, cha'aye Ñim talec da lo'onataxanaxac co'ollaxa so nta'a David, Ñim qaiỹaxana naxa da quiyoc lỹa maye chegoxoguet so Judá, Ñimaye mashe dauegaxan. Qaq ỹoqo'oye nachaqñita da huo'o da 'enec da nqa't naua siete na'anaxanaqtel qataq ishet da ỹauachigui ara nere.»

Apocalipsis 5:5 Iomraidhean Croise

Lucas 23:28

Nachi so Jesús nqoileeguet asomayipi, nachi 'enapega, 'eeta': –Qami' 'alpi mayi qadmayi na Jerusalén, sa ishit qome da aÿim qanoÿiñiilec. Chaqdata qome da maichi qanoÿiñiila't, qataq qanoÿiñiilec na qai'alquiipi.

Lucas 7:13

Nachi so Jesús co'ollaq ila'a asomayi, nachi ÿataqta huo'o da lchoxonnataxanaxa, nachi 'enapega, 'eeta': –Sa ishit qome da 'anÿiitac.

Lucas 8:52

Qaq 'enauac so shiÿaxauapi noÿiitac qataq n'alaqtapiguiñi souaxat asomayi. Qalaxayi so Jesús 'enapeco': –Sa ishit qome da qanoÿiñi. Ayi nogotole sa ishit da ileu. Ayimayi chochi do'ochita.

Juan 20:13

Nachi se'esoua namaxa'shi piguem lashi' inatta'po' asomayi, 'eeta': –'Am 'alo, ¿tá'ainco' yi 'anoÿiitac? Nachi asomayi 'enapeco': –Qomyi souaxat da qaÿachi so ÿataxala', qaq aÿim sa saÿaten ca qaÿacha'ague camayi.

Romanos 1:3

Dam n'aqtac mayi i'axat da llic so qadataxala' Jesucristo som llalec ñi Dios. Qaq dam yi'oqchigui lañoxoc somayi, qalaxayi chigoxoguet so nta'a l'enaxat David.

Romanos 15:12

So Isaías nataq'en ÿiyiñi da l'aqtac ñi Dios, 'eeta': Ñaxatshiguem qome ca 'ico' lpa'a'q so Isaí, cam nachajñi da ilo'ogue qome na ÿotta'a't shiÿaxauapi; nachi namayipi ÿataqta huo'o qome da lpe'e camayi.

Hebreos 7:14

Cha'ayi 'enauac da qaÿaÿateeta da so qadataxala' chigaqaigui na llalaqpi so Judá, nam sa ishit co'ollaxa da detaxaÿa so Moisés co'ollaq i'axattac da llic na ntaxaÿaxanaxanecpi.

Apocalipsis 1:1

Qaq 'eda da 'eetec da nauanaqchic mayi ÿami' ñi Dios so Jesucristo, da yaqto' somayi ishit da ÿaÿajnaxanaxanec na lamaxashicpi dam saqaÿaloq da yi'oq. Qaq so Jesucristo ÿachigoxotchigui so lamaxashic piguem l'ec da ÿaÿajnaxanaxan so lamaxashic Juan.

Apocalipsis 22:16

–Qaq nachaÿim Jesús mayi ñamaq so ÿamaxashic, da yaqto' i'axatem 'enauac de'eda nam aÿim i'amaqteetac. Qaq nachaÿim mayi aÿim chigoxoguet so nta'a David qataq nachi sachigoxoguet somayi. Qataq aÿim mayi nachaÿim huaqajñi yi'oxoñi lalaqte.

Apocalipsis 3:21

Qaq cam dauegaxan qome, nachi camayi sanem da huo'o aca nso'onaxaqui ca ñiso'onqa' da aÿim nta'a, da yaqto' 'eeta'am co'ollaq aÿim sauegaxan, nachi ñiso'ona'ai' ñi ita'a Dios.

Apocalipsis 4:10

nachi se'eso veinticuatro nquedoxonecpi i'alyiñi naua l-llicte da ÿi'oxoden som chochaq tateec da nachaalataxac. Nachi nqa't naua nado'ol da ÿacho'oto aso nso'onaxaqui. Ime, qaq 'eeta':

Apocalipsis 4:4

Qataq naua laÿil asa'aso so'onaxaqui, qalaq sela'a aso veinticuatro nso'onaxaqui so nquedoxonecpi. Somayipi ÿataqta lapagaxaiqa naua alogo, qataq naua nado'ol ndoteec ana chigaqaigui na oro.

Apocalipsis 5:4

Qaq aÿim ÿataqta ñiÿiitac, souaxat da qaica ca ishit da ÿañoxot da ÿauachigui da itaxaÿaxan, huo'otaq da chochi imeten asa'aso nede.

Apocalipsis 6:1

Qaq sauaachigui se'eso qagueta llalec can nqat aso 'oonole asa'aso n'anaxanaqtepi, nachi sa'axaÿa so 'oonolec se'esoua cuatro shiguiÿac da lavilÿaxac 'eeta'am na nalataxa, 'eeta': –¡'Ayala, ña 'ameten!

Apocalipsis 7:13

Nachi so 'oonolec so nquedoxonecpi aÿim inat, 'eeta': –¿Négue't ne'ena shiÿaxauapi mayi lapagaxaiqa naua alogo? ¿Chaq huá'ague ca chigaqa'ague?