Apocalipsis 5:13 - Nuevo Testamento Toba Sur

¹³ Qataq sa'axaÿa nataq'en 'enauac nam l'onatacpi ñi Dios mayi hueto'ot na piguem qataq na huetalec ana 'alhua qataq nam huetaigui anamayi, qataq nam huetangui aso auaxai. Qaq 'enauac namayipi 'eeta': Da ñi'oxonnataxanaxac, qataq da n'amaqchic, ñi'oxoyic, qataq da n'añaxac, qoÿanot qome ñim nso'ootangui añi so'onaxaqui, qataq ñim qagueta llalec. Qaq damayi chochaq tateec qome.

Nuevo Testamento Toba Sombrero Negro

¹³ Qama'le nach'e ena'am jomachilegue da'me ena'uac jogaa'me uo'oe jo'ne ueteda'ague jodi'me piyem nataq'aen jogaa'me uetedalegue jena'me aleua, qama'le nach'e ena'am jogaa'me uetedaue di'me p'añe jenjo' aleua nataq'aen jogaa'me uetañguilo gaa'me qa'mi lat'edail, naq'aeta da'me 'yotedac: “¡'Noota qom qo'nonaĝachigui joñe'me jo'ne netañgui jañe'me je'onaĝaiqui Choqoñe'me 'Naĝanaĝate Lec'oĝot, Jouaĝat da'me 'uo da'me li'yoĝodenataĝanaĝa'j nataq'aen da'me 'lonaĝac Choqoda'me lañoqotaĝanaĝac let'adaic!”

La'aqtaqa Ñim Lo'onatac 'Enauacna 2013

¹³ Nataqa'en sa'axaỹa 'enauac nam lo'onatacpi Ñim Lo'onatac 'Enauacna, 'eeta': «¡'Onaxaic da 'enauac qaỹo'oxoren Ñim nso'ootangui añi so'onaxaqui qataq nataqa'en Ñim Qagueta Llalec! 'Onaxaic da qaiỹaxana Ñim huo'o da llo'oxoyec, qataq Ñim nache 'eetai' da huo'o da na'aalaxa da lamaxasoxonaxac.»

Apocalipsis 5:13 Iomraidhean Croise

Mateo 6:13

Sa ishit qome da qomi' 'auashingueta ca qañi'iguenataguec, chaqdata da qomi' 'antelaqna'agueta ca sa ÿaÿamaxañi. Cha'ayi da 'ad'onataxanaxac, qataq da 'ad'añaxac, qataq da 'ayi'oxoyic nachi 'eetai' da qaica ca loga't. Aja', nachi 'eetec.

Lucas 2:14

¡Ÿataqta lta'adaic da ñi'oxonnataxanaxac ñi Dios mayi neto'ot na piguem, nataq'en na 'alhua huo'o da l-lagaxa na shiÿaxauapi mayi ÿaÿamaxadeeta ñimayi!

Juan 1:29

Qaq so lÿa na'a'q, nachi so Juan ila'aguet so Jesús da naÿaxaama somayi, nachi somayi 'eeta': –Ña qauloÿa, 'ena cha'aguet na qagueta llalec mayi chigoqo'ot ñi Dios, nam nqat qome 'enauac na nasouaxashitpi ana 'alhua.

Romanos 11:36

Cha'ayi 'enauac na huetalec na chigoqo'ot ñi Dios, qaq 'enauac l'onatacpi ñimayi, qataq maichi lalamaxatpi. Qaq ÿoqo'oyi ¡nachi 'eetai' da shi'oxodenaqtac ñi Dios! Aja', nachi 'eetec.

Romanos 16:27

¡Qaq ñim Dios, mayi qaica ca lÿa qataq ÿajnaxanaxaic, nachi 'eetai' qome da qaÿi'oxodeetac, souaxat so Jesucristo! Aja', nachi 'eetec.

Romanos 9:5

Namayipi maichi llalaqpi som hua'au qadta'alpi. Qaq da yi'oqchigui lapachiyaxac namayipi chigoqtoigui so Cristo som qoÿanagui da qadta'a Dios da ilo'ogue 'enauacna, da yaqto' nachi 'eetai' da qaÿi'oxodeetac. Aja', nachi 'eetec de'eda.

Efesios 3:21

Qaq ÿoqo'oyi 'enauac qome na 'amqajnataxanaxaicpi ÿi'oxoden ñi Dios souaxat da n'attau'a so Cristo. Qaq damayi nachi 'eetai' qome da qaica ca loga't. Aja', nachi 'eetec.

Filipenses 2:10

yaqto' da qai'axaÿa da l'enaxat so Jesús, nachi ishit da i'alyiñi naua l-llicte 'enauac nam hueto'ot na piguem, qataq nam huetalec ana 'alhua, qataq nam huetaueegue da laÿi na 'alhua,

Colosenses 1:23

Qalaxayi damayi iuen da qami' sa ishit da qai'axañiiuec da qadpi'iÿaxaqui, qoñiita'am aca qo'ipaq mayi ÿataqta qaÿoqchiguingui ca lpa'a'q. Qataq sa ishit da qai'axañiiuec da qanaquitaxaqui mayi qauachigoxochiichigui da n'aqtac mayi chigaqaigui da nca'alaxa mayi qan'axaÿaxañiÿa. Qaq de'eda n'aqtac nachida da qai'axattac 'enauaque naua 'ale'u. Qaq aÿim Pablo nachida da sa'axattac.

1 Timoteo 4:16

Qataq 'antel-la't, 'aulotegue da 'adapaxaguenataxanaxac. Ÿataqta qoquetot de'eda shiitega, cha'ayi da 'au'ot de'eda, nachi ÿataqta 'avida'aguet da 'am qanca'alaxateec qataq 'enauac na 'am n'axaÿaxaatega.

1 Pedro 4:11

Da huo'o ca qoÿanem da da'aqtaxan, qalaq naua l'aqtaqa ÿataqta nachinaua naua l'aqtaqa ñi Dios. Qataq ca qoÿanem da l'onataxanaxac, qalaq nachida da n'añaxac mayi ÿanem ñi Dios. Qaq 'enauac nam qaÿacoolec da qai'ot, namayi naigui da yaqto' qaÿi'oxoden ñi Dios, chigoqchigui so Jesucristo. Somayi mayi lalamaxat da lli'oxoyic qataq da l'añaxac mayi qaica ca loga't. Aja', nachi 'eetec.

1 Pedro 5:11

Qaq ñimayi mayi lalamaxat da lli'oxoyic qataq da l'añaxac mayi chochaq tateec. Aja', nachi 'eetec.

Apocalipsis 1:6

qataq ÿanaguilo da qomi' nta'al qataq da qomi' ltaxaÿaxanaxanqa naq'en na shiÿaxauapi, da yaqto' so'onataxanqot ñim lta'a Dios. ¡Qaq somayi nachi 'eetai' qome da lli'oxoyic qataq da l'añaxac! Aja', nachi 'eetec.

Apocalipsis 13:8

Nachi se'eso shiguiÿac ÿataqta ÿi'oxodeetac 'enauac nam huetalec ana 'alhua, nam sa ishit da nanettau'a aso nanedaxalate nam lca'alaxaicpi co'ollaq chita'ague da qai'ottac ana 'alhua, asom hueto'ot so qagueta llalec mayi qaÿalauat co'ollaxa.

Apocalipsis 5:1

Ime, qaq aÿim sela'a aso nede hueta'ague na lhuaq aloic so nso'ootangui aso so'onaxaqui. Asomayi 'eeta'am ana naqta, qoÿittalec na pa'auo qataq na pa'auec. Qaq asomayi qaitoqootalguete soua siete n'anaxanaqte da qaÿapotagui.

Apocalipsis 5:12

Qaq ÿataqta nlamaxaden da lavilÿaxac, 'eeta': Ñim qagueta llalec mayi qaÿalauat co'ollaxa da qaÿauo'o nachitaqtaxanaqte, ñimayi ÿataqta 'itchiguiñi da qoÿanem da damaxasoxonapec qataq da nsallaxa, naÿajnec, qataq da n'añaxac, n'amaqchic, ñi'oxoyic, qataq ñi'oxonnataguec.

Apocalipsis 5:3

Cha'ayi sa ishit da huo'o ca 'oonolec nam hueto'ot na piguem da huo'otaq ishit da ÿauachigui da imeten, qataq nam huetalec ana 'alhua, qataq nam huetaigui anamayi.

Apocalipsis 5:6

Nachi sela'a so huetangui na laiñi som so'onqa', huetanguilo soua cuatro shiguiÿac qataq so nquedoxonecpi. Somayi 'eeta'am na qagueta llalec. Qaq somayi nachattañi, qaq yi'oqta da 'eetec co'ollaq qaÿalauat. Qaq somayi siete ana lcouepi qataq siete naua l'ai'te. Qaq ne'enaua l'ai'te nachinaua naua siete saq cha'alo mayi namaxalo 'enauac ana 'alhua ñi Dios.

Apocalipsis 5:9

Qaq somayipi i'ootac da dalaxaic n'onec, 'eeta': 'Am ÿataqta 'itchiguiñi da 'auacona ana nede qataq da 'anqa't naua qaiuaxaatalguete n'anaxanaqte; cha'ayi 'am qaÿalauat co'ollaxa, qaq soua 'adtago'q nachi lashiue da qomi' 'aushijnaxanalo, qomi' 'auachigoxottoiguilo na ÿotta'a't shiÿaxauapi mayi ÿotta'a't naua l'aqtaqa, da yaqto' 'enauac qomi' lalamqa'te ñi Dios.

Apocalipsis 6:16

Qaq namayipi detaqtacot ana qasoxonaxapi qataq na coma'pi, 'eeta': –Ña qomi' 'aupataxayiñi qome, qataq qomi' 'ai'oxochiisopa qome da lmejnaxanaxac ñim nso'ootangui añi so'onaxaqui, qataq dam lta'adaic nhuaxanaguecna naq'en ñim qagueta llalec.