Apocalipsis 5:12 - Nuevo Testamento Toba Sur

¹² Qaq ÿataqta nlamaxaden da lavilÿaxac, 'eeta': Ñim qagueta llalec mayi qaÿalauat co'ollaxa da qaÿauo'o nachitaqtaxanaqte, ñimayi ÿataqta 'itchiguiñi da qoÿanem da damaxasoxonapec qataq da nsallaxa, naÿajnec, qataq da n'añaxac, n'amaqchic, ñi'oxoyic, qataq ñi'oxonnataguec.

Nuevo Testamento Toba Sombrero Negro

¹² qama'le nete'tape da'me yo'o'n da'me dojo': “¡Joñe'me 'Naĝanaĝate Lec'oĝot jo'ne qoyalat Nach'eñe jo'ne tachigui da'me yataqata qo'nonaĝachigui Jouaĝat da'me 'uo da'me lañoqotaĝanaĝac let'adaic Choqoda'me neuoyaĝac choqoda'me nayatenaĝanaĝac Choqoda'me qaya'te yaqalaatac choqoda'me 'lonaĝac! ¡'Noota qom jalcote da'me qo'nonaĝachigui joñe'me!”

La'aqtaqa Ñim Lo'onatac 'Enauacna 2013

¹² Qaq somayepi ỹataqta nlamaxaren da detaqtac, 'eeta': «Ñim Qagueta Llalec maye qoỹaneuo co'ollaxa da qaỹavigaxat da qaỹauo'o nachetaqtaxanaqte, nacheñi nagui ñi taiguet da ỹaconeguet da namaxasoxonaxac qataq da nsallaxa, naỹaanec, qataq da na'añaxac, na'amaqchec, qataq ño'oxonnataguec.»

Apocalipsis 5:12 Iomraidhean Croise

Mateo 28:18

Nachi so Jesús nquiga somayipi, nachi 'enapega, 'eeta': –Aÿim mashi aÿim qaipataxalec da samaqpec 'enauac na hueto'ot na piguem qataq na huetalec ana 'alhua.

Juan 1:29

Qaq so lÿa na'a'q, nachi so Juan ila'aguet so Jesús da naÿaxaama somayi, nachi somayi 'eeta': –Ña qauloÿa, 'ena cha'aguet na qagueta llalec mayi chigoqo'ot ñi Dios, nam nqat qome 'enauac na nasouaxashitpi ana 'alhua.

Juan 17:2

Cha'ayi 'am 'ai'anem co'ollaxa da l'añaxac na 'ai'alec, da yaqto' ilo'ogue 'enauac na shiÿaxauapi, qataq da yaqto' ÿanem da lca'alaxa mayi chochaq tateec 'enauac nam 'ai'anempi namayi.

2 Corintios 8:9

Cha'ayi mashi qauauattoñi qami' da lqouagaxanaqtaic so qadataxala' Jesucristo, da somayi ÿataqta sallaxanec. Qalaxayi somayi ÿataqta nachoxoden, souaxat da lauotaxanaqtaic da qoñiita, yaqto' qami' ishit da qami' sallaxanqa, souaxat da lachoxoyic somayi.

1 Timoteo 1:17

Ÿoqo'oyi nagui sanaxam ñi qadta'a Dios da qayi'oxonnataxanaxa qataq da qadyacnataxanaxac mayi chochi tateec. Ñimayi qaica ca loga't, qataq sa ishit da qaila'a. Ñim Dios mayi qaica ca lÿa 'en'am, qataq ÿajnaxanaxaic. Aja', nachi 'eetec de'eda.

Apocalipsis 1:6

qataq ÿanaguilo da qomi' nta'al qataq da qomi' ltaxaÿaxanaxanqa naq'en na shiÿaxauapi, da yaqto' so'onataxanqot ñim lta'a Dios. ¡Qaq somayi nachi 'eetai' qome da lli'oxoyic qataq da l'añaxac! Aja', nachi 'eetec.

Apocalipsis 13:8

Nachi se'eso shiguiÿac ÿataqta ÿi'oxodeetac 'enauac nam huetalec ana 'alhua, nam sa ishit da nanettau'a aso nanedaxalate nam lca'alaxaicpi co'ollaq chita'ague da qai'ottac ana 'alhua, asom hueto'ot so qagueta llalec mayi qaÿalauat co'ollaxa.

Apocalipsis 15:3

Nachi somayipi i'ootac som l'onec so Moisés som lamaxashic ñi Dios qataq som n'onec da qaÿi'oxoden so qagueta llalec mayi 'eeta': Ÿataqta lta'adaic qataq ÿi'oxodaq 'enauac nam 'au'otpi, 'am qadataxala' Dios mayi qaica ca 'auqalanapec. Ÿataqta ÿashictreec qataq 'eesoda nam 'anqa'aico, 'am mayi 'am lataxala' nam ÿotta'a't shiÿaxauapi.

Apocalipsis 19:1

Qaq can ime de'eda, nachi sa'axaÿa da lavilÿaxac so ÿataqta saq llalcolec shiÿaxauapi, chimqot na piguem, 'eeta': ¡Shi'oxodenaq ñi qadta'a Dios! Cha'ayi da nca'alaxa, ñi'oxoyic, qataq da n'añaxac lalamaxat ñimayi.

Apocalipsis 4:11

'Am qadataxala' Dios, 'itchiguiñi da 'am qoÿanot da 'ayi'oxoyic, 'ad'amaqchic, qataq da 'ad'añaxac; cha'ayi 'am 'ad'onatac 'enauacna, maichi 'am chigoqchigui, qaq ÿoqo'oyi yi'oq 'enauac namayipi.

Apocalipsis 5:13

Qataq sa'axaÿa nataq'en 'enauac nam l'onatacpi ñi Dios mayi hueto'ot na piguem qataq na huetalec ana 'alhua qataq nam huetaigui anamayi, qataq nam huetangui aso auaxai. Qaq 'enauac namayipi 'eeta': Da ñi'oxonnataxanaxac, qataq da n'amaqchic, ñi'oxoyic, qataq da n'añaxac, qoÿanot qome ñim nso'ootangui añi so'onaxaqui, qataq ñim qagueta llalec. Qaq damayi chochaq tateec qome.

Apocalipsis 5:6

Nachi sela'a so huetangui na laiñi som so'onqa', huetanguilo soua cuatro shiguiÿac qataq so nquedoxonecpi. Somayi 'eeta'am na qagueta llalec. Qaq somayi nachattañi, qaq yi'oqta da 'eetec co'ollaq qaÿalauat. Qaq somayi siete ana lcouepi qataq siete naua l'ai'te. Qaq ne'enaua l'ai'te nachinaua naua siete saq cha'alo mayi namaxalo 'enauac ana 'alhua ñi Dios.

Apocalipsis 5:8

Nachi somayi co'ollaq mashi ÿacona aso nede, nachi soua cuatro shiguiÿac qataq som veinticuatro nquedoxonecpi i'adoto naua l-llicte so qagueta llalec. Qaq ñi 'oonolec se'eso nquedoxonecpi huo'o ana lvique, qataq lasoqta'a ana ÿomaxaquipi mayi chigaqaigui na oro. Qaq anamayipi huetagui na nchinaxanaxat. Qaq ne'ena nchinaxanaxat nachina na nqouagaxaunaxac na lalamaxatpi ñi Dios.

Apocalipsis 5:9

Qaq somayipi i'ootac da dalaxaic n'onec, 'eeta': 'Am ÿataqta 'itchiguiñi da 'auacona ana nede qataq da 'anqa't naua qaiuaxaatalguete n'anaxanaqte; cha'ayi 'am qaÿalauat co'ollaxa, qaq soua 'adtago'q nachi lashiue da qomi' 'aushijnaxanalo, qomi' 'auachigoxottoiguilo na ÿotta'a't shiÿaxauapi mayi ÿotta'a't naua l'aqtaqa, da yaqto' 'enauac qomi' lalamqa'te ñi Dios.

Apocalipsis 6:1

Qaq sauaachigui se'eso qagueta llalec can nqat aso 'oonole asa'aso n'anaxanaqtepi, nachi sa'axaÿa so 'oonolec se'esoua cuatro shiguiÿac da lavilÿaxac 'eeta'am na nalataxa, 'eeta': –¡'Ayala, ña 'ameten!

Apocalipsis 7:12

qoÿiita': ¡Aja', nachi 'eetec! Da ñi'oxonnataxanaxac, ñi'oxoyic, qataq da naÿajnec, tonaxac, qataq n'amaqchic, namaxasoxonaxac, qataq da n'añaxac, damayi qoÿanot ñi qadta'a Dios, qaq damayi qaica qome ca loga't qanqoÿin. Aja', nachi 'eetec.