Apocalipsis 3:18 - Nuevo Testamento Toba Sur

¹⁸ Qaq ÿoqo'oyi nagui 'am saqata da aÿim 'auachigoxoto'ot qome da 'aushijnaxana ca ndoteec oro mayi nqachilguishic, da yaqto' ÿataqta 'am sallaxanec, qataq da 'auashijnaxanalo caua 'ogo lapagaxaiqa, da yaqto' 'auapolec da 'adsalhuaxa mayi i'ot da n'agaxa, qataq da 'aushijnaxana ca lata'q naua 'ad'ai'te, da yaqto' 'anauaañi.

Nuevo Testamento Toba Sombrero Negro

¹⁸ Qo'che' 'uo da'me ami jaqatalo nayi: jayem anec'achiya qaedi aneuodeñiya jaga'me oro jo'ne yoqovita q'aen ga'me dole' lauaq, qaedi male ami yataqatelo'te neuoyaĝadi, nataq'aen jayem anec'achiya qaedi aneuodeñiyalo gaa'me nouo jo'ne pagaĝayaqa, qama'le auaiñidiñe qaedi auapadiñelegue da'me adepocoqoilegue da'me adajaleuaĝa, qama'le nach'e ena'am aneuodeñiya ga'me natadenataĝanaĝat qaedi auachiyañilo naa'me at'aechidi' qama'le yitaĝa aneloitegue.

La'aqtaqa Ñim Lo'onatac 'Enauacna 2013

¹⁸ Qaq ỹoqo'oye nagui 'am seqata da Aỹem 'auachegoxoto'ot qome da 'ausheenaxana cam ỹoqta 'eesa da 'am sallaxanec naqa'en. Cha'aye ca Aỹem chegoqo'ot ỹataqta 'eesa da lta'araic da lashiichiỹaxac, 'eeta'am ca oro da ime da nqatelaguec. Da saishet da 'auauotaique da huo'o ca 'ara'agaxa da qouetauec, nache 'auaconegueta naua anogo lapagaxaiqa maye 'am sanema da yaqto' 'aayiñi qataq na lata' naua 'ara'ai'te, da yaqto' ỹoqta 'anauaachiguiñi.

Apocalipsis 3:18 Iomraidhean Croise

Mateo 13:44

Da l'onataxanaxac ñi Dios mayi neta'ague da piguem, damayi 'eeta'am aca laÿi' ana plata mayi qoÿoxotoigui ca 'alhua. Qaq huo'o so shiÿaxaua ilalec asa'aso laÿi' ana plata. Nachi qaltaq ÿoxojñi, ipagaqchiichiguiña ca lma'. Nachi ÿataqta lta'adaic da ntonaxac, nachi ÿi'iguelaq. Ime, nachi imen 'enauac nam logoxoshitpi, nachi deshijnaxana se'eso 'alhua.

Mateo 25:9

Qalaxayi soua qa'añole mayi ÿajnaxanaqchaqai 'ena'po': “'A'i, sa ishit. Ten, qom qomi' ichiÿaugalo, nataq'en da qoñiita. No'on da qanqo'oñiÿa cam imeetac, nachi qaushijnaxañiÿa cam qadcoÿadaxanaxachi.”

Lucas 12:21

Qaq 'eda qome da 'eetec cam shiÿaxaua da maichi loguishiguem naq'en da maichi lsallaxa, qalaxayi ñi Dios ÿaÿaten camayi da ÿataqta choxodaq.

2 Corintios 5:3

cam ishit da qomi' napoxonaxanaxaayiñi, 'eeta'am ca nogoxot, da yaqto' sa ishit da souaqtauec.

2 Corintios 8:9

Cha'ayi mashi qauauattoñi qami' da lqouagaxanaqtaic so qadataxala' Jesucristo, da somayi ÿataqta sallaxanec. Qalaxayi somayi ÿataqta nachoxoden, souaxat da lauotaxanaqtaic da qoñiita, yaqto' qami' ishit da qami' sallaxanqa, souaxat da lachoxoyic somayi.

1 Timoteo 6:18

Qonapega nataq'en da i'ot ca no'on, yaqto' 'ico' lsallaxa da l'onataxanaxac ÿaÿamaqchiguiñi. Qataq qaica ca ÿictega da huo'o ca ÿan da detaunaxanot.

Santiago 2:5

Qami' ÿaqaÿa't, qami' ñauochaxa'u, qan'axaÿaxañiÿa da i'aqtac: Ñi Dios lca'aguishic na shiÿaxauapi mayi choxodaq nam huetalec ana 'alhua, ÿauotaique da chochaq huañi naq'en da lpi'iÿaxac 'ico' lsallaxa, qataq nshitaique da talec da lalamaxat naq'en cam ñaq natauo l'onataxanaxac mayi ÿachaxanapeguem cam ÿataqta ÿauotec ñimayi.

1 Pedro 1:7

Cha'ayi dam qadpi'iÿaxaqui qami' 'eeta'am ca oro da iuen da qaÿi'iguenec ca nodec, da yaqto' qaÿaÿaten da ÿoqta no'on. Qaq ca npi'iÿaxac mayi nala'aguet da ñi'iguenataguec, nachi ÿataqta napacalec da lyac ca oro mayi taÿa'a da imeuo. Qaq ÿoqo'oyi qami' de'eda qadpi'iÿaxaqui da huo'otaq nachi 'eetec de'eda da qaÿi'iguen, nachi ÿataqta qaÿaÿamaxadeeta, qataq huo'o da lli'oxoyic qataq ñi'oxonnataguec qom ivita da nachaxan ca Jesucristo.

Apocalipsis 16:15

“Qaq ña qauloÿa, aÿim ñanac qom sa ishit da aÿim qaÿauotaique, shiita'am ca cachaxaic. Qaq ÿataqta machiguiñi qome cam nlotauec qataq cam ntela'alo caua alogo, da yaqto' sa ishit da huetauec, nachi na shiÿaxauapi ishit da ilogui da l'oquiaxac.”

Apocalipsis 19:8

qaq añimayi qaÿashiitem da n'ot da ÿaayiñi naua no'o'n alogo chigaqaiguilo na lino. Naamayi qui'itte' qataq qashile'c. Cha'ayi na nogoxot mayi chigaqaigui na lino, namayi nachi naigui dam nachaalataxac qui'itta nam lalamaxatpi ñi Dios.

Apocalipsis 2:9

Aÿim saÿaten 'enauac nam 'au'ottacpi qataq 'enauac na 'anque'ejnaxaguesat qataq dam 'adachoxoyic, nai'ctaxa da ÿataqta 'am sallaxanec. Qataq saÿaten da ÿataqta qauema naua ltaxaÿaxaco da 'am detaxaÿa nam 'eetega da judiopi, qalaxayi sa ishit da 'en. Chaqdata da namayipi i'amaqteetac so Satanás.

Apocalipsis 3:17

Cha'ayi 'am qonetega da 'am sallaxanec qataq ÿataqta 'auaÿamaqchiguiñi, qaica ca 'aueetac. Qaq sa ishit da 'aula'a da 'am ÿataqta qaica ca 'adama'. 'Am choxodaicolec, qaica ca yi, 'am qanamaic, qataq qouetauec.

Apocalipsis 4:4

Qataq naua laÿil asa'aso so'onaxaqui, qalaq sela'a aso veinticuatro nso'onaxaqui so nquedoxonecpi. Somayipi ÿataqta lapagaxaiqa naua alogo, qataq naua nado'ol ndoteec ana chigaqaigui na oro.

Apocalipsis 7:13

Nachi so 'oonolec so nquedoxonecpi aÿim inat, 'eeta': –¿Négue't ne'ena shiÿaxauapi mayi lapagaxaiqa naua alogo? ¿Chaq huá'ague ca chigaqa'ague?