Apocalipsis 3:15 - Nuevo Testamento Toba Sur

¹⁵ Aÿim saÿaten 'enauac nam 'au'ottacpi. Qataq saÿaten da sa ishit da 'am tomta, qataq sa ishit da 'am dapaqa. Qaq ¡'onaxáictaxa da chochi 'am tomta, huo'otaq da 'am dapaqa!

Nuevo Testamento Toba Sombrero Negro

¹⁵ Joote jayaten yema da'me auauoyi, da'me ja ami 'te omta nach'e ena'am da'me ja ami 'te p'e. ¡Quiliajaĝa da'me naq'aeta da'me ami omta, uotaĝa ami p'e!

La'aqtaqa Ñim Lo'onatac 'Enauacna 2013

¹⁵ Aỹem saỹaten 'enauac nam 'auo'ottacpi, qataq saỹaten da saishet da imauec da Aỹem 'aualaxaguet qataq saq 'amaqtaq da 'aralaxayec. ¡Qaq 'onaxaictaxa da imauec da Aỹem 'aualaxaguet, huo'otaq imauec da saishet da Aỹem 'aualaxaguet!

Apocalipsis 3:15 Iomraidhean Croise

Mateo 10:37

Ca ÿacteec da ÿauotec ca lta'a, huo'otaq aca late'e, da saq 'en'am naq'en aÿim da lauochi, nachi camayi sa ishit da ÿalamaxat. Qataq cam ÿacteec da ÿauotec ca llalec, huo'otaq aca llale, da saq 'en'am naq'en aÿim da lauochi, nachi camayi saq taiguet da ÿalamaxat.

Mateo 24:12

Qataq ÿataqta qalota qome na sa ÿaÿamaxañisat, qaq ÿoqo'oyi huo'o qome na ÿaxaañi da ÿauotec ca lÿa.

Mateo 6:24

Qaica ca ishit da dos naq'en caua n'aco'yi. Cha'ayi ishit da ÿaÿimec ca lÿa, qataq ÿauotec ca lÿa, huo'otaq da ÿataqta ÿalaxaguet ca 'oonolec, qaq ca lÿa qalaq ÿataqta i'otan. Qaq nachi 'eetec da sa ishit da qai'onataxanot ñi Dios qataq acam yi'oqchigui plata.

Romanos 12:11

Qataq ÿataqta qan'añaxachi, sa ishit da qami' hualaiqa. Qataq da qau'onataxañiitacot so qadataxala', qalaq ÿataqta imauec da qadquiyaqteÿaxaqui.

1 Corintios 16:22

Da huo'o ca sa ishit da ÿauotec so qadataxala' Jesucristo, camayi huetalec da lta'adaic nhuaxanaguec. ¡'Am qadataxala', saqaÿaloq qome da 'ayi'iguelaq!

2 Corintios 12:20

Cha'ayi aÿim huo'o da itelaxa da huo'otaq ivita da qami' ñoqo'onalo, qaq sa iuena'a da sa ishit da tachigui cam tatapigui yi iuel da qami' ñauaneto, qataq sa iuena'a, da qami' nataq'en sa ishit da tachigui cam tatapigui yi qadvilli da aÿim qanauañi'. Cha'ayi aÿim huo'o da icolanaxa da huo'otaq qami' quetanguilo ca cotaxac, pa'aguenaxac, nalemataic, shiÿaxaua sa iuen ca lÿa, qaÿasaxalec ca lasouaxashit ca nÿa, nvidaqtaxanaxac, 'amqajnaxac, qataq qaica ca naÿamaxa.

Filipenses 1:9

Qataq naxa da ñoqouagaxaueetac, qalaq seÿaxaataique da ña qanquigaxatshiguem da qadauotaxanaqtaiqui qataq na qadaÿajñiqui qataq da qadauattonaxanaxaqui,

2 Ts 1:3

Qami' qadqaÿa't, qomi' soqolaqtot da sanaqtacot da qan'achiquiaxac ñi Dios, souaxat da qoñiita. Qaq damayi nachi lataxac, cha'ayi qami' ÿataqta nquictashiguem da qadpi'iÿaxaqui qataq da lsoxoyic ñi 'oonolec da ÿauotec ca lÿa, ÿataqta nqochiitauec.

Santiago 1:8

Cha'ayi ca shiÿaxaua da saq ÿataxalguete naua lhuennataxaco, camayi ÿoqta sa ishit da quegue ca 'oonolec lataxac.

1 Pedro 1:22

Qaq nagui da chigoqchigui so Espíritu Santo da qami' qaualaqailec da n'aqtaxanaxac mayi ÿataqta 'eesa, nachi ÿataqta qauqui'itaxachiita da qanachaalataxaqui, da yaqto' ÿataqta qauauochiic na qadqaÿanquiipi. Qaq ÿoqo'oyi ñi 'oonolec da qoñiita ÿataqta imauec naq'en da lquiyaqteÿaxac qataq 'enauac da l'añaxac da ÿauotec ca lqaÿa.

Apocalipsis 2:2

Aÿim saÿaten 'enauac nam 'au'ottacpi, qataq saÿateeta da lta'adaic 'ad'onataxanaxac qataq da 'adhualaxavic. Qataq saÿaten da 'am sa ishit da 'anque'etaxaatapegue' da lataxac na qauemaicpi. Qataq aÿim saÿaten da 'am ÿataqta 'avi'iguen na 'eetega da lamaxashicpi so Jesús, qalaxayi saq 'en, qaq 'am 'aulalec namayipi da chochi tenataxanaxaicpi.

Apocalipsis 2:4

Qalaxayi aÿim huo'o da sa saÿamaxaden da qoneta, cha'ayi ¿tá'ainco'? Yi sa ishit da natenguet som hua'auchiguiñi lataxac da 'adauotaxanaqtaic.

Apocalipsis 3:1

Nataq'en 'auamaxa qome aca 'ede ñi namaxashic piguem l'ec mayi ilotague' na 'amqajnataxanaxaicpi mayi netaña yi Sardes. Qoneta': “'Eeta' da l'aqtac nam lasoqta'a so siete saq cha'api mayi chigoqo'ot ñi Dios qataq soua siete huaqajñi: Aÿim saÿaten 'enauac nam 'au'ottacpi, qataq saÿaten da 'am leuaxaic, nai'ctaxa da huo'o da 'an'aqtaguec da 'am 'anca'altauec.

Apocalipsis 3:16

Qalaxayi sa ishit da chochi 'am dapaqtai'. Qaq cha'ayi sa ishit da 'am tomta, qataq sa ishit da 'am dapaqa, qaq ÿoqo'oyi ishit da 'am sanolec.