Apocalipsis 3:1 - Nuevo Testamento Toba Sur

¹ Nataq'en 'auamaxa qome aca 'ede ñi namaxashic piguem l'ec mayi ilotague' na 'amqajnataxanaxaicpi mayi netaña yi Sardes. Qoneta': “'Eeta' da l'aqtac nam lasoqta'a so siete saq cha'api mayi chigoqo'ot ñi Dios qataq soua siete huaqajñi: Aÿim saÿaten 'enauac nam 'au'ottacpi, qataq saÿaten da 'am leuaxaic, nai'ctaxa da huo'o da 'an'aqtaguec da 'am 'anca'altauec.

Nuevo Testamento Toba Sombrero Negro

¹ “Nach'e ena'am auediñe da'me dojo' 'yaqataĝanaĝac qama'le auamaĝa ñe'me lamaĝajec ga'me tamenaĝaiqui jo'ne na'ña di'me Sardes: «Da'me ami jo'ne oñiya'ña di'me Sardes, ami janema nayi jenjo' 'yaqatac, mach'e jayem jo'ne ñejaliaĝatelo'te jogaa'me siete nepaqa'li jo'ne chiyoqo'ot joñe'me Dios nataq'aen yajoqot'a gaa'me siete uaqachiñil: Joote jayaten yema da'me auauoyi jo'ne chiyaqayi da'me a'naqataguequi da'me yataqata anec'aliitaye, qalaĝaja ja naq'aeta, dite da'me ena'am ta'le joote adelevi.

La'aqtaqa Ñim Lo'onatac 'Enauacna 2013

¹ «'Auauo'o aca 'ere, nache 'auamaxa ñi namaxashec maye ilotague' nam ỹa'amaqten So Jesús maye netaña ye nỹecpi ye Sardis. Qoneta': ‹Aỹem maye Aỹem hueto'oto soua siete saq cha'alo la'añaxaco Ñim Lo'onatac 'Enauacna qataq soua siete huaqaañi: Ñaq 'ana'axaỹaxana dam 'am sa'axatem: Aỹem saỹaten 'enauac nam 'auo'ottacpi, qataq saỹaten da 'ana'aqtaguec da qoỹeetega Aỹem 'aualaxaguet. Qalaxaye de'era saishet da 'en.

Apocalipsis 3:1 Iomraidhean Croise

Lucas 15:24

Cha'ayi de'eda ÿalcolec damayi mashi saqca, qalaxayi qaltaq nca'aleec. Damayi daqat, qalaxayi mashi sanataxa.” Nachi qai'ot se'eso n'ashaxac.

Lucas 15:32

Qalaxayi nagui no'on da so'otaq ca qadqui'axac da ñitonaqpigui'. Cha'ayi ñi 'adqaÿa, ñimayi mashi saqca, qalaxayi qaltaq nca'aleec; ñimayi daqat, qalaxayi mashi sanataxa.”

Juan 1:16

Qaq 'enauac da shinaqta saconaxaguet dam chochaq huañi lsallaxa dam lqouagaxanaqtaic mayi nacalec lÿa da qomi' ÿanema.

Juan 1:33

Qaq aÿim ñaq saxanaxa da sauatton chaq negue'tca que'eca shiÿaxaua. Qalaxayi ñi aÿim namaq da yaqto' sachilaxanataxana na 'etaxat, ñimayi aÿim 'enapega co'ollaxa, 'eeta': “Qom 'am 'auauaachigui so Espíritu Santo da huo'otaq anac, nachi talec ca shiÿaxaua, qaq que'eca shiÿaxaua nachica qome ca dachilaxanataxana so Espíritu Santo.”

Juan 20:22

Nachi somayi iquetetoiguilo soomayi so l'at, nachi 'enapegalo, 'eeta': –Qauacoñiiguet qome na Espíritu Santo.

Juan 3:34

Cha'ayi cam namaq ñi Dios, camayi i'axa't naua l'aqtaqa ñi Dios, cha'ayi ñimayi ÿataqta imato'ot naq'en so n'Espíritu da ÿami' camayi.

Hechos 2:33

Qaq ÿoqo'oyi somayi ñi Dios ÿacoosop da ÿaueegue da piguem, idolec na lhuaq aloic. Huaña, nachi somayi ÿaconguet so Espíritu Santo mayi ÿachaxanapeguem co'ollaxa ñi lta'a da ÿanem. Qaq 'enauac de'eda qauauañiichigui qataq qau'aqaichigui, damayi chigoqo'ot somayi.

Efesios 2:1

Ñi Dios qami' ÿanema da qadca'alaxauai naq'en so Cristo co'ollaq qami' ñaq qoviitaigui da 'ico' qadleuaqai, souaxat nam sa ÿaÿamaxañisat qataq nam qadasouaxashichi

Efesios 2:5

nachi qomi' ÿanema da qadca'alaxaua naq'en so Cristo, nai'ctaxa da ñaq souaqtaigui co'ollaxa da 'ico' qomi' leuaxaiqa souaxat na qadasouaxashitpi. Qaq damayi maichi chigoqchigui da lqouagaxanaqtaic ñi Dios da huo'o mshi qami' nca'alaxatreec.

Colosenses 2:13

Cha'ayi qami' co'ollaxa soua ÿoxoguelo vi'iyi, qalaq 'eeta'am da qami' leuaxaiqa, souaxat na qadasouaxashichi, qataq souaxat da sa ishit da qaÿauo'o ca qan'anaxachi. Qalaxayi nagui ñi Dios qami' ÿanema da qadca'alaxauai naq'en so Cristo, qaq nachi ÿapalaxat 'enauac na qadasouaxashichi.

1 Timoteo 5:6

Qalaxayi aca pa'ai da nañanguet da sa ntel-la't, 'eeso'yi da ña nca'altauec, qalaxayi mashi 'ico' da ileu.

Santiago 2:26

Qaq ÿoqo'oyi ca npi'iÿaxac, da saqca ca ÿaÿamaqchiguiñi l'onataxanaxac, nachi 'ico' leuaxaic. 'Eeta'am da qad'oquiaxac da saqca som capegue' lqui'i, nachi ileu.

1 Pedro 1:11

Qataq so n'Espíritu so Cristo nal'ena co'ollaxa ÿaÿajnaxanaxanec se'eso l'aqtaxanaxanecpi ñi Dios dam taÿa'a nque'ejnaxac so Cristo qataq da lli'oxoyic mayi nca'attauo. Nachi somayipi ÿauotaique da ÿataqta ÿauattoota chaq negue't que'eca shiÿaxaua qataq huotaique da ÿaÿaten ca na'a'q mayi huetoigui cam i'axatta'aguet so Espíritu Santo mayi hueta'aguet somayipi.

Judas 1:12

Namayipi ÿataqta i'ot da n'agaxa da ÿalectaigui na qadqui'axaqui da ñi 'oonolec da qoñiita nhuana'ai' ca lqaÿa. Nachi namayipi ÿalectauo da deque'etac qataq nÿomtac, ÿataqta machiguiñi qataq ÿataqta qaica ca l'agaxa. Namayipi 'eeta'am ca nataxala' da maichi nteltapeguela't, qataq 'eeta'am ca l'oc mayi saq chigoxoigui ca 'etaxat, chochi ÿachitac na l'at, qataq 'eeta'am aca qo'ipaq mayi qaca ana ala da ivita ca laloqo', ÿataqta daqaqta da ivita da qanqat.

Apocalipsis 1:11

Qaq aÿim 'enapega, 'eeta': –Nachaÿim mayi aÿim l'auaxanec qataq nachaÿim mayi sepa'ateec, shiita'am aca l'auaxana ana leetrapi qataq aca pa'ateec. Qaq 'am 'edelec qome aca nede 'enauac na 'auauaachigui. Ime, qaq 'auamaxalo qome naua siete 'ale'u mayi netalguete na 'amqajnataxanaxaicpi mayi netaigui yi 'alhua Asia: yim Éfeso, Esmirna, Pérgamo, Tiatira, Sardes, Filadelfia, qataq yi Laodicea.

Apocalipsis 1:16

Qaq na lhuaq mayi aloic huetaiguilo soua siete huaqajñi. Qaq na alap netaigui so ÿiilonec ÿataqta ÿaxadaic, dos naua ala'pi. Qaq na lashic ÿataqta 'eeta'am añi nala' da ivita da 'edoigui.

Apocalipsis 1:20

Qaq 'eda dam saq cha'a n'aqtaguec asom siete huaqajñi mayi 'auauaachigui da huetaigui na iuaq qataq asom siete ncoÿadaxanaxaqui mayi chigaqaigui na oro, 'eeta': asom siete huaqajñipi, naigui ñi 'oonolec na namaxashic piguem l'ecpi mayi ilotague' na 'amqajnataxanaxaicpi mayi netalguete naua siete 'ale'u. Qaq aso siete ncoÿadaxanaxaqui naigui na 'amqajnataxanaxaicpi mayi netalguete se'esoua siete 'ale'u.

Apocalipsis 1:4

Aÿim Juan, samaxa ana ÿide naua siete 'ale'u mayi netalguete na 'amqajnataxanaxaicpi mayi netaigui yi 'alhua Asia. Qami' ÿaqaÿañicpi, ñishitaique da qami' qauacoñiiguet da nqouagaxanaqtaic qataq da nlagaxayic mayi chigoqo'ot ñi Dios, ñim nachi 'eetai' da huo'o, qataq ñim do'onataxaatac nagui, qataq naÿa'cna. Qataq nataq'en chigoqo'ot nam siete saq cha'api mayi datatau'a ca nso'onqa' ñimayi.

Apocalipsis 2:13

Aÿim ÿataqta saÿateeta 'enauac nam 'au'ottacpi, qataq saÿaten da qonetangui nam ilotague' so Satanás. Qalaxayi ñaqaiyita 'am ÿataqta aÿim qoquetelec, qaq ÿataqta sa ishit da 'axaañi da aÿim 'au'amaqteetac, nai'ctaxa da co'ollaq qaÿalauat so i'aqtaxanaxanec Antipas, som 'oonolec da qoñiita, mayi huaña yim hueta'a so Satanás.

Apocalipsis 2:19

Aÿim saÿaten 'enauac na 'au'ottacpi, qataq sauattoota da 'adauotaxanaqtaic, qataq da 'adpi'iÿaxac, 'ad'onataxanaxac, qataq da 'adhualaxavic. Qataq saÿaten da ÿataqta ÿacteec nagui da 'ad'onataxanaxac, qaq saq 'en'am so hua'auchiguiñi.

Apocalipsis 2:2

Aÿim saÿaten 'enauac nam 'au'ottacpi, qataq saÿateeta da lta'adaic 'ad'onataxanaxac qataq da 'adhualaxavic. Qataq saÿaten da 'am sa ishit da 'anque'etaxaatapegue' da lataxac na qauemaicpi. Qataq aÿim saÿaten da 'am ÿataqta 'avi'iguen na 'eetega da lamaxashicpi so Jesús, qalaxayi saq 'en, qaq 'am 'aulalec namayipi da chochi tenataxanaxaicpi.

Apocalipsis 2:9

Aÿim saÿaten 'enauac nam 'au'ottacpi qataq 'enauac na 'anque'ejnaxaguesat qataq dam 'adachoxoyic, nai'ctaxa da ÿataqta 'am sallaxanec. Qataq saÿaten da ÿataqta qauema naua ltaxaÿaxaco da 'am detaxaÿa nam 'eetega da judiopi, qalaxayi sa ishit da 'en. Chaqdata da namayipi i'amaqteetac so Satanás.

Apocalipsis 3:15

Aÿim saÿaten 'enauac nam 'au'ottacpi. Qataq saÿaten da sa ishit da 'am tomta, qataq sa ishit da 'am dapaqa. Qaq ¡'onaxáictaxa da chochi 'am tomta, huo'otaq da 'am dapaqa!

Apocalipsis 3:2

Qaq 'anlouec qome, nachi 'au'añaqchit dam ñaq huo'o 'ad'onataxanaxac mayi mashi huotaique da imeuo. Cha'ayi aÿim sela'a da sa ishit da nalochiguiñi da 'ad'onataxanaxac da imeteetac ñi ita'a Dios.

Apocalipsis 3:8

Aÿim saÿaten 'enauac nam 'au'ottacpi. Qaq aÿim 'am sanem ñi 'ico' lasom ÿauattaigui mayi sa ishit da huo'o ca ÿapogui. Cha'ayi nai'ctaxa da saqalligueme da 'ad'añaxac, qalaxayi ÿataqta 'aualaxalec da i'aqtac, qataq sa ishit da aÿim 'ancoqtapeguelec.

Apocalipsis 4:5

Qaq asa'aso so'onaxaqui chigoqtapegueu'a na nqashilgaxa, nlamaxa, qataq na nalataxa. Qataq soua siete ncoÿadaxanaxaqui', na l'edaxa 'eeta'am na nodec. Qaq soomayi nachisoua soua siete saq cha'alo mayi chigoqo'oto ñi Dios.

Apocalipsis 5:6

Nachi sela'a so huetangui na laiñi som so'onqa', huetanguilo soua cuatro shiguiÿac qataq so nquedoxonecpi. Somayi 'eeta'am na qagueta llalec. Qaq somayi nachattañi, qaq yi'oqta da 'eetec co'ollaq qaÿalauat. Qaq somayi siete ana lcouepi qataq siete naua l'ai'te. Qaq ne'enaua l'ai'te nachinaua naua siete saq cha'alo mayi namaxalo 'enauac ana 'alhua ñi Dios.