Apocalipsis 22:8 - Nuevo Testamento Toba Sur

⁸ Qaq aÿim Juan sa'aqchigui qataq sauaachigui 'enauac ne'enapi. Qaq can ime da sa'aqchigui qataq sauaachigui, nachi aÿim sa'adoto naua illicte so namaxashic piguem l'ec mayi aÿim ÿachaxaatega 'enauac ne'ena, da sauotaique da ñatomnot.

Nuevo Testamento Toba Sombrero Negro

⁸ Jayem Juan naqayem jo'ne 'uo da'me jauana, nach'e ena'am da'me jomachilo'te naa'me naajo' jo'ne uo'oe, chane'eja da'me yem da'me male jauanalo nataq'aen da'me jomachiyalo, qama'le jejocoto naa'me yeliquetel naa'me lapia'te joñe'me piyem le'ec, ñe'me jo'ne 'uo da'me jayem yaloĝona, queda'me te'me 'ñonaĝachigui joñe'me.

La'aqtaqa Ñim Lo'onatac 'Enauacna 2013

⁸ Qaq aỹem Juan sa'aqchigui qataq sauaachigui 'enauac ne'enapi. Qaq can ime da sa'aqchigui qataq sauaachigui, nache aỹem sa'aroto naua illecte so namaxashec piguem le'ec maye aỹem ỹachaxaatega 'enauac ne'ena da sauotaique da ñatamnot.

Apocalipsis 22:8 Iomraidhean Croise

Hechos 10:26

Qalaxayi so Pedro ÿanaxanaxaashiguem somayi, nachi 'eetega, 'eeta': –'Anachajñi qome, cha'ayi aÿim nachi'am shiita'am, qomi' shiÿaxa'u.

Apocalipsis 1:1

Qaq 'eda da 'eetec da nauanaqchic mayi ÿami' ñi Dios so Jesucristo, da yaqto' somayi ishit da ÿaÿajnaxanaxanec na lamaxashicpi dam saqaÿaloq da yi'oq. Qaq so Jesucristo ÿachigoxotchigui so lamaxashic piguem l'ec da ÿaÿajnaxanaxan so lamaxashic Juan.

Apocalipsis 1:4

Aÿim Juan, samaxa ana ÿide naua siete 'ale'u mayi netalguete na 'amqajnataxanaxaicpi mayi netaigui yi 'alhua Asia. Qami' ÿaqaÿañicpi, ñishitaique da qami' qauacoñiiguet da nqouagaxanaqtaic qataq da nlagaxayic mayi chigoqo'ot ñi Dios, ñim nachi 'eetai' da huo'o, qataq ñim do'onataxaatac nagui, qataq naÿa'cna. Qataq nataq'en chigoqo'ot nam siete saq cha'api mayi datatau'a ca nso'onqa' ñimayi.

Apocalipsis 19:10

Nachi aÿim sa'adoto naua illicte, da yaqto' shi'oxoden som namaxashic. Qalaxayi somayi aÿim 'enapega, 'eeta': –Sa ishit da nachi qonetec de'eda. Cha'ayi aÿim chochi aÿim lamaxashic ñi Dios. Nachi 'am shiita'am, qataq 'enauac nam 'adqaÿañicpi mayi ÿataqta quetelguete nam l'aqtaxanaxaco mayi 'eesoda so Jesús. Qaq ñim Dios mayi 'avi'oxoden. Cha'ayi de'eda l'aqtaxanaxac so Jesús, damayi nachida da i'añaqchit nam i'axatta'pe naua l'aqtaqa ñi Dios.

Apocalipsis 19:19

Nachi sela'a som 'ico' da'ail'oc qataq na nta'alpi mayi huetalec ana 'alhua qataq 'enauac na nallippi. Qaq namayipi lapona't, da yaqto' qailogui' som netalec so caaÿo qataq so nallippi.