Apocalipsis 22:16 - Nuevo Testamento Toba Sur

¹⁶ –Qaq nachaÿim Jesús mayi ñamaq so ÿamaxashic, da yaqto' i'axatem 'enauac de'eda nam aÿim i'amaqteetac. Qaq nachaÿim mayi aÿim chigoxoguet so nta'a David qataq nachi sachigoxoguet somayi. Qataq aÿim mayi nachaÿim huaqajñi yi'oxoñi lalaqte.

Nuevo Testamento Toba Sombrero Negro

¹⁶ “Jayem Jesús nach'ayem jo'ne jamaq ñe'me yamaĝajec jo'ne piyem le'ec qaedi ami 'yaĝatema yema da'me dojo', da'me ami jo'ne ovitauelo gaa'me tamenaĝaiqui'. Naqayem jo'ne jachiyoĝoguet di'me David, nataq'aen da'me nach'ayem jo'ne uaqachiñi 'me edetañgui nale ne'teta.”

La'aqtaqa Ñim Lo'onatac 'Enauacna 2013

¹⁶ «Aỹem samaq so ỹamaxashec piguem le'ec, da yaqto' da'aqtaxanem 'enauac de'era nam Aỹem ỹa'amaqteetac. Qaq Nachaỹem maye sachegoxoguet so nta'a David. Qataq nache Aỹem huaqaañi yo'oxoñi lashe maye ỹataqta 'eroigui da yo'oxoñitai'.»

Apocalipsis 22:16 Iomraidhean Croise

Mateo 1:1

Ana'ana nachana ana nanedaxalate som hua'au lta'alpi so Jesucristo som chigoxoguet so nta'a David qataq so Abraham.

Mateo 2:2

Nachi soomayi denataxaata'pe, 'eeta': –¿Huá'ague ca hueta'ague ca lta'a na judiopi mayi chita'ague da ñiguiñi? Cha'ayi de'eda nala' lliguishiguem mayi sepa'aqta'ague, qomi' ñiloqta'a aso l'anaqte huaqajñi. Qaq ÿoqo'oyi ñanaguenaq da shi'oxodenaq.

Mateo 22:42

nachi so Jesús inat somayipi 'eeta': –Qami', ¿chaq 'éetac ca qadhuennataqai cam nta'a mayi nca'alaxaqui? ¿Chaq négue't llalec camaxa? Nachi somayipi 'enapeco': –Qomyi camayi llalec so nta'a David.

Mateo 22:45

Qaq ¿huá'ago' ca 'eetec da ca nta'a mayi nca'alaxaqui da llalec so David, yi somayi ÿamata'ac da lataxala'?

Lucas 1:78

Cha'ayi nachida da maichi lsoxoyic qataq dam lqouagaxanaqtaic ñi qadta'a Dios da huo'o mshi chigoqtot naq'en na piguem da qomi' ÿanema aca 'ico' nala' mayi icoÿadelec ca dalaxaic na'a'q,

Lucas 20:44

Qaq ¿huá'ago' ca 'eetec so David da llalec cam nta'a mayi nca'alaxaqui, yi som David ÿamata'ac camayi da lataxala'?

Romanos 15:12

So Isaías nataq'en ÿiyiñi da l'aqtac ñi Dios, 'eeta': Ñaxatshiguem qome ca 'ico' lpa'a'q so Isaí, cam nachajñi da ilo'ogue qome na ÿotta'a't shiÿaxauapi; nachi namayipi ÿataqta huo'o qome da lpe'e camayi.

Romanos 9:5

Namayipi maichi llalaqpi som hua'au qadta'alpi. Qaq da yi'oqchigui lapachiyaxac namayipi chigoqtoigui so Cristo som qoÿanagui da qadta'a Dios da ilo'ogue 'enauacna, da yaqto' nachi 'eetai' da qaÿi'oxodeetac. Aja', nachi 'eetec de'eda.

2 Pedro 1:19

Qalaxayi nataq'en huo'o da lÿa ÿataqta 'eesa, damayi nachida da l'aqtaxanaxac som l'aqtaxanaxanecpi ñi Dios mayi qoÿittañi. Qaq qami' no'on qom ÿataqta qauloiteguet de'eda n'aqtaxanaxac, nachi damayi 'eeta'am aca ncoÿadaxanaxaqui da icoÿadelec cam napalaxa, chochi ivitta'a da yaqta'a yi'oxoñi, nachi nnoxooshiguem aca yi'oxoñi lalaqte huaqajñi, nachi icoÿadelguete naua qadquiyaqchilli'.

Apocalipsis 1:1

Qaq 'eda da 'eetec da nauanaqchic mayi ÿami' ñi Dios so Jesucristo, da yaqto' somayi ishit da ÿaÿajnaxanaxanec na lamaxashicpi dam saqaÿaloq da yi'oq. Qaq so Jesucristo ÿachigoxotchigui so lamaxashic piguem l'ec da ÿaÿajnaxanaxan so lamaxashic Juan.

Apocalipsis 1:11

Qaq aÿim 'enapega, 'eeta': –Nachaÿim mayi aÿim l'auaxanec qataq nachaÿim mayi sepa'ateec, shiita'am aca l'auaxana ana leetrapi qataq aca pa'ateec. Qaq 'am 'edelec qome aca nede 'enauac na 'auauaachigui. Ime, qaq 'auamaxalo qome naua siete 'ale'u mayi netalguete na 'amqajnataxanaxaicpi mayi netaigui yi 'alhua Asia: yim Éfeso, Esmirna, Pérgamo, Tiatira, Sardes, Filadelfia, qataq yi Laodicea.

Apocalipsis 1:4

Aÿim Juan, samaxa ana ÿide naua siete 'ale'u mayi netalguete na 'amqajnataxanaxaicpi mayi netaigui yi 'alhua Asia. Qami' ÿaqaÿañicpi, ñishitaique da qami' qauacoñiiguet da nqouagaxanaqtaic qataq da nlagaxayic mayi chigoqo'ot ñi Dios, ñim nachi 'eetai' da huo'o, qataq ñim do'onataxaatac nagui, qataq naÿa'cna. Qataq nataq'en chigoqo'ot nam siete saq cha'api mayi datatau'a ca nso'onqa' ñimayi.

Apocalipsis 2:11

Qaq cam ÿaÿaten da n'axaÿaxanaxac, qaq no'on da n'axaÿaxana da l'aqtac so Espíritu Santo da 'enapega na 'amqajnataxanaxaicpi, 'eeta': Cam dauegaxan qome, nachi camayi sa ishit da nque'etaxangui da lqui'ic ca ÿaqa'aguet nleuaxa.”

Apocalipsis 2:17

Qaq ÿoqo'oyi ca ÿaÿaten da n'axaÿaxanaxac, qaq no'on da n'axaÿaxana da l'aqtac so Espíritu Santo da 'enapega na 'amqajnataxanaxaicpi, 'eeta': Cam dauegaxan qome, nachi aÿim sanem da chic ca nallic saq cha'a mayi chigoqo'ot ñi Dios, qataq nataq'en sami' ca coma' lapagaxaic. Qaq que'eca coma' nanettalec ca dalaxaic l'enaxat mayi sa ishit da huo'o ca ÿaÿaten, chaqcata cam ÿaconguet mayi ÿaÿaten.”

Apocalipsis 2:7

Qaq cam ÿaÿaten da n'axaÿaxanaxac, qaq no'on da n'axaÿaxana da l'aqtac so Espíritu Santo da 'enapega na 'amqajnataxanaxaicpi, 'eeta': Cam dauegaxan qome, qaq aÿim sanem da chic ana ala ada qo'ipaq mayi chigaqaigui da nca'alaxa mayi netangui na laiñi yi lanaxanqa' ñi Dios.”

Apocalipsis 22:1

Nachi so namaxashic aÿim ÿachaxana so tala mayi chigoqtapoigui da nca'alaxa na l'ec 'etaxat. Somayi 'eeta'am na chauec, ÿataqta yi'oqchiguiñi. Qaq somayi chigoqteu'a ca nso'onqa' ñi Dios qataq so qagueta llalec.

Apocalipsis 22:11

Qaq ÿoqo'oyi nagui cam i'ottac ca sa ÿaÿamaxañi, qalaq qaÿauaqta'a da i'ot. Qataq cam nshipaxan da nachaalataxac, qalaq ña nshipaxanaqchit. Qaq cam i'ottac ca ÿaÿamaqchiguiñi, qaq no'on da i'ot. Qataq cam nañanot da quetague' ñi Dios, qalaq no'on da ÿataqta quetelec ñimayi.

Apocalipsis 22:20

Qaq som i'axattac de'eda 'eeta': –Aja', aÿim saqaÿaloq da ñanac. Aja', nachi 'eetec. ¡Ña 'auanac, 'am qadataxala' Jesús!

Apocalipsis 22:6

Ime, nachi so namaxashic aÿim 'enapega, 'eeta': –Ne'ena n'aqtacpi ÿataqta 'eesa, qaq namayipi ishit da qaipi'iÿa'a. Qaq ñim qadataxala' Dios mayi nachiñi ñi i'añaqchit nam l'aqtaxanaxanecpi, ñimayi namaq na lamaxashic, da yaqto' ÿachaxana na do'onataxaatacotpi ñimayi dam saqaÿaloq da yi'oq.

Apocalipsis 3:13

Qaq cam ÿaÿaten da n'axaÿaxanaxac, qaq no'on da n'axaÿaxana da l'aqtac so Espíritu Santo da 'enapega na 'amqajnataxanaxaicpi.”

Apocalipsis 3:22

Qaq cam ÿaÿaten da n'axaÿaxanaxac, qaq no'on da n'axaÿaxana da l'aqtac so Espíritu Santo da 'enapega na 'amqajnataxanaxaicpi.”

Apocalipsis 3:6

Qaq cam ÿaÿaten da n'axaÿaxanaxac, qaq no'on da n'axaÿaxana da l'aqtac so Espíritu Santo da 'enapega na 'amqajnataxanaxaicpi.”

Apocalipsis 5:5

Nachi so 'oonolec so nquedoxonecpi aÿim 'enapega, 'eeta': –Sa ishit qome da 'anoÿiitac. Cha'ayi ñi qoÿiitega León mayi chigoxoigui na llalaqpi so Judá, nataq'en chigoxoguet so nta'a David, ñimayi dauegaxan. Qaq ñimayi ishit da ÿauachigui ada'ada nede qataq da nqa't soua siete qaiuaxaatalguete n'anaxanaqte.