Apocalipsis 22:14 - Nuevo Testamento Toba Sur

¹⁴ Qaq ÿataqta machiguiñi qome ca iÿoi' naua alogo, yaqto' ishit da nhuaatau'a aca qo'ipaq mayi chigaqaigui da nca'alaxa, qataq da yaqto' ishit da inoxoneu'a ñi lasom yi'iyi la ciudad.

Nuevo Testamento Toba Sombrero Negro

¹⁴ Made'tape jogaa'me jo'ne yiyo'y joga'me louo, qa'a nach'egaua jo'ne yauata da'me 'uo da'me ladiquiyaĝa'j q'aen jaga'me epaq jo'ne 'uo da'me nec'alaĝa choqoda'me e'n yaqanate't da'me tado'uet q'aen joga'me najom ga'me noic.

La'aqtaqa Ñim Lo'onatac 'Enauacna 2013

¹⁴ Nam ỹaxaañi da ỹo'ottac na qauem, nache Ñim Lo'onatac 'Enauacna ỹaalec ca nqouagaxa, nache ỹami' da nhuanaua'a da chec ana ala ara qo'oipaq maye chegaqaigui da nca'alaxa maye chochaq tatec. Namayepi ishet da inoxoneua'a na lasompi yi'iye nỹecpi.

Apocalipsis 22:14 Iomraidhean Croise

Juan 10:7

Nachi so Jesús qaltaq ÿi'iguelaxalec da da'aqtaxan, 'eeta': –Ÿataqta 'eesa de'eda qami' sa'axatema, 'eeta': Aÿim mayi nachaÿim lasom mayi aÿim lligueuo ana qagueta.

Juan 10:9

Qaq aÿim mayi nachaÿim lasom. Qaq ca aÿim tateu'a, nachi camayi nca'aleec. Nachi camayi 'eeta'am aca qagueta da pa'auo qataq da npa'aueguesop aca laÿi', nachi ÿanata ca 'auaqpi.

Juan 14:15

Qaq da qami' aÿim qauauochiic, qaq qaualaqailguete naua ÿamaxasoxonaxaco.

Juan 14:6

Nachi so Jesús 'enapega somayi, 'eeta': –Aÿim mayi nachaÿim nqa'aic, qataq nachaÿim 'eesa lataxac, qataq nachaÿim nca'alaxa. Saqca ca lÿa ñigueuo da qainoxoneu'a ñi ita'a, nachaqaÿimta.

Juan 4:12

Som hua'au qadta'a Jacob co'ollaxa qomi' n'onaxata'agueta ana'ana lli'illoxoqui. Anamayi nachana co'ollaxa ana yi'illiitapigui qataq som llalaqpi, qataq som n'atetpi. Qaq, ¿'am peta'a 'anapacalco' somaxa?

1 Corintios 7:19

Nai'ctaxa da huo'o ca n'anaxashit na l'oc ca shiÿaxaua, huo'otaq qaica, qalaxayi nachi 'en'am. Cha'ayi chaqcata ca i'ot na lqataxacpi ñi Dios nachica ca qaÿaÿamaxadeeta.

1 Corintios 8:9

Qalaxayi qami' qautelaqtaxañiÿot de'eda qadataxaqui mayi huosochiguiñi da sa ishit qome da huo'o ca lasouaxashit naq'en ca saxanaxa da da'añi da lpi'iÿaxac.

1 Corintios 9:5

qataq nataq'en da ñinaictague' aca iua 'amqajnataxanaxai, 'eeta'am da 'eetec na laÿipi lamaxashicpi so qadataxala' Jesús, qataq soua lalamqa'te lqaÿa't, nataq'en so Pedro.

Gálatas 5:6

Qataq da mashi sogote da ñi'adaqtau'a so Cristo Jesús, nachi ÿataqta qaica ca naigui da qaÿauo'o ca n'anaxat na l'oc ca shiÿaxaua, huo'otaq jegatai'. Cha'ayi dam ÿataqta huo'o ca naigui, nachida dam qadpi'iÿaxac. Qaq de'eda qadpi'iÿaxac, nachida da qomi' nachaatoiguilo naq'en da nsoxoyic.

1 Juan 3:3

Qaq 'enauac nam huo'o da lpe'e somayi, namayipi ÿataqta nqui'itaxatta, 'eeta'am da 'eetec so Jesucristo da ÿataqta qui'itta.

1 Juan 5:3

Cha'ayi da qaÿauotec ñi Dios, damayi naigui da qaÿalaxaguet nam lamaxasoxonaxacpi ñimayi. Qaq nam lamaxasoxonaxacpi sa ishit da qapa'atta.

Apocalipsis 2:7

Qaq cam ÿaÿaten da n'axaÿaxanaxac, qaq no'on da n'axaÿaxana da l'aqtac so Espíritu Santo da 'enapega na 'amqajnataxanaxaicpi, 'eeta': Cam dauegaxan qome, qaq aÿim sanem da chic ana ala ada qo'ipaq mayi chigaqaigui da nca'alaxa mayi netangui na laiñi yi lanaxanqa' ñi Dios.”

Apocalipsis 21:12

Qaq ne'enaua laÿil se'eso la ciudad, qalaq huo'o so lta'adaic lcopaqtaxat ÿataqta qaÿoqotchiguemec, qataq ivi' doce naua laso'mi, qataq 'oonolec ñi namaxashic nam huetaigui na lasompi da ilotague'. Qataq nam l'enaxatpi so doce llalaqpi so Israel nachi nanettalguete naua laso'mi.

Apocalipsis 21:27

Qalaxayi sa ishit da inoxoneu'a yimayi ca nshipaxan, huo'otaq ca ncocatapiguilo naua n'onataxaco, huo'otaq ca datenataxan, chaqcata ca qoÿittau'a ca l'enaxat aso lede so qagueta llalec asom nanedaxalate nam chochaq tateec da lca'alaxa.

Apocalipsis 22:2

Qaq nam laiñi so nqa'aic mayi lainguishic se'eso la ciudad, nachi nacchiguingui se'eso tala. Qaq naua loiguiyi se'eso tala nachi queteguelo ana qo'ipaq mayi chigoqtapoigui da nca'alaxa. Qaq ana'ana qo'ipaq da inoxoneec ñi ca'agoxoic, qataq huo'o ana ala. Qaq doce da ÿi'iguelaxalec da huo'o ana ala ñi 'oonolec vi'i. Qaq ana laue ana'ana qo'ipaq taiguet da latannaxanaqte na ÿotta'a't shiÿaxauapi.

Apocalipsis 22:7

–¡Saqaÿaloq da ñanac! ¡Qaq ÿataqta machiguiñi qome ca ÿalaxalec de'eda l'aqtaxanaxac ñi Dios mayi nanettalec ana'ana nede!

Apocalipsis 7:14

Nachi aÿim shiita': –Aque', 'am ÿataxala', 'am mayi 'auaÿaten. Nachi somayi 'eeta': –Qomyi ne'ena, nachina na chigoqtoigui da lta'adaic que'ejnaxac. Nachina na iÿoi' naua alogo qataq ÿataqta qui'itta, souaxat da deÿoxonalo naua ltago'q ñi qagueta llalec.