Apocalipsis 21:12 - Nuevo Testamento Toba Sur

¹² Qaq ne'enaua laÿil se'eso la ciudad, qalaq huo'o so lta'adaic lcopaqtaxat ÿataqta qaÿoqotchiguemec, qataq ivi' doce naua laso'mi, qataq 'oonolec ñi namaxashic nam huetaigui na lasompi da ilotague'. Qataq nam l'enaxatpi so doce llalaqpi so Israel nachi nanettalguete naua laso'mi.

Nuevo Testamento Toba Sombrero Negro

¹² Naa'me lael jodi'me noic, 'uo jena'me lequepaĝanaĝat t'adaic jo'ne qayaje'mec, jo'ne uo'oe naa'me najo'mi jo'ne doce, qama'le naa'me najo'mi uo'oe gaa'me onolqa'tape piyem laje' jo'ne uetaue'ta. Nataq'aen naa'me lenaqa'te ñaa'me doce lec'oqo'tepi ñe'me Israel joote qonedetalo'te naa'me jo'mi.

La'aqtaqa Ñim Lo'onatac 'Enauacna 2013

¹² Qaq na pa'auec somaye huo'o so lpaqtaxat ỹataqta logoraic qataq lta'araic coleesop somaye. Qaq se'eso lcopaqtaxat, huo'oi soua doce laso'omi lta'al maye ñeguereuo; qaq ñi 'oonolec soua ñeguereuo, nache hueta'a so 'oonolec namaxashec piguem le'ec da ilotague'. Qataq ñi 'oonolec soomaye nanettalec ñi 'oonolec nam le'enaxatpi soua doce llalqa so Israel.

Apocalipsis 21:12 Iomraidhean Croise

Mateo 18:10

Sa ishit qome da qau'otañi ca 'oonolec nam saqca ca l'amaqchic. Cha'ayi aÿim qami' shinapegalo da na nhuataxauapi mayi lamaxashicpi ñi Dios, namayipi nachi 'eetai' da datato'ot ñi ita'a mayi neta'ague da piguem.

Lucas 15:10

Qaq aÿim shinapec nataq'en da ÿataqta huo'o da ntonaxac nam Dios lamaxashicpi piguem l'ecpi, da huo'otaq ÿaxaadeec naua n'onataxaco ca shiÿaxaua 'itaxaloxoic.

Lucas 16:22

Qaq huo'o so na'a'q nachi se'eso choxodaq ileu. Nachi anac na lamaxashic piguem l'ecpi ñi Dios da ÿaueegue da piguem cam hueta'a so Abraham. Qaq som sallaxanec nataq'en ileu. Ime, nachi qailayiñi.

Hechos 26:7

Nataq'en nam llalaqpi soua sachigoxosoxogueta doce llalqa so Israel, namayipi nataq'en iuattaique qom ivita da ipacchigui de'eda qaÿachaxanapec co'ollaxa. Qaq ÿoqo'oyi namayipi ÿi'oxodeetac ñi Dios, qataq i'ot da l'aqtac 'enauaque naua na'axa'te qataq naua pe'. Qaq nachida de'eda ñaquitaxac, 'am ita'a Agripa, da huo'o mshi na judiopi aÿim npa'agueetega.

Hebreos 1:14

Qataq 'enauac nam namaxashicpi, namayi saq cha'a, do'onataxaatacot ñi Dios. Namayi qanamaq, da yaqto' itauan nam ÿaconguet qome da nca'alaxa.

Apocalipsis 21:13

Qaq tres soua laso'mi pa'adegue da yi'oxoñi, qataq tres soua pa'adegue da shi'u, qataq tres soua pa'adegue da taguiñi, qataq tres soua pa'adegue da avit.

Apocalipsis 21:15

Qaq som namaxashic mayi aÿim da'aqtaxaatapeguem, somayi nasoqta'a so laloqnaxanaxat mayi chigaqaigui na oro, da yaqto' naloqten se'eso la ciudad, qataq naua laso'mi, qataq som lcopaqtaxat.

Apocalipsis 21:25

Qataq naua laso'mi yimayi sa ishit da ÿapotaguilo yi na'a'q, qataq sa ishit da huo'o ca pe.

Apocalipsis 22:14

Qaq ÿataqta machiguiñi qome ca iÿoi' naua alogo, yaqto' ishit da nhuaatau'a aca qo'ipaq mayi chigaqaigui da nca'alaxa, qataq da yaqto' ishit da inoxoneu'a ñi lasom yi'iyi la ciudad.