Apocalipsis 20:11 - Nuevo Testamento Toba Sur

¹¹ Nachi sela'a aso late'edai so'onaxaqui lapagaxai qataq som nso'ootangui asomayi. Huaña, nachi ana 'alhua qataq na piguem ÿataqta nlagaxatapec, ÿataqta sa ishit da huo'o ca chapegue' namayipi.

Nuevo Testamento Toba Sombrero Negro

¹¹ Nataq'aen jauana jaga'me je'onaĝaiqui lat'edai jo'ne pagaĝai choqoñe'me jo'ne netañgui. Mane'e ca'li naloĝola't joñe'me, qama'le jena'me aleua choqodi'me piyem male nelagaĝa'tape, qama'le nalo'ta't da'me yapalaĝat, ja yitaĝa ta'le qoyauanalo.

La'aqtaqa Ñim Lo'onatac 'Enauacna 2013

¹¹ Qaq can ime de'era, nache sela'a aso late'erai so'onaxaqui lapagaxai qataq som nso'ootangui asomaye. Huaña, nache ana 'alhua qataq na piguem ỹataqta nlagaxatapec, nache qaica ca ishet da qaltaq ila'a.

Apocalipsis 20:11 Iomraidhean Croise

Mateo 11:22

Qaq ÿoqo'oyi qami' shinapegalo da que'eca pa'ateec na'a'q qom qaÿauo'o ca nhuaxanaguecna, nachi qami' ÿataqta ÿacteec ca qanhuaxanaguiiqui, qaq saq 'en'am nam netaña yi Tiro qataq yi Sidón.

Mateo 24:35

Na piguem qataq ana 'alhua imeuo qome, qalaxayi da i'aqtac sa ishit da imeuo.

Mateo 25:31

Qaq qom ivita da ñi'iguelaq na shiÿaxaua llalec da nta'a, nactaigui 'enauac na lamaxashic piguem l'ecpi, nachi nso'oongui aca nso'onaxaqui mayi ÿi'oxodaq da nta'a.

Romanos 2:5

Qalaxayi 'am ÿataqta qadamchigui añi 'adquiyaqte, qataq sa ishit da 'ai'axaadeec naua 'an'onataxaco. Qaq ÿoqo'oyi 'eeta'am da maichi 'alapootashiguem nam 'anhuaxanaguecpi, qom ivita ca na'a'q mayi huetoigui da ñi Dios ichoxot ca lasouaxashit ñi 'oonolec da ÿauo'o ca nhuaxanaguec.

2 Pedro 3:7

Qaq nachida qome de'eda l'aqtac ñi Dios da chigoqchigui da na piguem qataq ana 'alhua mayi ñaq huo'oi nagui da naamayi taÿa'alo naq'en ca nodec. Que'eca nodec nachica ca davigaqtaxan qom ivita da qanmit 'enauacna, qom ivita da qailaxachigui 'enauac nam qauemaicpi.

Apocalipsis 12:8

qalaxayi somayi sa ishit da dauegaxan. Nachi somayi qataq so nallippi qaica ca lma' na piguem.

Apocalipsis 16:20

Nachi 'enauac ana delecpi qataq ana comadelecpi imeuo.

Apocalipsis 19:11

Huaña, nachi sela'a na piguem da nauatoigui, nachi nachaxan so caaÿo lapagaxaic. Qaq som netalec l'enaxat ipacchiguilo naua l'aqtaqa qataq 'eesoda. Qaq da nloquiaxac ÿaÿamaqchiguiñi da nta'a qataq da nmit na shiÿaxauapi.

Apocalipsis 20:2

Qaq se'eso namaxashic, somayi ÿaconeu'a so 'ico' da'ail'oc som l'atchiguiñi n'adaxanaq mayi nachiso so shiÿaxaua lma'na, l'enaxat Satanás, nachi icoñidai' mil vi'iyi.

Apocalipsis 21:1

Ime, nachi sela'a so piguem dalaxaic qataq aso 'alhua dalaxai, cha'ayi so hua'auchiguiñi piguem qataq aso hua'auchiguiñi 'alhua mashi imeuo. Qataq aso auaxai nataq'en mashi imeuo.

Apocalipsis 21:5

Nachi som nso'ootangui asom nso'onaxaqui na nta'a 'eeta': –Ña 'aula'a, nagui aÿim ñadalaxat 'enauacna. Nataq'en 'eeta': –'Iyiñi qome ne'enapi, cha'ayi ne'ena n'aqtacpi ÿataqta 'eesa qataq ishit da qaipi'iÿa'a.

Apocalipsis 4:2

Huaña, nachi aÿim souaigui da l'añaxac so Espíritu Santo, nachi sela'a aso nta'a nso'onaxaqui neto'ot na piguem. Qaq asa'aso so'onaxaqui huo'o so nso'ootangui.

Apocalipsis 6:14

Qaq na piguem qalaq nlagaxatapec, 'eeta'am da qainana't. Qaq anam qasoxonaxapi qataq anam delecpi qalaq 'enauac ca'aisalo naua lma'te qanqoÿin.