Apocalipsis 2:9 - Nuevo Testamento Toba Sur

⁹ Aÿim saÿaten 'enauac nam 'au'ottacpi qataq 'enauac na 'anque'ejnaxaguesat qataq dam 'adachoxoyic, nai'ctaxa da ÿataqta 'am sallaxanec. Qataq saÿaten da ÿataqta qauema naua ltaxaÿaxaco da 'am detaxaÿa nam 'eetega da judiopi, qalaxayi sa ishit da 'en. Chaqdata da namayipi i'amaqteetac so Satanás.

Nuevo Testamento Toba Sombrero Negro

⁹ Joote jayaten da'me adachoĝodequi nach'e ena'am jayaten da'me qaya'te adeuoyaĝaqui, mate mane'e ena'am ta'le yataqata ami neuoyaĝadi, qama'le nach'e ena'am jayaten da'me eeta da'me ami dachinataĝalo'te jogaa'me jo'ne eetapela'ajalo lec'oqo'tepi joñe'me Dios. Qalaĝaja nach'egaua jo'ne ja p'etaqadayaqa, dite da'me chiyoqodayi da'me lemaĝac joñe'me Satanás.

La'aqtaqa Ñim Lo'onatac 'Enauacna 2013

⁹ Aỹem saỹaten 'enauac nam lqalaiguesat maye qouetaigui nagui, qataq saỹaten da 'am choxoraq, na'aictaxa da ỹataqta lta'araic da 'arsallaxa maye saqcha'a. Nataqa'en saỹaten naua ltaxaỹaxaco qauema maye 'am ỹasaqteguelec nam 'eetega da judiopi, qalaxaye namayepi ỹalectaigui nam lalamaxatpi so pa'aguenataxanaxaic.

Apocalipsis 2:9 Iomraidhean Croise

Mateo 4:10

Nachi so Jesús 'enapega, 'eeta': –'Am Satanás, aÿim qoca'ai, cha'ayi yi nanettañi l'aqtac ñi Dios 'eeta': “'Avi'oxoden ñi 'adataxala' Dios, qataq nachaqñita 'au'onataxanot.”

Lucas 12:21

Qaq 'eda qome da 'eetec cam shiÿaxaua da maichi loguishiguem naq'en da maichi lsallaxa, qalaxayi ñi Dios ÿaÿaten camayi da ÿataqta choxodaq.

Lucas 22:65

Qataq lapa na laÿipi n'aqtac somayi da qaishiueetac.

Lucas 4:18

So n'Espíritu ñi qadataxala' aÿim netanguit, cha'ayi aÿim qoÿanagui da yaqto' sa'axatem da no'on l'axaÿaxac nam choxodaqpi, qataq aÿim qaÿamaxalec da ñataden na huo'o da laquicoxo, qataq da yaqto' sa'axatem da qaisouec na ncoñitaguishicpi, qataq da sanem da nauaañi ñaq'en na qaicaua naua l'ai'te, qataq da yaqto' sesouec nam qaica ca nyacnataguec,

Lucas 6:20

Nachi so Jesús ÿamataigui so lapaxaguenatacpi, nachi 'enapeco': –Ÿataqta qauamaichiguiñi qami' mayi qami' choxoda'q, cha'ayi qadalamaxachi da l'onataxanaxac ñi Dios.

Juan 16:33

Qaq aÿim qami' sa'axatema 'enauac de'eda, yaqto' huo'o da qadlagaxayiqui da aÿim qan'ayiitau'a. Qami' ana 'alhua mayi qoviitalec huo'o qome da qanque'ejnaxaqui. Qalaxayi qan'añaxachi qome, cha'ayi aÿim mashi sogote da ÿoxonec nam 'onataxac mayi huetalec ana 'alhua.

Hechos 14:22

Nachi soomayi ÿataqta huaqattrega na 'amqajnataxanaxaicpi mayi netalguete ne'enaua 'ale'u, da yaqto' ÿataqta n'añaxattec da lpi'iÿaxac, qataq i'axattrac da qainoxoneu'a da l'onataxanaxac ñi Dios qom ilo'ogue 'enauacna, nachi ÿataqta qalota da que'ejnaxac.

Hechos 26:11

Qataq ÿataqta qalota da seuaxaatac namayipi da sauotaique da yaqto' ÿaxaañi da lpi'iÿaxac. Qaq 'eda da so'otec 'enauac anam laponaxaquipi nam judiopi. Cha'ayi aÿim ÿataqta qalota da iquiÿaxa namayipi, ÿoqo'oyi aÿim ivida'a da secanaxangui nam hueta'alo naua ÿaqa'alo la ciudad.

Romanos 12:12

Qataq ÿataqta qauamaichiguiñi souaxat dam qanaquitaxaqui. Qataq ÿataqta qauauo'oi da qanhualaxaunaxaqui da huo'o ca qanque'ejnaxaqui. Qataq sa ishit da qai'axañiiñi da qanatamnaxaqui.

Romanos 2:17

Qaq 'am mayi qonetega da 'am judío l'ec, qataq 'ai'ictega nam nqataxacpi mayi chigoqo'ot so Moisés, qataq 'añi'oxodeetapigui ñi 'adta'a Dios.

Romanos 5:3

Qaq sa ishit da chaqdata de'eda. Nataq'en samaqchiguiñi souaxat da qanque'ejnaxac. Cha'ayi qomi' saÿajnaq da de'eda que'ejnaxac i'ot da qadhualaxavic,

Romanos 8:35

Qaq ÿoqo'oyi ¿négue't ca ishit da nqanaxat da lauotaxanaqtaic so Cristo da shinaqta? ¿Peta'a nachida da qanque'ejnaxac, huo'otaq da huo'o da qadqalaic, huo'otaq da qancanaguec, qadqouaxa, huo'otaq qaica ca qanapogoña, huo'otaq ca lchic, huo'otaq da nleuaxa? ¡'A'i, qaica!

Romanos 9:6

Qaq sa ishit da huo'otaq sa ipaguelec nam ÿachaxanapecotpi ñi Dios so Israel, qalaxayi nam llalaqpi so Israel sa ishit da ima'a't da lalamaxatpi ñi Dios.

2 Corintios 6:10

Qaq nai'ctaxa da saquicoqta, qalaxayi nachi 'eetai' da samaqchiguiñi. Qataq qomi' choxoda'q, qalaxayi qalota na sesallaqchitaq. Nai'ctaxa da qaica ca yi da shinaqta, qalaxayi qaica 'enauac ca seuenaqtac.

2 Corintios 8:2

Cha'ayi nai'ctaxa da lqalaic yimayipi souaxat da ñi'iguenataguec, qalaq nachi 'en'am ÿataqta machiguiñi. Qataq nai'ctaxa yimayipi da ÿataqta choxodaq, qalaxayi ÿataqta chitaqtaxanaxaicpi, 'eeta'am da sallaxanecpi.

2 Corintios 8:9

Cha'ayi mashi qauauattoñi qami' da lqouagaxanaqtaic so qadataxala' Jesucristo, da somayi ÿataqta sallaxanec. Qalaxayi somayi ÿataqta nachoxoden, souaxat da lauotaxanaqtaic da qoñiita, yaqto' qami' ishit da qami' sallaxanqa, souaxat da lachoxoyic somayi.

1 Ts 3:4

Cha'ayi co'ollaq ñaq qami' souaqta'agueta, qalaq qami' sa'axataqtapeguema da saxaigui 'enauac na que'ejnaxaguesat. Qaq ipacchigui da sovidaxaguet. Qaq de'eda mashi qauaÿajñiita.

1 Timoteo 1:13

Qaq ñimayi aÿim i'otec de'eda, nai'ctaxa da so lÿa na'a'q ÿataqta sasaxalguete na itaxaÿaxaco qauema da sa seyacnapec, qataq secaatac, qataq seshiueetac. Qalaxayi ñi Dios ÿataqta aÿim ichoxoden, cha'ayi saxanaxa da sa'amaqten so Jesús, qataq ÿataqta sa saÿaten da so'ottac.

1 Timoteo 6:18

Qonapega nataq'en da i'ot ca no'on, yaqto' 'ico' lsallaxa da l'onataxanaxac ÿaÿamaqchiguiñi. Qataq qaica ca ÿictega da huo'o ca ÿan da detaunaxanot.

Apocalipsis 1:9

Qaq aÿim Juan mayi maichi aÿim qadqaÿai qataq qami' shiita'ama da huo'o da ñique'ejnaxac qataq da sa'axattac da l'onataxanaxac da ilo'ogue 'enauacna ñi Dios qataq da huo'o da ñiualaunaxac mayi chigoqo'ot so Jesucristo. Qaq aÿim qaicoñittai', sootaña añi delec, l'enaxat da Patmos, souaxat da aÿim sa'axattac da l'aqtac ñi Dios mayi qomi' nda'alo so Jesucristo.

Apocalipsis 2:13

Aÿim ÿataqta saÿateeta 'enauac nam 'au'ottacpi, qataq saÿaten da qonetangui nam ilotague' so Satanás. Qalaxayi ñaqaiyita 'am ÿataqta aÿim qoquetelec, qaq ÿataqta sa ishit da 'axaañi da aÿim 'au'amaqteetac, nai'ctaxa da co'ollaq qaÿalauat so i'aqtaxanaxanec Antipas, som 'oonolec da qoñiita, mayi huaña yim hueta'a so Satanás.

Apocalipsis 2:2

Aÿim saÿaten 'enauac nam 'au'ottacpi, qataq saÿateeta da lta'adaic 'ad'onataxanaxac qataq da 'adhualaxavic. Qataq saÿaten da 'am sa ishit da 'anque'etaxaatapegue' da lataxac na qauemaicpi. Qataq aÿim saÿaten da 'am ÿataqta 'avi'iguen na 'eetega da lamaxashicpi so Jesús, qalaxayi saq 'en, qaq 'am 'aulalec namayipi da chochi tenataxanaxaicpi.

Apocalipsis 2:24

Qalaxayi qami' mayi qoñiitaña na Tiatira mayi sa ishit da qoquiigue de'eda napaxaguenataxanaxac qataq sa ishit da qavichiÿa da qauauattoñi dam qoÿiitega saq cha'a lataxac so Satanás, qaq aÿim qami' shinapegalo da sa ishit da qaltaq sauo'o ca lÿa qami' sachilguete.

Apocalipsis 3:9

Qaq ÿoqo'oyi aÿim so'otec qome da i'adoto naua l-llicte da qoneta nam quetague' so Satanás, nam shipecaicpi mayi 'eetega da judiopi qalaxayi sa ishit da 'eesa, da yaqto' namayipi ÿaÿateeta da aÿim ÿataqta 'am sauotec.

Apocalipsis 7:14

Nachi aÿim shiita': –Aque', 'am ÿataxala', 'am mayi 'auaÿaten. Nachi somayi 'eeta': –Qomyi ne'ena, nachina na chigoqtoigui da lta'adaic que'ejnaxac. Nachina na iÿoi' naua alogo qataq ÿataqta qui'itta, souaxat da deÿoxonalo naua ltago'q ñi qagueta llalec.