Apocalipsis 2:3 - Nuevo Testamento Toba Sur

³ Qaq ÿataqta huo'o da 'anhualaxaunaxac, qataq da 'anque'ejnaxac, qataq qalota da 'ad'onataxanaxac souaxat aÿim, qalaxayi sa ishit da 'anasamtapiguiñi.

Nuevo Testamento Toba Sombrero Negro

³ Nataq'aen jayaten da'me oquitalegue da'me 'noota ladic, qama'le 'uo da'me adachoĝodequi queda'me yajouaĝat jayem, choqoda'me ja adeliñi'ñejop.

La'aqtaqa Ñim Lo'onatac 'Enauacna 2013

³ Qataq ỹataqta huo'o da 'anhualaxaunaxac. Qataq souaxat da Aỹem 'aualaxaguet, nache lta'araic da 'anque'eenaxac. Qalaxaye na'aictaxa da nache 'eetec de'era, qalaq ñaq 'eetalec da saishet da 'anasamiisop da Aỹem 'aualaxaguet.

Apocalipsis 2:3 Iomraidhean Croise

Marcos 15:21

Qaq huo'o so shiÿaxaua mayi lma' yi Cirene, l'enaxat Simón, som lta'a' soua Alejandro qataq Rufo. Somayi chigoqtauga na n'onaxa. Qaq somayi co'ollaq qanatena'aguet, nachi ÿachi qanqoÿin som npe'enaxaqui so Jesús.

Lucas 14:27

Qataq ca aÿim quegue, da huo'otaq sa ishit da lhuennataxa da aÿim ileetalec, qaq camayi sa ishit da ÿapaxaguenatac.

Lucas 18:1

So Jesús huo'o da daloqnaxana co'ollaq huotaique da dapaxaguenataxanec da iuen ca shiÿaxaua da nachi 'eetai' da nqouagaxaueetac, sa ishit da nasamñi.

Lucas 21:19

Qaq cam sa ishit da huo'o ca ÿoqocha'a, qaq nachica ca nauec cam nca'alaxa mayi chochaq tateec.

Lucas 5:5

Nachi so Simón 'enapeco': –'Am mayi 'auapaxaguenataxaatac, qomi' imauec so pe da shi'acoqtac, qalaq qaica ca qadalliguishic. Qalaxayi 'am yi qomi' 'auama'q, qaq nagui aÿim sasaxañi na ÿasagoxonaxat.

Lucas 8:15

Qaq asom nanguishi mayi tajlec som no'on 'alhua, qalaq naigui ca shiÿaxaua mayi no'on da lquiyaqteÿaxac, qataq lhuotta da n'axaÿaxan, qataq ÿalaxaguet da n'aqtac, qataq quetelec. Sa ishit da qoshiuec, qataq ÿataqta huo'o da alaÿaxac.

Juan 15:21

Qaq 'enauac qome ne'ena qami' qai'oteque souaxat aÿim, cha'ayi namayipi sa ishit da ÿauatton ñim aÿim namaq.

Romanos 12:12

Qataq ÿataqta qauamaichiguiñi souaxat dam qanaquitaxaqui. Qataq ÿataqta qauauo'oi da qanhualaxaunaxaqui da huo'o ca qanque'ejnaxaqui. Qataq sa ishit da qai'axañiiñi da qanatamnaxaqui.

Romanos 16:12

Nataq'en samaxa da iquinaxanaxac aca Trifena qataq aca Trifosa mayi do'onataxaatracot so qadataxala', qataq nataq'en aca qanauochaxaua qadqaÿa Pérside mayi qalota da ldaxac da i'ottac da l'onataxanaxac so qadataxala'.

Romanos 2:7

Nachi ñimayi ÿanem cam achaalataxac chochaq tateec cam quetot da i'ottac cam ÿaÿamaqchiguiñi qataq nmittaique da ñi Dios ÿanem ca lli'oxoyic, ñi'oxonnataguec, qataq cam achaalataxac mayi qaica ca loga't.

Romanos 8:25

Cha'ayi cam ñaquitaqtaique, da huo'otaq saxanaxa da yi'oq, nachi ishit da ÿataqta huo'o da qadhualaxavic da seuataqta'a.

1 Corintios 13:7

Qataq n'añaxateguet 'enauac na chochina, cha'ayi huo'o da lpi'iÿaxac, naquitaxac, lhualaxavic.

1 Corintios 16:16

Ÿoqo'oyi ñishitaique da qami' nataq'en ÿataqta qaualaqailec ca shiÿaxaua 'eeta'am namayipi qataq 'enauac nam detaunaxaatac qataq do'onataxaatac.

2 Corintios 10:15

Qaq sa ishit da ñipa'axanaqpeguelec ca l'onatac ca lÿa shiÿaxaua da huo'otaq se'enaxataqteguem ca maichi qadalamaxat. Chaqdata da qomi' ñaquitaqta'a da ña nquic da qadpi'iÿaxaqui, yaqto' qomi' ishit da nquicteec da qad'onataxanaxac da qoñiita, qalaxayi nachi 'eetai' da sa ishit da ñapagaqlec yi loga't da qad'onataxanaxac.

2 Corintios 11:23

¿Namayipi peta'a l-latacpi so Cristo? Qaq nataq'en aÿim ÿacteec da ñapactelec namayipi, qaq nai'ctaxa da 'ico' huo'o da ñi'onataxac da shinapec de'eda. Qalaxayi aÿim ÿacteec da i'onataxanaxac, saq 'en'am namayipi. Ÿacteec da ñiuaxanaguec, qataq ÿacteec da ñicoñitaguec. Qalota da sootaigui da lchic da ñalaataguec.

2 Corintios 4:1

Qaq ÿoqo'oyi qomi' sa ishit qome da sa ñi'añaxataq, cha'ayi ñi Dios dam lqouagaxanaqtaic qomi' ipataxalguete de'eda n'onataxanaxac.

2 Corintios 4:16

Qaq ÿoqo'oyi sa ishit qome da saq ñi'añaxataq. Nai'ctaxa da 'ico' taÿañicda da qad'oquiaxac, qalaxayi dam saq cha'a qanachaalataxac na'axa'tesat da nqochiitashiguem.

2 Corintios 5:9

Qaq ÿoqo'oyi ñipogoxoinaqtapegue' da qomi' ÿaÿamaxadeete' so qadataxala', nagui da ña ñachaataqtaigui da qad'oquiaxac, huo'otaq da mashi sa ishit da ñachaataqtaigui.

2 Corintios 6:5

Cha'ayi qomi' qaiuaxaata'pe, qomi' qaicoñi't, qomi' qaicogaxaata'pe, qataq ÿagueec da qad'onataxanaxac, sa ishit da so'ochaq, qataq soqouataq.

Gálatas 6:2

Ñi 'oonolec da qoñiita itauan qome ca lÿa da nachishiguem ca lli'ac, qaq yaqto' ishit da qaupaquiichigui da l'aqtac so Cristo.

Gálatas 6:9

Qaq ÿoqo'oyi sa ishit qome da ñasamaxañi da so'otaq ca ÿaÿamaqchiguiñi. Cha'ayi qom huo'otaq sa ñasamaxañi, nachi qom ivita ca naloqnec, nachi ñaqataq cam naigui ca so'otaqtac.

Filipenses 2:16

da huo'otaq qau'axachiim da n'aqtac mayi chigaqaigui da nca'alaxa. Yaqto' qom ivita da ñi'iguelaq so Cristo, nachi ÿataqta samachiguiñi souaxat da qoñiita, cha'ayi saÿateeta da sa ishit da saqca ca naigui da ñaqalgoxosoxoc qataq da i'onataxanaxac.

Filipenses 4:3

Qataq 'am i'onataxanaxaua mayi saq aÿim 'auÿoteec, 'am shinapega da 'autaua'n qome que'ecaua qadqaÿa't, cha'ayi caamayi ÿataqta qalota da ltaunaxanaxa'c aÿim da sa'axataqtac da nca'alaxa, nataq'en ca Clemente qataq nam laÿipi i'onataxanaxauapi. Qaq ñi Dios mashi ÿidelec acam nanedaxalate nam nca'aleec na l'enaxatpi namayipi.

Colosenses 1:11

Qataq seÿaxanaqtacot ñimayi, da yaqto' ÿachigoxotchigui da l'añaxac mayi qaica ca 'en'am da lli'oxoyic da qami' 'añaxaiqa naq'en, da yaqto' huo'o da qanhualaxaunaxaqui qataq da qantonaxaqui da qanaloÿa'aguet 'enauac na chochaqna,

1 Ts 1:3

Qaq ñim qadta'a Dios mayi souaqto'ot, ñimayi mayi ÿaÿateeta da qadhuennataxa da tachigui qadhuel da l'onataxanaxac da qadpi'iÿaxaqui, qataq da qadsoxoyiqui da qoviitague' na qadqaÿañicpii, qataq da qoquiito'ot qanaquitaxaqui ñi qadataxala' Jesucristo.

1 Ts 2:9

Qami' qadqaÿa't, machi qauaÿajñiita co'ollaq qami' souaqta'agueta, qalaq ÿataqta so'onataxanaqtac, qataq ñasamaqtañi. Cha'ayi ñishoqtaique da ñauegaq cam qadhuenec. Qaq nachida da huo'o mshi so'onataxanaqtac na na'axa'tesat qataq pesa'chi, yaqto' sa ishit da huo'o ca nsallaxaueetapegueto qomi' da qoñiita. Qaq 'eda da shinaqtec co'ollaq qami' sa'axataqtapeguema da l'aqtac ñi Dios.

1 Ts 5:12

Qami' qadqaÿa't, qami' ñachoxodenaqtoto da ÿataqta qauloÿiguet na l'onataxanaxanecpi so qadataxala' Jesús nam qami' ilotagueto qataq qami' huaqattegalo.

2 Ts 3:13

Qami' qadqaÿa't, sa ishito' qome da qadasamiiñi da qau'ochi da ÿaÿamaqchiguiñi.

2 Ts 3:5

Qaq so qadataxala' qami' itauanque da ÿataqta qauanomiiteguet da lsoxoyic ñi Dios, qataq qami' itauanque da qanhualaxaunaxaqui mayi 'eeta'am da lhualaxavic so Cristo.

2 Ts 3:8

qataq sa ishit da chochi sachiguenaqtac ca aloq ñi 'oonolec da qoñiita da huo'otaq sa seshiitenaq. Chaqdata da so'onataxanaqtac, ñasamaqtañi na na'axa'tesat qataq na pesa'chi, cha'ayi sauoqtaique da sa ishit da huo'o ca nsallaxaueetapegueto qomi' da qoñiita.

1 Timoteo 4:10

Qaq nachida da huo'o mshi so'onataxanaqtac qataq ñi'añaxataxaguet da qanshiunaguec, cha'ayi mashi hueto'ot ñi Dios da qanaquitaxac. Ñimayi mayi nca'altauec, qataq nachiñi ñi nshitaique da nca'alaxateec 'enauac na shiÿaxauapi, qalaxayi ca da'amqajnataxan nachica ca qanca'alaxateec.

1 Timoteo 5:17

Ca nataxala' da ÿataqta ÿaÿaten da ilo'ogue na 'amqajnataxanaxaicpi, camayi ÿataqta qaÿauotec qome qataq qaitauan. Lamaaxa da nañanguet da da'aqtaxan qataq dapaxaguenataxan.

Hebreos 10:36

Qami' iuen da ÿataqta huo'o ca qadhualaxaviqui, da yaqto' qau'ochi cam 'eetapeguec ñi Dios, qataq da yaqto' qauacoñiiguet cam ÿachaxanapec ñimayi.

Hebreos 12:1

Qaq ÿoqo'oyi qomi', cha'ayi ÿataqta qalota na qomi' datatau'alo shiÿaxauapi mayi ÿataqta ÿachaxaata da lpi'iÿaxac, nachi no'on da ñi'onaxataqchigui 'enauac nam qomi' sa'apiaqtapigui qataq nam ñi'itaxaloxo mayi qomi' nqanaxatta'pe. Nachi ÿataqta sauoqo'o da qadhualaxavic da ñaqalgoxosoq dam aloxoyaxac dam saqta'ague.

Hebreos 13:13

Qaq ÿoqo'oyi ñoqo'onaxauga qome so Jesús mayi huetauga que'eca qaÿoqteuga se'eso qanayiutaña, da yaqto' nataq'en ñique'etaxanaxagui da sa qaÿauo'o ca qanyacnataguec, da shinaqta'am da nque'ejnaxac somayi.

Hebreos 6:10

Cha'ayi ñi Dios sa ishit da huo'otaq sa ipaguelec ca l'aqtac. Qataq ñimayi sa ishit da icoua'ai da qad'onataxanaxaqui qataq da qadauotaxanaqtaiqui nam qadqaÿanquiipi mayi qad'amqajnataxanaxauaipi, dam ña qoquiito'ot nagui da qau'ochiitac.

Hebreos 6:12

Qataq sa saÿamaxadenaq da qami' qavi'iguelaqÿa da qaica ca qadasapachaqai, chaqdato' da qami' qau'enaxachi da lataxac nam chigoqchigui da lpi'iÿaxac qataq dam lhualaxavic, nachi ÿaconguet dam ÿachaxanapec ñi Dios.

Hebreos 6:15

Nachi so Abraham ÿataqta qaÿoqtegue da lhualaxavic da iuattaique de'eda, nachi somayi ivida'a da ÿaconguet dam ÿachaxanapecot co'ollaxa ñi Dios.

2 Pedro 1:6

qataq da maichi ntel-la't ca shiÿaxaua, qataq qauauo'oi da qadhualaxaviqui, qataq da qoquiitegue ñi Dios,

Apocalipsis 1:9

Qaq aÿim Juan mayi maichi aÿim qadqaÿai qataq qami' shiita'ama da huo'o da ñique'ejnaxac qataq da sa'axattac da l'onataxanaxac da ilo'ogue 'enauacna ñi Dios qataq da huo'o da ñiualaunaxac mayi chigoqo'ot so Jesucristo. Qaq aÿim qaicoñittai', sootaña añi delec, l'enaxat da Patmos, souaxat da aÿim sa'axattac da l'aqtac ñi Dios mayi qomi' nda'alo so Jesucristo.

Apocalipsis 3:10

Cha'ayi 'am ÿataqta 'au'ot da i'aqtac da ÿataqta 'anhualaxauen. Qaq ÿoqo'oyi aÿim 'am ñipaxatalec qom ivita ca laloqo' ca ñi'iguenataxanaxac mayi naguelec 'enauacna, da qaÿi'iguen 'enauac na netalec ana 'alhua.