Apocalipsis 19:8 - Nuevo Testamento Toba Sur

⁸ qaq añimayi qaÿashiitem da n'ot da ÿaayiñi naua no'o'n alogo chigaqaiguilo na lino. Naamayi qui'itte' qataq qashile'c. Cha'ayi na nogoxot mayi chigaqaigui na lino, namayi nachi naigui dam nachaalataxac qui'itta nam lalamaxatpi ñi Dios.

Nuevo Testamento Toba Sombrero Negro

⁸ Chane'eja nayi qoyaje'tema da'me yaidiñe jogaa'me louo Jo'ne 'loyaĝa'j da'me ualoq jo'ne yataqata yapagaq nataq'aen da'me yaqaselec.” Qa'a nach'enaua naa'me nouo jo'ne yelo'teguet da'me chimaqachiñe jo'ne 'lonataqa joga'me jiyaĝadipi jo'ne ja 'nalo'te.

La'aqtaqa Ñim Lo'onatac 'Enauacna 2013

⁸ Ñim Lo'onatac 'Enauacna no'otaxanaxan ỹanaxanaxaangui na no'on nogoxot maye chegaqaigui na lino, ỹataqta qui'itta qataq qashelectapiguiñi da lyac.» Qaq se'esoua nogo maye chegaqaiguilo na lino, naigui dam no'on ỹo'ottac nam lalamaxatpi Ñim Lo'onatac 'Enauacna.

Apocalipsis 19:8 Iomraidhean Croise

Mateo 17:2

Huaña, nachi qanadalaxat da nmejnaguec, ÿauaachiguilo soomayi. Na lashic co'ollaxa ÿataqta 'edoigui, 'eeta'am na l'edaxa aso nala'. Qaq soua alogo, qalaq ÿataqta ÿapaga'q, 'eeta'ama na n'edaxa.

Mateo 22:12

Nachi 'enapega somayi, 'eeta': “'Am iÿa, ¿tá'ainco' yi 'anpa'auo co'ollaxa yi sa ishit da 'ai'aatrañi caua anogo mayi lataxa'u da qaÿalectau'a ca nadonaxac?” Qalaxayi somayi sa ishit da ÿasat.

Marcos 9:3

Soua alogo ÿataqta qashilectrapiguiñi qataq ÿataqta qaica ca 'en'am da lapagaqa', ÿataqta qaica ca shiÿaxaua ana 'alhua da ishit da 'en'am naq'en da lapagaxa soua alogo.

Lucas 24:4

Nachi ÿataqta huo'o da lcolanqa' soomayi, qataq sa ÿaÿate'n ca 'eeteque co'ollaq qaila'alo soua dos shiÿaxa'u nachattrañi, huaqta'ato soomayi. Soua alogo ÿataqta qashilectrapiguiñi.

Hechos 1:10

Qaq soomayi co'ollaq ña ilotrague' so Jesús mayi taigue da piguem, nachi nachattreuo soua dos shiÿaxa'u lapagaxaiqa naua alogo da nachaxanalo soomayi.

Romanos 13:14

Chaqdata da qai'añiiñi da lataxac so qadataxala' Jesucristo, qoñiita'am ca qad'ogoxonaxachi. Qaq sa ishit da qauqochiÿai cam qauem 'eetapeguec dam yi'oqchigui qadapachiyaxaqui.

Romanos 3:22

De'eda 'eetec da ñi Dios ishit da qomi' ÿaÿamaxadeete', damayi chigoqchigui da qaipi'iÿa'a so Jesucristo, qaq ÿanem 'enauac nam da'amqajnataxan. Qaq sa ishit da lca'atagui na shiÿaxauapi,

Apocalipsis 15:4

Qaq ¿negue'tom cam sa ishit da saq huo'o ca 'enec naq'en 'am, 'am qadataxala'? Qataq ¿negue'tom ca saq 'am ÿi'oxoden? Cha'ayi nachaq'amta da 'am qui'itta, qaq 'enauac qome na ÿotta'a't shiÿaxauapi anac da 'am ÿi'oxoden. Cha'ayi ÿataqta qaÿauaachigui da sa ishit da 'anpe'enai' da 'anmit ca lataxac.

Apocalipsis 15:6

Qaq asa'aso n'onaxanaxaqui nachi chigoqtoiguilo soua siete namaxa'shi piguem lashi' mayi ÿachita'pe soua siete napaxaco. Qaq somayipi naua alogo chigaqaiguilo na lino, qataq ÿataqta qashile'c, qataq huo'oi naua lasot alaxa mayi chigaqaigui na oro, naguelguete naua ltogue.

Apocalipsis 19:14

Qaq somayi nachi ca'attague' na allippi piguem l'ecpi. Namayipi ÿaatrañi naua alogo mayi chigaqaiguilo na lino, ÿataqta ÿapaga'q qataq qui'itte'. Qaq netalec na caaÿo lapagaxaicpi.

Apocalipsis 3:18

Qaq ÿoqo'oyi nagui 'am saqata da aÿim 'auachigoxoto'ot qome da 'aushijnaxana ca ndoteec oro mayi nqachilguishic, da yaqto' ÿataqta 'am sallaxanec, qataq da 'auashijnaxanalo caua 'ogo lapagaxaiqa, da yaqto' 'auapolec da 'adsalhuaxa mayi i'ot da n'agaxa, qataq da 'aushijnaxana ca lata'q naua 'ad'ai'te, da yaqto' 'anauaañi.