Apocalipsis 18:14 - Nuevo Testamento Toba Sur

¹⁴ Qaq da qaitaxaÿa qome yi'iyi la ciudad, qalaq qoÿiita': –¡Qachi mashi imeuo 'enauac na 'adamanecpi, qataq imauec da daqat 'enauac dam 'adsallaxa qataq dam 'adyaquiaxac mayi 'am hueto'ot!

Nuevo Testamento Toba Sombrero Negro

¹⁴ Qama'le jenjo' jo'ne male qo'yaĝatem qomle di'me noic: “¡Male ja yitaĝa ta'le auanalo naa'me nana jala jo'ne ye't, jo'ne yataqachiñe anamañi'; yataqata qoyen qaya'alo qa'a nayi male nale'en da'me ja yitaĝa 'uo da'me te'me adeuoyaĝaqui choqoda'me adi'yoĝodiqui!”

La'aqtaqa Ñim Lo'onatac 'Enauacna 2013

¹⁴ Qaq da qaitaxaỹa qome ye Babilonia, qalaq qoỹeeta': «Mashe qaica ca 'arsallaxa maye nachaqrata 'arqopitaxat, mashe imauec da deqat 'enauac da 'aryacỹaxac qataq na 'ano'otaxatpi.»

Apocalipsis 18:14 Iomraidhean Croise

Mateo 11:8

Qaq ¿négue't som qami' qaumejnaxañiitapeuga? ¿Peta'a ÿataqta no'o'n naua alogo somaxa? Qami' qauaÿajñi da na shiÿaxauapi mayi ÿataqta no'o'n naua alogo, namayipi netaiguilo naua lma'te na nta'alpi.

Lucas 12:20

Qalaxayi ñi Dios 'enapega, 'eeta': “'Am shiÿaxaua ÿataqta qaica peta'a ca 'auaÿajnapec, nachina ne'ena pe 'am 'adeleu, qaq 'enauac nam 'auaÿamaxattac, ¿négue't qome cam talec?”

Lucas 16:25

Qalaxayi so Abraham 'enapego' somayi, 'eeta': “'Am ÿalec, 'auennate co'ollaq 'auaconguet da 'auaÿamaqchiguiñi, saqca ca da da 'anachaalataxac, qaq ñi Lázaro qalaq qauem da lliquiaxac. Qaq ñimayi nagui huo'o da ntaunaguec ne'ena hueta'a, qaq 'am machaq huo'o da 'anque'ejnaxac.

1 Corintios 10:6

Qaq 'enauac de'eda huaigui somayipi nachida da qanapaxaguenataguec, da yaqto' sa ishit da soqopitaqa'a ca sa ÿaÿamaxañi, 'eeta'am da 'eetec somayipi.

Santiago 4:2

Qami' da huo'o ca qauauoitaique, qalaxayi sa ishit da qauañoxochi da huo'o, nachi qaualaataxañi. Qataq qauqopichiita'a ca ÿaqa'a, qalaxayi sa ishit da qanqachiiñi, nachi qaupa'aguenataxañi qataq qauloquiaxanataxañi. Qaq sa qanqachiiñi ca qauauoitaique, cha'ayi sa qauÿaxañiÿot ñi Dios.

Apocalipsis 18:13

qataq nam laÿi lli'ac canela, qataq nam ÿotta'a't ama na laita, nchinaxanaxat, qataq na qo'ipaq lcha'q l'enaxat mirra, qataq na codaxat, lataxa, aceite, 'ayiiña, qataq na trigo; nataq'en na shiguiÿacpi mayi nauegaxanaxala', qaguetapi, caipi, naigonapi, qataq na nlatacpi mayi yi'oqchigui shiÿaxauapi.

Apocalipsis 18:15

Qaq nam shiÿaxauapi mayi lmenec ne'enapi qataq ÿachigoxotchigui da lsallaxa yi'iyi la ciudad, namayipi ÿataqta qaÿoqteuga, souaxat da ñi'iÿa da nhuaxanaguec yimayi. Nachi ÿataqta noÿiitac qataq n'alaqtapiguiñi.