Apocalipsis 17:3 - Nuevo Testamento Toba Sur

³ Qaq can ñaq sootaigui se'eso ÿauanaqchic mayi aÿim ÿanem so Espíritu Santo, nachi se'eso namaxashic aÿim ÿauega so tojlec 'alhua. Huaña somayi, nachi sela'a aso 'alo netalec so shiguiÿac togaxadaic mayi nanettalec 'enauac na l'oc na n'enaxatpi mayi ÿataqta npa'aguene' ñi Dios. Qaq somayi siete na lqaicpi, qataq diez ana lcouepi.

Nuevo Testamento Toba Sombrero Negro

³ Chane'eja 'uo da'me yem da'me jo'ne jayem yec'atenaĝanaĝanec ñe'me Dios Lepaqal, da'me jayem qoyauegue di'me aleua jo'ne totapega't. Qama'le jauana jañe'me yauo jo'ne netalegue ñe'me jiyac polio' jo'ne tomaĝadaic da'me 'loyaĝac, ñe'me jo'ne uetedalegue yema jena'me lo'oc naa'me nenaqa'te jo'ne ye'uetedac joñe'me Dios, ñe'me jiyac jo'ne siete naa'me laqai'go choqonaa'me lepeel nach'e ena'am da'me diez.

La'aqtaqa Ñim Lo'onatac 'Enauacna 2013

³ Qaq can ñaq sootaigui se'eso ỹauanaqchec maye aỹem ỹanem So Saqcha'a La'añaxac Ñim Lo'onatac 'Enauacna, nache se'eso namaxashec piguem le'ec aỹem ỹauegueuga so toolec 'alhua. Huaña somaye, nache sela'a aso 'alo netalec so shiguiỹac leguemaxaic togaxaraic da lo'oxoỹaxac. Se'eso shiguiỹac leguemaxaic siete naua lqaigo, qataq diez naua lcouel somaye nanettalec 'enauac na lo'oc na ne'enaxatpi maye ỹataqta npa'aguene' Ñim Lo'onatac 'Enauacna.

Apocalipsis 17:3 Iomraidhean Croise

Mateo 27:28

Ime, nachi qanqa't soua alogo, nachi qanapoxonaxanaxaaña so npo' togaxadaic.

Hechos 8:39

Qaq co'ollaq nnoxooyishigue'm so 'etaxat, nachi so n'Espíritu ñi qadataxala' ÿauec so Felipe. Nachi se'eso nta'a sa lÿa da nauane' somayi, qalaxayi somayi ÿi'iguelaxague ca lma', ÿataqta machiguiñi.

2 Ts 2:4

'Eca ca depa'aguenataxan mayi nachajñi da dataÿa'aguet 'enauac na ÿachitac da l'enaxat ñi Dios, huo'otaq nam qanatameetacotpi. Qataq ivitta'a da nso'oolec ca atamnaqa' da qanatamnot ñi Dios, nachi 'eetega da nachica ca Dios.

Apocalipsis 1:10

Qaq huetoigui so na'a'q mayi laloxoqui da qaÿi'oxoden so qadataxala', co'ollaq aÿim nvita da sootaigui da l'añaxac so Espíritu Santo. Nachi sa'axaÿa co'ollaxa so lta'adaic nvilÿaxac, chimaxague na ilaq, 'eeta'am na l-lamaxa ana nashiide.

Apocalipsis 12:14

Qalaxayi asa'aso 'alo qoÿanema soua dos late'el laua na vi'ic, da yaqto' ishit da huaÿa'a cam tojlec 'alhua, da yaqto' qaÿoqtaique naq'en se'eso n'adaxanaq, cam huaña da asomayi qaiqui'axaatac, chochi ividaxattreec caua tres vi'iyi, qataq ca laiñi ca lÿa vi'i.

Apocalipsis 12:3

Ime, qataq yi'oq so lÿa n'anec, huo'ot na piguem, 'eeta': Sa lta'adaic shiguiÿac 'ico' na da'ail'oc da lataxac. Qaq somayi togaxadaic, qataq siete na lqaicpi, qataq diez aso lcouepi. Qaq ñi 'oonolec nam lqaicpi ÿaatañi ana nado'o na nta'a.

Apocalipsis 12:6

Qaq asa'aso 'alo, qalaq datauec, taÿa cam tojlec 'alhua, cam ÿaqataxaatapigui' ñi Dios da huotaique lma' asomayi, da yaqto' asomayi qaiqui'axaatac, chochi ivittraue'c caua mil doscientos sesenta na'axa'te.

Apocalipsis 17:18

Qaq asa'aso 'alo mayi 'auauaachigui, nachiyi yim la ciudad lta'adaic mayi ilo'ogue 'enauac nam nta'alpi mayi huetalec ana 'alhua.

Apocalipsis 17:4

Qaq asa'aso 'alo da l'oguiaxac naua alogo, qalaq tocalec na lmalaqa' qataq na togaxadaic. Qataq na n'otaxatpi ndoteec na chigaqaigui na oro qataq na qashilgaxadaic coma' qataq ana perla. Qaq asomayi lasoqta'a aso ÿomaxaqui mayi chigaqaigui na oro. Qaq asa'aso ÿomaxaqui ÿataqta nlaqchigui nam i'ot da nqaigaxa qataq nam 'ico' lshipaxanaxa dam nquishishaxac.

Apocalipsis 18:12

Nam lli'acpi mayi huo'o na chigaqaigui na oro, plata, qashilgaxadaic coma', perla, qataq na no'on hualoq mayi chigaqaigui na lino, qataq na seda, qataq na imalaqlec da ltogaxa, qataq na togaxadaic; nataq'en 'enauac na ÿotta'a't qo'ipaq ama na laita, qataq nam n'onatac mayi chigaqaigui na marfil, qataq na no'on qo'ipaq, qataq na lcat l'enaxat bronce, hierro, qataq na coma' mármol;

Apocalipsis 18:16

Nachi 'eeta': –¡Ÿataqta 'am choxodaxaso', 'am mayi 'am lta'adaic la ciudad! 'Am mayi qoneta'am aca 'alo mayi n'otaxat na no'on hualoq. Naua alogo tocalguete na lmalaxa qataq na togaxadaic, qataq na n'otaxat chigaqaigui na oro qataq na qashilgaxadaic coma' qataq ana perlas.

Apocalipsis 21:10

Qaq can ñaq sootaigui se'eso ÿauanaqchic mayi aÿim ÿachaxana so Espíritu Santo, nachi som namaxashic aÿim ÿaviguishiguemec aso qaÿoqotchiguemec qasoxonaxa. Nachi aÿim ÿachaxana so lta'adaic la ciudad Jerusalén, ÿataqta qui'itta. Somayi chigoqto'ot na piguem, chigoqtot ñi Dios.

Apocalipsis 4:2

Huaña, nachi aÿim souaigui da l'añaxac so Espíritu Santo, nachi sela'a aso nta'a nso'onaxaqui neto'ot na piguem. Qaq asa'aso so'onaxaqui huo'o so nso'ootangui.