Apocalipsis 16:2 - Nuevo Testamento Toba Sur

² Nachi jec som hua'auchiguiñi namaxashic da icodelec ana 'alhua. Nachi 'enauac na shiÿaxauapi mayi huo'o ana n'anaqte mayi chigoqo'ot so shiguiÿac qataq natameetacot som n'enaqtac lqui'i, nachi namayipi nashiguem na l'oc na ÿataqta saq maxata lquesaxa qataq ÿataqta qui'aq.

Nuevo Testamento Toba Sombrero Negro

² Joñe'me piyem le'ec jo'ne 'uaechiñe male ec, qama'le yecodelegue ga'me le'ec jaga'me yomaĝaiqui jo'ne mach'e loqote jena'me aleua, qama'le yema ga'me jiyaĝadipi jo'ne netayelo ga'me en 'nanaĝaijetel ñe'me jiyac polio' nataq'aen da'me 'yamaqate'n da'me netametot ga'me lequi'i ñe'me, male naje'moto ga'me nijiquiaĝa jo'ne co'yaq nataq'aen da'me dalataĝanac.

La'aqtaqa Ñim Lo'onatac 'Enauacna 2013

² Nache jec som hua'auchiguiñi namaxashec piguem le'ec da icorelec ana 'alhua som huetagui aso ỹomaxaqui, nache 'enauac nam huo'o na na'anaqte maye chegoqo'ot so shiguiỹac leguemaxaic qataq ỹo'oxoreetac so ne'enaqtac maye lqui'i somaye, namayepi nasheguem na lo'oc na lquesaxa maye ỹataqta qaica ca 'ena'am da lqui'ic.

Apocalipsis 16:2 Iomraidhean Croise

Hechos 12:23

Lcopata, nachi anac so lamaxashic piguem l'ec ñi qadataxala', nachi dalola naq'en so Herodes, cha'ayi somayi sa ishit da ÿi'oxoden ñi Dios. Nachi anac na qochi'l, chic, chochi ivitta'a da ileu.

Apocalipsis 13:12

Qaq somayi ÿataqta imatta't 'enauac da l'añaxac som hua'auchiguiñi shiguiÿac. Qaq imeteetac naq'en somayi. Huaña, nachi 'enauac ana 'alhua qataq na huetalec anamayi ÿi'oxoden naq'en som hua'auchiguiñi shiguiÿac mayi qanataden so lque'emaxa mayi ishit da qanlem.

Apocalipsis 14:16

Nachi som nso'ootalec so l'oc nachi iquesoxoñi so lpetegaxanaxat, da yaqto' nqat ana ala na nanguishic mayi huetalec ana 'alhua.

Apocalipsis 14:9

Qataq ca'attalec so lÿa namaxashic, nataq'en ÿataqta n'axannec da l'aqtac, 'eeta': –Ca ÿi'oxodeetac ñi shiguiÿac qataq so n'enaqtac lqui'i, qataq da huo'otaq ÿauo'o aca n'anaqte na latap, huo'otaq na lhuaq,

Apocalipsis 16:1

Nachi sa'axaÿa so nvilÿaxac ÿataqta alam, chigoqtoigui aso n'onaxanaxaqui da 'eetega som siete namaxashic piguem l'ecpi, 'eeta': –Qauesomiÿa qome, qaucoyiilec ana 'alhua nam siete 'ico' ÿomaxaqui' mayi huetaguilo nam qaica ca 'en'am da lchiquiaxac lhuaxanaxanaxaco ñi Dios.

Apocalipsis 16:11

Qalaxayi namayipi nachi 'en'am sa ishit da ÿaxaañi na qauempi mayi i'ottac. Nachaqdata da ÿataqta ishiueetac ñi Dios mayi neto'ot na piguem, souaxat da nqui'ic qataq na lquesaxa.

Apocalipsis 8:7

Nachi som hua'auchiguiñi namaxashic can dashiidaxan, nachi anac aso lachi qataq so nodec ÿalecteguet na ntago'q mayi qaicodelec 'enauac ana 'alhua. Nachi ÿavic añi 'oonole naua tres qo'ipa, nataq'en ana 'alhua, qataq na 'auaqpi dadala.