Apocalipsis 14:4 - Nuevo Testamento Toba Sur

⁴ Qaq somayipi nachiso som sa ishit da ÿauana aca 'alo, qaq ÿataqta qui'itta. Qataq somayipi nachi ca'attapiguiñi' som qagueta llalec cam dataigue. Somayipi qaÿachigoxottaigui co'ollaxa na shiÿaxauapi mayi huetalec ana 'alhua da qanca'alaxateec, 'eeta'am qanqoÿin aca l'auaxana nachitaqtaxanaqte da qoÿanot ñi Dios qataq so qagueta llalec.

Nuevo Testamento Toba Sombrero Negro

⁴ Naqaenaua jo'ne jamaĝaiquipi, jo'ne ja 'nalegue da'me 'loyaĝa'j; qama'le nach'e eta't da'me quetedapegue' ñe'me 'Naĝanaĝate Lec'oĝot, ta'ya ga'me ta'ya. Naa'me naajo' jo'ne joote qonec'alaĝatedegue, qoyachiyoĝotauelo jogaa'me jiyaĝa'u, qama'le 'uaetede'eguet da'me qoyen najaqaje's jo'ne qoyanem ñe'me Dios choqoñe'me 'Naĝanaĝate Lec'oĝot.

La'aqtaqa Ñim Lo'onatac 'Enauacna 2013

⁴ Qaq somayepi nacheso som saishet da ỹo'oxoreetac nam qanatameetacotpi maye choche ne'enaqtacpi qataq saq 'en qataq saishet da sa ỹalaxaguet Ñim Lo'onatac 'Enauacna; 'enauac somayepi ca'attague' ñi Qagueta Llalec cam dataigue, qataq qanca'alaxatec somayepi da yaqto' la'auaxanec nachetaqtaxanaxat da qoỹanot Ñim Lo'onatac 'Enauacna qataq ñi Qagueta Llalec,

Apocalipsis 14:4 Iomraidhean Croise

Mateo 19:12

Ÿotta'a't na lataxacpi mayi i'ot da sa ishit da deco'o naq'en ca shiÿaxaua. Cha'ayi huo'o na chigoqteuo da sa ishit da deco'o, qataq huo'o na chochi n'onatac da sa ishit da deco'o, qataq huo'o na maichi chigoqchigui da sa huadon, souaxat da l'onataxanaxac ñi Dios mayi neta'ague da piguem. Qaq ÿoqo'oyi cam ishit da i'ot de'eda sa'axattac, qaq no'on da i'ot.

Mateo 25:1

Nachi de'eda l'onataxanaxac ñi Dios mayi neta'ague da piguem, damayi 'eeta'am qome caua diez qa'añole mayi ÿaconalo soua lcoÿadaxanaxaqui' mayi lca'atoxo't na aceite. Nachi nqo'ooda so nadonaxac, da yaqto' huaqatra'aguet ca adonaq.

Mateo 8:19

Nachi anac som 'oonolec nam dapaxaguenataxaatapeguec na lqataxacpi so Moisés da 'enapega, 'eeta': –'Am napaxaguenataxanaq, aÿim ñishitaique da 'am seca'ategue, nai'ctaxa cam 'auataigue.

Juan 10:27

Cha'ayi anam qagueta mayi selotague', anamayi ÿauatton da ivilÿaxac, qataq aÿim sauatton anamayipi, qaq anamayi aÿim ca'attague'.

Juan 12:26

Qaq da huo'o ca nshitaique da aÿim do'onataxanot, qaq no'on da aÿim quegue, nachi ca aÿim soota'ague, nachi camayi nataq'en hueta'a. Da huo'o ca aÿim do'onataxanot, nachi ñi ita'a camayi ÿi'oxoden.

Juan 13:37

Nachi so Pedro 'enapeco': –'Am ÿataxala', ¿tá'ainco' yi sa ishit da 'am seca'ategue nagui? Yi aÿim qaica ca shiga da nai'ctaxa da 'am saalec da ñachaalataxac.

Juan 8:12

Nachi so Jesús qaltaq 'enapega so shiÿaxauapi, 'eeta': –Aÿim nachaÿim lcoÿadaqte ana 'alhua. Ca aÿim ca'ategue, nachi camayi huo'o aca lcoÿadaxanaqte mayi i'ot da lca'alaxa camayi. Huaña, nachi camayi sa nauane' da huetaigui ca napalaxa.

Hechos 20:28

Qaq ÿoqo'oyi ñi 'oonolec da qoñiita ÿataqta ntel-la't qome, qataq nataq'en qadchilliÿa'a qome 'enauac na 'amqajnataxanaxaicpi mayi qami' ipataxagueta so Espíritu Santo da yaqto' qauloÿigue. Namayipi maichi lalamaxatpi so qadataxala', lshijnaxanaxatpi, lashiue soua maichi ltago'q co'ollaq qaÿalauat.

1 Corintios 16:15

Qaq nagui, qami' ÿaqaÿa't mayi qoñiitaña na 'alhua Acaya, mashi qauaÿajñiita da na llalaqpi na Estéfanas da nachina na l'auaxanecpi da da'amqajnataxan da qoñiita, qataq namayipi ÿataqta nañanguet da itauan na qadqaÿañicpi 'amqajnataxanaxaicpi.

1 Corintios 6:20

cha'ayi ñi Dios co'olla qami' deshijnaxanalo, qalaq ÿataqta sa nalañi da qadashiichiÿaxaqui. Ÿoqo'oyi ÿataqta qaumachiÿo'ot ñi Dios da lli'oxonnataxanaxac da qad'oquiaxaqui qataq ñi qoquiÿapegue' qadqui'ii, cha'ayi naamayi lalamqa'te ñi Dios.

1 Corintios 7:28

Qalaxayi da huo'otaq 'auadon, qaq qaica ca 'adasouaxashit. Qaq nachi 'en'am aca qa'añole da huo'otaq huadon, qaq sa ishit da huo'o ca lasouaxashit. Qalaxayi ca huadon, qaq ÿataqta huo'o da lqalaic lta'adaic da nachaalataxac. Qaq 'eda da lqala' mayi qami' sovitaqteetegalo.

2 Corintios 11:2

Cha'ayi aÿim huo'o da 'ico' ica'alaxanaxac da qoñiita, qalaxayi de'eda ica'alaxanaxac, damayi chigoqtot ñi Dios. Cha'ayi aÿim sauotaique da qami' sadonaxanaxangueta so Cristo, qataq sauotaique da qami' sachaxaneu'alo somayi, da 'eeta'am ñaq'en aca qa'añole mayi saxanaxa da huadon, da huadonguet ca 'oonolec ÿale.

Efesios 1:14

Qaq nachiso so ÿoqta 'itchiguiñi naq'en da qomi' saconaxaguet ca ÿachaxanapec ñi Dios mayi qomi' ÿanema qom ivita ca laloqo' da huesochiguiñi naq'en na lalamaxatpi, da yaqto' ñimayi qaÿi'oxoden souaxat da l'amaqchic.

Efesios 5:27

Yaqto' qom ivita da nachaalataxaneu'a somayi na 'amqajnataxanaxaicpi, qalaq ÿataqta huo'o da lyaquiaxac, qataq qaica ca lshipaxanaxa, huo'otaq ca 'ico' lvigaxataxa, huo'otaq ca lÿa 'eeta'am de'eda. Chaqdata da ÿataqta qui'itta qataq nalochiguiñi.

1 Timoteo 4:3

Ne'ena shiÿaxauapi sa ÿashin da nadonaxac, nataq'en huo'o na sa ÿashin nallicpi da qanallic. Qalaxayi ñi Dios i'ot 'enauac na nallic, yaqto' ishit da chictac nam da'amqajnataxan qataq mashi ÿauatton da 'eesa lataxac, da ÿanem da n'achiquiaxac ñi Dios.

Hebreos 12:23

lapoota'a't da ÿi'oxodeetac ñi Dios, qataq cam lapoota'a't llalaqpi ñi Dios mayi qoÿittau'a aca nanedaxalate nam hueta'ague da piguem. Qataq qauataito'ot qome ñi Dios mayi nachiñi ñi nmit 'enauac na shiÿaxauapi, qataq cam hueta'a na lqui'ipi na shiÿaxauapi mayi no'on da lataxac mayi ÿataqta naloqchiichiguiñi ñi Dios,

Santiago 1:18

Ñimayi qomi' namaxalo da l'aqtac mayi i'axat da 'eesa lataxac da qomi' nca'alaxatreec, cha'ayi nshitaique da qomi' 'ico' l'auaxanqa ala na 'enauac l'onatac. Qaq damayi nachida da maichi lhuennataxac.

1 Pedro 2:9

Qalaxayi qami' ÿataqta qami' lca'aguishicpi ñi Dios, qataq qami' ltaxaÿaxanaxanecpi naq'en na shiÿaxauapi da qan'aqtaxañi' ñimayi mayi qadta'a, qataq qami' qui'itte' naq'en, qataq qami' lalamqa'te. Qaq de'eda 'eetec ñimayi, nshitaique da qami' qau'axachi na l'onataxanaxacpi mayi ÿi'oxodaq, ñim qami' ÿachigoxottoiguilo na napalaxa, da yaqto' qaunoxoñiu'a da l'edaxa mayi qaica ca 'en'am da lli'oxoyic.

Apocalipsis 17:14

Qaq namayipi delogui' qome so qagueta llalec. Qalaxayi somayi loxonec qome namayipi, cha'ayi somayi nachiso so lataxala' na nataxala'pi qataq lta'a na nta'alpi. Qataq na hueta'aguetpi somayi nachina nam ÿataqta qaiÿaxana qataq lca'aguishicpi ñi Dios. Qataq namayipi quetague' somayi.

Apocalipsis 21:22

Qalaxayi sa ishit da huo'o aca sela'a n'onaxanaxaqui se'eso la ciudad, cha'ayi ñi qadataxala' Dios mayi qaica ca ÿaqalanapec, ñimayi nachiñi ñi 'ico' n'onaxanaxaqui, nataq'en som qagueta llale.

Apocalipsis 21:23

Qataq se'eso la ciudad, somayi sa ishit da iuen aso nala' qataq so ca'agoxoic, da huo'otaq icoÿadelec. Cha'ayi na maichi l'edaxa ñi Dios qataq so qagueta llalec nachi icoÿattalec.

Apocalipsis 3:4

Qalaxayi huo'o na shiÿaxauapi na netaña na Sardes na sa ishit da ishipaxanaqchi't na alogo. Qaq namayipi aÿim hueta'aguet qome, ÿaatrañi caua lapagaxaiqa alogo, cha'ayi nachi lataxac.

Apocalipsis 5:9

Qaq somayipi i'ootac da dalaxaic n'onec, 'eeta': 'Am ÿataqta 'itchiguiñi da 'auacona ana nede qataq da 'anqa't naua qaiuaxaatalguete n'anaxanaqte; cha'ayi 'am qaÿalauat co'ollaxa, qaq soua 'adtago'q nachi lashiue da qomi' 'aushijnaxanalo, qomi' 'auachigoxottoiguilo na ÿotta'a't shiÿaxauapi mayi ÿotta'a't naua l'aqtaqa, da yaqto' 'enauac qomi' lalamqa'te ñi Dios.