Apocalipsis 14:15 - Nuevo Testamento Toba Sur

¹⁵ Qataq chigoqtoigui aso n'onaxanaxaqui so lÿa namaxashic piguem l'ec. Nachi ÿataqta n'axannec da lavilÿaxac da 'enapega som nso'ootalec so l'oc, 'eeta': –'Auquesoxoñi na 'adpetegaxanaxat. Ime, qaq 'auqataxan. Cha'ayi mashi ivita yi naloqnec da qanqat na nanguishic ala mayi huetalec ana 'alhua, cha'ayi mashi ÿi.

Nuevo Testamento Toba Sombrero Negro

¹⁵ Qama'le nenoĝonegue ga'me piyem le'ec laqaya jo'ne chiyaqaue na'me tamenaĝaiqui jo'ne na'ague di'me piyem, qama'le neten da'me dojapegue' ñe'me jo'ne netalegue ga'me piyem lo'oc: “¡Avichaĝañi na'me adedaĝanaĝat, qama'le auaqataĝan, qa'a male yovita da'me laloqo' da'me qonaqat jena'me jala jo'ne uetalegue jena'me aleua, qa'a male yajoq!”

La'aqtaqa Ñim Lo'onatac 'Enauacna 2013

¹⁵ Qaq so lỹa namaxashec piguem le'ec chegoqtoigui aso no'onaxanaxaqui, somaye ỹataqta na'axannec da la'aqtac da 'enapega som nso'ootalec so lo'oc, 'eeta': «¡'Aquesoxoñi na 'arpetegaxanaxat. Ime, qaq 'aqataxan! Cha'aye ana ala na nañiguishec mashe ỹe qataq mashe ivita ye laloqo' da qalaỹona't.»

Apocalipsis 14:15 Iomraidhean Croise

Mateo 13:30

Qaq ÿoqo'oyi no'on da ña qauauaqaÿa'a da ñaxattashiguema't naamayi, to' qom ivita ca laloqo' da qanqat na trigo. Nachi aÿim samaxalec qome ca i'onataxanaxanecpi da i'auaxaañi da nqateu'a ana huoue. Ime, qaq ÿauo'o ana laqtapi, da yaqto' qaÿavigaxat. Qaq da ime, nachi ÿaÿamaxat na trigo da ÿachaigui ca llaponaxanaxaqui.”

Mateo 13:39

Qaq so depa'aguenataxaatac mayi ÿaañi aso huoue, qalaq nachiso so shiÿaxaua lma'na. Qaq da qanqat na ala so trigo, qalaq nachica cam loga't ana 'alhua. Qaq som daqataxaatacpi, qalaq nachina na namaxashicpi piguem l'ecpi.

Mateo 23:32

¡Qaq no'on qome da qami' ÿataqta qaumachiita dam i'ot co'ollaxa som hua'au qadta'aipi!

Marcos 4:29

Qaq asomayi da ivita da ÿi ana ala, nachi qanqo'oneuga da qanqat, cha'ayi mashi ivita yi laloqo'.

1 Ts 2:16

Qaq ÿoqo'oyi naxa da sauoqtaique da sa'aqtaxanaxam da saq judiopi, da yaqto' ividauga nataq'en da qanca'alaxateec, qaq namayipi qomi' sa ÿashinema da shinaqtapeguec. Qaq de'eda 'eetec namayipi maichi nquigaxattauec da lasouaxashit. Qaq ÿoqo'oyi nagui namayipi mashi talec da saqca ca 'en'am nhuaxanaguec mayi chigoqo'ot ñi Dios.

Apocalipsis 11:19

Huaña, nachi qaÿauatoigui aso l'onaxanaxaqui ñi Dios mayi neta'ague da piguem. Nachi ÿataqta yi'oqta aso laÿi' soua diez lqataxaco ñi Dios. Nachi huo'o so nqashilgaxa, nlamaxa, qataq so nalataxa, qataq so nacholaxanaxa, qataq aso late'edai lachi.

Apocalipsis 13:12

Qaq somayi ÿataqta imatta't 'enauac da l'añaxac som hua'auchiguiñi shiguiÿac. Qaq imeteetac naq'en somayi. Huaña, nachi 'enauac ana 'alhua qataq na huetalec anamayi ÿi'oxoden naq'en som hua'auchiguiñi shiguiÿac mayi qanataden so lque'emaxa mayi ishit da qanlem.

Apocalipsis 14:14

Ime, qaltaq ñamatashiguem, nachi sela'a so l'oc lapagaxaic, qaq se'eso l'oc nso'ootalec so 'eeta'am na llalec na shiÿaxaua. Somayi ÿaatañi aso nado'o nta'a mayi chigaqaigui na oro, qataq lasoqta'a so lpetegaxanaxat ÿataqta ÿaxadaic.

Apocalipsis 14:16

Nachi som nso'ootalec so l'oc nachi iquesoxoñi so lpetegaxanaxat, da yaqto' nqat ana ala na nanguishic mayi huetalec ana 'alhua.

Apocalipsis 14:17

Ime, qaltaq anac so lÿa namaxashic piguem l'ec, chigoqtoigui aso n'onaxanaxaqui piguem lashi. Qaq somayi nataq'en ÿachitac so lpetegaxanaxat ÿataqta ÿaxadaic.

Apocalipsis 14:18

Qataq nnoxoneec so lÿa namaxashic piguem l'ec chigoqtelec aso nca'atoxonaxalate. Somayi nachiso so ishit da ÿamaqpec na nodec. Qaq somayi ÿataqta n'axannec da l'aqtac da iÿaxana som lasoqta'a so lpetegaxanaxat, 'eeta': –Ña 'auquesoxoñi na 'adpetegaxanaxat mayi ÿataqta ÿaxadaic. Ime, qaq 'alapona't ana ltaxale ana uva mayi huetalec ana 'alhua. Cha'ayi mashi ivita yi laloqo' da qanqat, cha'ayi mashi ÿataqta ÿita.

Apocalipsis 15:6

Qaq asa'aso n'onaxanaxaqui nachi chigoqtoiguilo soua siete namaxa'shi piguem lashi' mayi ÿachita'pe soua siete napaxaco. Qaq somayipi naua alogo chigaqaiguilo na lino, qataq ÿataqta qashile'c, qataq huo'oi naua lasot alaxa mayi chigaqaigui na oro, naguelguete naua ltogue.

Apocalipsis 16:17

Qataq jec so pa'ateec soua siete namaxa'shi piguem lashi' da icodelec na pa'ashiguem. Huaña, nachi chigoqtoigui aso n'onaxanaxaqui piguem lashi so n'aqtac, ÿataqta alam, chigoqchiguiña so so'onqa', 'eeta': –Mashi sogote da ime.

Apocalipsis 6:10

Nachi somayipi ÿataqta nlamaxaden, 'eeta': –'Am qadataxala' Dios mayi ÿataqta 'am qui'itta qataq 'aupactelec cam 'auachaxanapec, ¿chaq laguio', qaq ivita ca laloqo' da 'anmit qataq 'auauo'o ca nhuaxanaguec nam i'ot da qanalaataguec mayi huetalec ana 'alhua?