Apocalipsis 13:8 - Nuevo Testamento Toba Sur

⁸ Nachi se'eso shiguiÿac ÿataqta ÿi'oxodeetac 'enauac nam huetalec ana 'alhua, nam sa ishit da nanettau'a aso nanedaxalate nam lca'alaxaicpi co'ollaq chita'ague da qai'ottac ana 'alhua, asom hueto'ot so qagueta llalec mayi qaÿalauat co'ollaxa.

Nuevo Testamento Toba Sombrero Negro

⁸ Chane'eja nach'eñe ñe'me jiyac polio' jo'ne 'uo da'me 'lamaqatenataĝanaĝa'j ena'uaque joga'me aleua laje'pi, ena'uaque jogaa'me jo'ne ja qoyedidiñe ca'li naa'me lenaqa'te joca'li yemta qoye'et jena'me aleua, da'me ja qoyededelegue jaga'me nede jo'ne uetaye da'me nec'alaĝa 'me loĝot joñe'me 'Naĝanaĝate Lec'oĝot jo'ne joote qoyalat.

La'aqtaqa Ñim Lo'onatac 'Enauacna 2013

⁸ Qaq se'eso shiguiỹac leguemaxaic, na shiỹaxauapi maye huetalec ana 'alhua ỹataqta ỹo'oxoreetac somaye, nam saishet da nanettalec ca le'enaxat aso lere Ñi Qagueta Llalec maye qaỹalauat co'ollaxa. Asa'aso nere asomaye qaỹo'ot co'ollaq saxanaxa da ỹo'ot ana 'alhua Ñim Lo'onatac 'Enauacna, qaq asomaye nanettalec 'enauac na le'enaxatpi nam chochaq tatec da lca'alaxa.

Apocalipsis 13:8 Iomraidhean Croise

Mateo 25:34

Nachi ne'ena nta'a 'enapega qome nam hueta'ague na aloic, 'eeta': “Qauanaqui qome, qami' mayi qami' nqouagueque ñi ita'a. Qaunoxoñiu'a qome da n'onataxanaxac mayi ÿaqataxaatapigui' da qami' ÿanema ñi Dios co'ollaq chita'ague i'ot ana 'alhua.

Lucas 10:20

Qalaxayi sa ishit qome da nachidata qantoñiitapeguec da mashi qami' ÿalaxagueta na n'ecpi leguemaxaicpi, chaqdata qome da qantoñiitapeguec da mashi qoÿittauo da qad'enaxachi da piguem.

Juan 1:29

Qaq so lÿa na'a'q, nachi so Juan ila'aguet so Jesús da naÿaxaama somayi, nachi somayi 'eeta': –Ña qauloÿa, 'ena cha'aguet na qagueta llalec mayi chigoqo'ot ñi Dios, nam nqat qome 'enauac na nasouaxashitpi ana 'alhua.

Efesios 1:4

Ñi Dios nal'ena da qomi' lca'agui'shi, ÿachigoxotchigui so Cristo co'ollaq saxanaqaca ana 'alhua, da yaqto' nachi 'eetai' da souaqto'ot ñimayi da qui'itta da qanachaalataxac qataq da qaica ca qadasouaxashit.

Filipenses 4:3

Qataq 'am i'onataxanaxaua mayi saq aÿim 'auÿoteec, 'am shinapega da 'autaua'n qome que'ecaua qadqaÿa't, cha'ayi caamayi ÿataqta qalota da ltaunaxanaxa'c aÿim da sa'axataqtac da nca'alaxa, nataq'en ca Clemente qataq nam laÿipi i'onataxanaxauapi. Qaq ñi Dios mashi ÿidelec acam nanedaxalate nam nca'aleec na l'enaxatpi namayipi.

Tito 1:2

qataq ÿauattoota nataq'en da aquitaxac da achaalataxac mayi chochaq tateec. Qaq ñim Dios mayi sa datenataxan ñimayi ÿachaxanapec co'olloxochiyi de'eda achaalataxac co'ollaq saxanaqaca ana 'alhua.

Apocalipsis 12:15

Nachi se'eso n'adaxanaq ncosaueegue so 'etaxat, nauoigui naq'en na alap, da ÿauotaique ca l'auaxac, da yaqto' huaÿoxon naq'en asa'aso 'alo.

Apocalipsis 13:12

Qaq somayi ÿataqta imatta't 'enauac da l'añaxac som hua'auchiguiñi shiguiÿac. Qaq imeteetac naq'en somayi. Huaña, nachi 'enauac ana 'alhua qataq na huetalec anamayi ÿi'oxoden naq'en som hua'auchiguiñi shiguiÿac mayi qanataden so lque'emaxa mayi ishit da qanlem.

Apocalipsis 17:8

Yi'iyi shiguiÿac mayi 'auauaachigui, yimayi co'ollaxa nca'altauec, qalaxayi nagui mashi saqca. Qalaxayi yimayi qaltaq nnoxooshiguem qome da chigaqaña cam laponqa' na leuaxaicpi, qom mashi yaqta'a da ivita ca ÿoqta loga't. Huaña qome, nachi nam huetalec ana 'alhua nam sa ishit da qoÿittau'a acam lmalate nam qanca'alaxateecpi co'ollaq saxanaqaca ana 'alhua, nachi namayipi ÿataqta huo'o da l'aalaxa qom ÿauaachigui se'eso shiguiÿac mayi nca'altauec co'ollaxa, qalaxayi mashi saqca, qalaxayi qaltaq ÿi'iguelaxalec qome da nca'aleec.

Apocalipsis 21:27

Qalaxayi sa ishit da inoxoneu'a yimayi ca nshipaxan, huo'otaq ca ncocatapiguilo naua n'onataxaco, huo'otaq ca datenataxan, chaqcata ca qoÿittau'a ca l'enaxat aso lede so qagueta llalec asom nanedaxalate nam chochaq tateec da lca'alaxa.

Apocalipsis 3:10

Cha'ayi 'am ÿataqta 'au'ot da i'aqtac da ÿataqta 'anhualaxauen. Qaq ÿoqo'oyi aÿim 'am ñipaxatalec qom ivita ca laloqo' ca ñi'iguenataxanaxac mayi naguelec 'enauacna, da qaÿi'iguen 'enauac na netalec ana 'alhua.

Apocalipsis 3:20

Qaq ña 'aula'a da aÿim sootaigui na lasom, seÿaxaatac. Qaq da huo'o ca hua'axaÿa da iÿaxanaxac, qaq da aÿim nauateguet, nachi aÿim senoxonoigui ca lma'. Ime, qaq qomi' nqui'axa'u.

Apocalipsis 3:5

Qaq cam dauegaxan qome, nachi qoÿanaxanaxaanguilo caua anogo lapagaxaiqa. Nachi sa ishit da sapalaxat ca l'enaxat da qoÿittau'a aca nanedaxalate na nca'aleec. Qataq sa'axateu'a ñi ita'a qataq na lamaxashic piguem l'ecpi.

Apocalipsis 5:12

Qaq ÿataqta nlamaxaden da lavilÿaxac, 'eeta': Ñim qagueta llalec mayi qaÿalauat co'ollaxa da qaÿauo'o nachitaqtaxanaqte, ñimayi ÿataqta 'itchiguiñi da qoÿanem da damaxasoxonapec qataq da nsallaxa, naÿajnec, qataq da n'añaxac, n'amaqchic, ñi'oxoyic, qataq ñi'oxonnataguec.

Apocalipsis 5:13

Qataq sa'axaÿa nataq'en 'enauac nam l'onatacpi ñi Dios mayi hueto'ot na piguem qataq na huetalec ana 'alhua qataq nam huetaigui anamayi, qataq nam huetangui aso auaxai. Qaq 'enauac namayipi 'eeta': Da ñi'oxonnataxanaxac, qataq da n'amaqchic, ñi'oxoyic, qataq da n'añaxac, qoÿanot qome ñim nso'ootangui añi so'onaxaqui, qataq ñim qagueta llalec. Qaq damayi chochaq tateec qome.

Apocalipsis 6:1

Qaq sauaachigui se'eso qagueta llalec can nqat aso 'oonole asa'aso n'anaxanaqtepi, nachi sa'axaÿa so 'oonolec se'esoua cuatro shiguiÿac da lavilÿaxac 'eeta'am na nalataxa, 'eeta': –¡'Ayala, ña 'ameten!